Paisowa 4

1 Pita yo Diyon hola dodoga sa fafalibadi na tau antalasam hahaisa yo Dubu tau gatinina baêisana yo Sadusi hahaisa sa lau lebedi. 2 Iti sa nuwa kwaipili paêana Pita yo Diyon sa fasibadi mate Yaubada haba doga mahudoêina peêi yai ya famwahuli fuyoi gonogonowana doha Yesu ena fafamwahuli fuyoêina. 3 Sa audi be sa gudu buluhidi deli yai ya lau beeâ, ya lahai paêana haêa maihala ya ofi. 4 In moho liba tau atahiyenna boludi sa kawawananaha be dodoga oulidi 3000. 5 Bobonna Diusi babaêisadi, babada yo edi laugagayo tau lau faêataêedi sa faêoigogo Yelusalem yai. 6 Tau Antalasam Baêisana, Anasi, mate amainiya maêena Kaiyafasi, Diyon, yo Alekisanda. Tatau haisa, mate Tau Antalasam Baêisana ana boga maêedi hinaga. 7 Pita yo Diyon sa ledima Anasi maêana boga matadi yai na sa fatiêoidi tiyen, Gigibwali somo - somohena yo sai hesana yai ami ginauli doha ite? 8 Yaluwa Tabuna Pita ya famohafu dodoga ya falibadi iyen, Dodoga edi babaêisadi yo babada! 9 Paêana somo aho te, ami fatiêo buibuimai fuyanna ginauli loholohona êe ginauli tau laulau gesa te lisina yai, yo auwe, “Doga te, sidohana ema fafaloholohona?" 10 Umi yo Isalaela dodogadi mahudoêidi bena ami sibai mate Yesu Keliso in Nasaleta dogana. In, logena, ami tutu fapatu. In moho Yaubada peêi yai ya famwahuli fuyoi. In hesana yai taumoho matamiu yai ya obiêobiyo te, ya faloholoho. 11 Buka Tabuna, Yesu, logena ya libalibaen iyen, “Duhu te, umi tau abi luma ami êwaiyoêoêen na aho te In luma ana duhu otaêotafahina hesa." 12 Tanoêubu yai te, ibege sai ai lebena mwahuli ta lobahi paêana ibege sai hesa ai hesana haba ta mwahuli. 13 Sanhedeli, Pita yo Diyon edi nuwa adidili sa ita mate sa noêoêedi paêana sa nuwatuhu lobahi mate iti, supusupudi, hige ti fatalahadi. Yo sa nuwatuhu lobahi hinaga mate iti, Yesu tau famuli watanina. 14 In moho hige somo ti libaen paêana taumoho laulau gesana Yaubada ya faloholoho te, sa ita ya obiêobiyo maêena Pita yo Diyon. 15 Be sa eli duduidi bena Sanhedeli edi oigogo sa lau afulen na nuwatuhu sa yoêo boda. 16 Sa fafatiêo fuyoêidi tiyen, Tatau te, haba sidohana eda abiêabidi? Yelusalem tau miyaina mahudoêidi sa sibai mate iti fafaêilala gigibwalidi haêa sa famahatadi, ibege ta faleleyedi. 17 In moho gigibwali sa famahatadi wasana te, bena te gudu na tabu ti faêona wasawasaêen be i tadada ai ganahewadi. Tatau luwaga te, bena te liba fanuwa tagudi be tabu Yesu ai hesana sai hesa ti faliba fuyoi. 18 Yo fede sa yoga fafuyodi na sa falibadi bena tabu Yesu hesana ti libalibaen yo ti lau faêataen. 19 In moho Pita yo Diyon alinadi sa bui tiyen, Umi iyabomiu au fadosi. Tausomo Yaubada matana yai ya dudulai bena êe lau watan, emi liba e Yaubada ena liba? 20 Ginauli somo êe itadi yo êe atahiyedi hige gonowana libana ai fatautau. 21 Sa liba fafaêwasabudi, habahim, sa duidi be sa lau. Hige adi mata hesa somo be haba ti panisidi, paêana somo ya laulau te, dodoga mahudoêidi Yaubada sa fafadebasae. 22 Taumoho ya loholoho te, mate ena boliman laêina 40 ya diêoi. 23 Pita yo Diyon sa soêe fahidi mate sa fuyo edi dodoga lebedi be somo tau antalasam baêibaêisadi yo babada sa libaen, edi sa liba. 24 Fuyanna tau kawawananaha sa atahiyen mate mahudoêidi sa fafaêoigogo be sa lauêuêula lau Yaubada lisina tiyen, Galewa, tanoêubu, gabogabo yo ginauli mahudoêidi ganahewadi yai, Um, Yaubada, tau ginaulidi. 25 Yaluwa Tabuna ena gigibwali yai wa libalau ama ulutubu Deiwidi, em tau paisowa, lisina uwen, “Paêana somo mulimuli dodogadi sa manabala? Yo dodoga somo heyaheyayana bena sa ginauli, sa oiêoi niguguwen? 26 Tanoêubu babaêisadi sa obiyo nonoha na tanutanuwaga sa faêoigogo bena Guyau yo ena Fasinabo Dogana, Keliso maêedi sa lulu.” (Samsi 2:1) 27 Wananaha, Heloda yo Pontiyusi Pailati maêedi mulimuli dodogadi yo Isalaela tataudi sa faêoigogo esega taon yai te, be edi sa oiliba bena em Tau Paisowa Fafatabuna, Yesu wa fasinabo, bena sa wunui. 28 Iti, somo em gigibwali yai yo em nuwatuhu yai haêa wa libaen bena ya tubu, mate sa ginauli watan. 29 Be Guyau! Somo sa liba faêwasabumai te, u nuwatuhui. Na ai, em tau paisowa, nuwamai te u faêadidilidi be em liba ai libalibaen. 30 Nimam u lolon be tau asiêasiyebo u faloholohodi yo fafaêilala yo noêo ginaulidi u lau ginauli em Tau Paisowa Fafatabuna Yesu, hesana yai. 31 Sa lauêuêula ofi mulina yai, edi aba faêoigogo lumana ya tuhutuhu. Yaluwa Tabuna mahudoêidi ya famohafudi be ma nuwa adidilidi Yaubada ena liba sa libalibaen. 32 Tau kawawananaha nuwadi yo edi nuwanuwatuhu esega. Hige sai laêi iyen, “Egu ginauli te, yau ibogu enehegu.” Sa soiyedi be haidadi edi sa feledi. 33 Tau faêona wasawasa ma-gigibwalidi Guyau Yesu ena obiyo fuyo sa libalibaen na Yaubada ena ainauya laêilaêi ya fatalu mahudoêidi lebedi yai. 34 Ganahewadi yai ni, hige sai i fafagogo gesa. Sai fafatanohidi e fafalumadi mate tanohidi e lumadi sa uneêune afuledi. 35 Maisadi sa abidi be tau faêona wasawasa sa feledi na monidi haba sa soiyedi be gonogonowadi, 36 Lewi dogana hesa Saipelesi bonabonaluwana yai ya laoma. Hesana Diyosepa yo in, tau faêona wasawasa. Hesana hesa sa tole Banabasi (aniyona mate, in nuwadi Tau Libaliba Faêadidili Natuna.) 37 Ena tanohi ya uneêune afulen na monina ya leyama be tau faêona wasawasa ya feledi.