Paisowa 2

1 Fuyanna Pentekosi lahaina yai Tau kawawananaha mahudoêidi sa faêoigogo tefa esega yai. 2 Maêesega na dagugu laêilaêi doha hwayahwayau galewa yai ya lidima be aba taêataêai lumana ya tafo nuhuli. 3 Habahim somo doha oyagi balebalelemna ya faidabadabalalai be doga esega - esega ya talu hewana yai. 4 Yaubada, Yaluwana Tabuna mahudoêidi ya famohafudi be gigibwalina yai sa fatubu alina hudoêi - hudoêi yai sa libaliba. 5 Fuyana yai Diusi iti Yaubada tau êwasabuwenna nuêu mahudoêina yai sa faêoigogo esegahidi Yelusalem yai. 6 Dagugu sa atahiyen be baiwa laêilaêi ya faêoigogoma be somo - somo sa libalibaen mate, esega - esega alina yai ya atahi lobahi. 7 Sa tauhiti ma lau noêodi tiyen, Hola au atahi. Dodoga mahudoêidi sa libaliba te mate Galili dodogadi. 8 Sidohana be esega - esega te atahi alinada yai sa libaliba? 9 Ita eda aba laoma mate: Patiya yai, Mediya yai, na haisa Elam yai. Ita hahaisa mate Mesopotamia yai, Diudeya, Kapadosiya, Pontusi yo Eisiya yai, 10 yo Figiya, Pamfiliya, Idipi yo Libiya tefadi yai, Sailin nuêuna sadasadaina yai te laoma. Na hahaisa mate tau antaumana Loma yai sa laoma Yelusalem. 11 Diusi yo taêowawa safaluma Diusi edi laulauêuêula sa laulau watan, yo Keliti yo Alabiya, mahudoêida te atahi mate Yaubada laulau gigigibwalidi yo noêo ginaulidi, te atahiyedi alinada yai! 12 Sa noêo yo sa nuwa ponopono be sa fafatiêo fuyoêidi tiyen, Ite aniyona somo? 13 Na hahaisa sa lau faliuhwaêedi tiyen, Sa nom yauyaule? 14 Habahim Pita yo tau faêona wasawasa safuhudohudoêi esega sa obiyo fahi na ya liba laêilaêi baiwa lisidi iyen, Falegu Diusi yo salumadi mahudoêimiu Yelusalem yai ami miyamiya, au ataêatahi laoma lisigu na aniyona somo haba emi E liba. 15 Emi nuwatuhu bena tatau te sa nom yauyaule. Higeêe! Itete hola 9 koloki ma hwalahwalalana. 16 Itete fuya bwaêibwaêina yai Peloweta Diyoweli haêa ya libaen: 17 “Yaubada iyen, “‘Fuya ofiêofidi yai haba Yaluwagu E fagoi dodoga mahudoêidi ai lebedi. Yo nanatumiu wawahin yo tatau haba sa liba peloweta. Ami hewahewali haba tautau sa itadi, yo emi tautaulaêi haba sa eno suwai. 18 Yo egu tau paisowa tatau yo wawahin lahaidi yai ni haba Yaluwagu E fagoi ai lebedi, be haba wasa loholohona sa lauguguyaêen. 19 Noêo abiêabidi haba E ginaulidi ai galewa, yo ai tanoêubu. Haba fafaêilala, êwasina yo oyagi balebalelemdi yo madagafu E fataumahatadi. 20 Maihala haba ya kamukamumu, na Guyau ena fuyoma lahaina haêa ya sigisigima. 21 Yena sai Guyau hesana ya ataêatahi haba ya mwahuli.” (Diyoweli 2:28-32) 22 Pita iyen, Isalaela dodogadi, au ataêatahi! Ganahewamiu yai Yesu Nasaleta ena dudulai Yaubada ya fawananaha, logena lisina yai noêo yo fafaêilala ya ginaulidi mate umi ami sibaidi. 23 Yaubada ena nuwatuhu yai Yesu ya fasinabo nonohai be sa tole afulen nimamiu yai, na dodoga heyaheyayadi sa saguhimiu be ami tutu fapatu kolosi yai. 24 In moho Yaubada ya famwahuli fuyoi peêi kamkamnana yai paêana peêi hige gonowana i abi didini. 25 Kin Deiwidi haêa ya libaen iyen, “Fuya ouêouli Yaubada sadaigu yai E itaêitai. Paêana In maêegu, be ibege agu waiyunu ya êwasabuwedi.” (Samsi 16:8) 26 Lisina yai nuwagu ya amna be E kwade yo E fadebasae. Yo E gogo susunuma mate taugu haba ya anyawasi, 27 paêana ibege tau peêipeêi edi nuêu yai u lau afulegu, yo ibege em Fatabu Dogana u ita afulen, be tauna i molu ai boêusa. 28 Mwahuli edaêedana haêa wa faêitagu; Yo Um ai matam haba E kwade wananaha. (Samsi 16:8-11) 29 Afa haidagu, E faliba komakomaêinimiu mate ada ulu tubu Deiwidi haêa ya peêi be sa boêusai na boêusana mate hola otana amaiteêi. 30 In mate peloweta na ya sibai mate Yaubada haêa ya angwala lisina yai haba Deiwidi laulauwewena hesa ya famala Baêisa gonogonowana doha in Deiwidi. (2 Samuwela 7:12-17 yo Samsi 132:11) 31 Fuya matada yai somo haba ya tubu, mate Deiwidi haêa ya sibai, be ya liba iyen, “Keliso haba ya mwahuli fuyo, yo ibege ai boêusa i ita afulen be silanna i molu.” (Samsi 16:10) 32 Boêusa yai Yaubada, Yesu te ya famwahuli fuyoi, be matamai yai haêa êe ita. 33 Tamana Yaubada ya tole hitiêi be sibana yai aba fafaêatiti yai ya taêai. Ena liba fasunuma mate Yaluwa Tabuna ya felen, Yesu. Logena ya fagoi lidiyen hewada yai mate, haêa ami ita yo ami atahiyen. 34 Deiwidi hige i hasai galewa. In moho ya liba iyen, “Guyau Yaubada ya libalau egu Guyau lisina iyen, ‘Ai sibagu u taêai, 35 ya lau eeâ, am waiyunu E toledi ai ahem ubudi doha ahem aba tolena.” (Samsi 110:1 yo Maleko 12:36) 36 Lisina yai Isalaela mahudoêidi bena sa siba komakomaêi mate Yesu te, In ami tutu fapatu, logena Yaubada ya tole Guyau yo Keliso. 37 Dodoga liba te sa atahiyen. Yo fede aluwadi sa potifahi be Pita yo tau faêona wasawasa hahaisa sa falibadi tiyen, Afa haidamai somo haba te ginauli? 38 Pita alinadi ya bui iyen, Esega - esega u nuwabui be u babasito Yesu Keliso hesana yai haba em heyaheyaya ya nuwa afulen na Yaubada ena ainauya, Yaluwa Tabuna wa abi. 39 Liba fasunuma te ya laowa umi, nanatumiu yo safalumadi iti eda lofalofa yai tau miya enehemiu yo safalumadi Guyau eda Yaubada ya yogaimiu, enehemiu. 40 Habahim, Pita ya lauguguya lofalofa na ya liba adidili lau tau ataêatahi lisidi yai iyen, Yaubada au anêetai be hiti heyayana ganahewadi yai te, haba ya saguhimiu be ami anfaleêedi. 41 Safalumadi ena liba sa lau watan mate sa fababatisodi na lahaina yai dodoga laêina tausan faihona sa lobahi be sa falau esegahi tau faêona wasawasa edi pei yai be edi pei ya laêi. 42 Edi fuya sa peidi tau faêona wasawasa edi lau faêata yai yo edi faêoigogo yai sa anêangogo yo sa laulauêuêula gogo. 43 Noêo ginaulidi boludi yo fafaêilala hudoêi - hudoêi tau faêona wasawasa sa laulau ginauli be dodoga sa êwasabu. 44 Tau kawawananaha mahudoêidi sa fafaêoigogo fuya ouêouli yo ginauli mahudoêina lebedi yai sa faifaisagusagu fuyoêidi. 45 Edi tanohi yo edi ginauli sa uneêune afuledi na monidi sa abidi be faledi tau kawawananaha salumadi ginauli hahaisa lebedi yai, higeêe mate edi sa soi. 46 Lahai esega - esega sa faêoigogo ai Dubu Tabuna dobidobina yo edi ai luma sa kalahe gogo ma nuwa taludi yo ma kwadedi, 47 lahai esega - esega salumadi sa anêeta be Yaubada ya famwahulidi mate sa falau esegahidi, be tau kawawananaha edi pei ya laêi. Yaubada sa fadebasae, yo dodoga edi abi loholoho sa kwadedi.