Tau Guguya 2

1 Nuwagu yai yawa, “Haga nuwagu ya lau watan, ya lau ya kwadekwade gaibu be loholoho sidohana haba E lobahi.” In moho laulau te, hige aniyona. 2 E ita lobahi mate, liuliuhwa gaibu, laulau yauyaulena. Na kwade gaibu lisina yai, ibege loholoho ya lobahi. 3 Hola loholoho aniyona E yoêoi. Logena be nomnom yauyaule yo kwade hesa - hesa E anpateidi. E gado bena E siba somo ya loholoho dodoga lisidi yai, ai maihala tupotupona tanoêubu yai te. 4 Ginauli mahudoêina E ginauli. Egu luma E ginaulidi yo wain E umahidi gabudi yai. 5 Gabu E lau ginauli be ganahewadi yai fuwafuwa nene hesa - hesa E umahidi. 6 Hoêowa ipuna E ginauli, ainiya haba hoêowa E yahi be umaêuma laulau idahedi E fanom hoêowadi. 7 Egu tau lau fayofayo tatau yo wawahin E unedi, yo egu tau lau fayofayo haisa mate egu luma yai sa tubu. Egu bulumakau yo sipi baiwadi sa ouli, habahim dodoga haisa Yelusalem yai. 8 Siluba yo gole aiʼegu E abidi. Babaêisa yo nuʼu boludi edi gogo loholohodi hinaga E abidi. Tau wana tatau yo wawahin E fasinabodi hinaga. Tau lau fayofayo wawahin boludi E faidi sa famala doha lalahugu. 9 Yau E hasai wananaha habahim dodoga haisa Yelusalem yai. 10 Matagu yai somo E ita mate E fanuha bena E abi, yo nuwagu moho tanoêubu kwadena. In moho nuwagu ya loholoho egu paisowa lisina yai paêana egu abi peêipeêi logena maisagu. 11 Fuyanna ginauli mahudoêina nimagu yai E ginauli yo somo E ankamkamnaêen be loholoho E abi, E mainene sipoi be E lobahi mate ginauli mahudoêina te, hige aniyodi. Doha hwayau E tafotafo watan, hige agu loge. Maihala yai hige somo laêi ya abi. Ginauli mahudoêina ganahewana yai te mate E sibasiba wananaha. 12 Habahim egu nuwanuwatuhu E bui be sibasiba E ita sipoi. Kabakabaleya yo gelogeloma hinaga E nuwatuhu fadosidi. Kin, somo haêa ya ginauli mate, tau lau fadamahina haba somo hesa ya ginauli? 13 E nuwatuhu lobahi mate sibasiba ya loholoho wananaha, habahim yauyaule, doha mala ya loholoho wananaha, habahim kamumu. 14 Tau sibasiba ena aba lau ya sibai na yauyaulena higeêe. In moho E nuwatuhu lobahi mate, luwaluwagadi edi fuya ofi nenena esega. 15 Habahim nuwagu yai yawa, “Yau haba E peêi doha doga yauyaulena.” Be sibasiba lebena yai somo haba E abi? Ite hinaga hige aniyona. 16 Logena doga sibasibana haba doha yauyaulena, sa nuwa fuiyen maêamaêaen. Lahaidi sa laolaoma ibege ti nuwatuhuidi. Doga sibasibana hinaga bena ya peêi, doha doga yauyaulena! 17 Logena mwahuli te, E êwaiyoêoêen, paêana paisowa maihala yai ya faêankamkamnagu. Mahudoêina hige aniyona doha hwayau E tafotafo watan, na hige agu loge. 18 Ginauli mahudoêidi E ginaulidi maihala yai mate, E waiyoêoêedi wananahaidi, paêana ibe E lau afuledi, mate doga hesa muligu yai haba aiêena. 19 Doga sibasibana e yauyaulena, sai ya sibai? Ma adidiligu yai, egu sibasiba yo adidili yai, paisowa mahudoêidi E ginaulidi maihala yai. In moho haba ya tanuwagaidi. Ite hinaga hige aniyona. 20 Paisowa yai E abi peêipeêi, E nuwatuhui be nuwagu ya kuêu. 21 Doga gonowana ena sibasiba yai ena paisowa ya ginauli, na habahim ya lau afulen, be sai hige i kamna heyayaêen, aiêena. Ite ya heyaya wananaha yo hinaga hige aniyona. 22 Maihala yai taumoho ya paisowa peêipeêi, na lisina yai somo ya lobahi? 23 Ena mwahuli fuyadi yai mate ena paisowa ya fakamna heyaya. Ai iêipadi ya nuwanuwatuhu hinaga hige i anyawasi. Ite hinaga hige aniyona. 24 Doga hige gonowana somo loholohona i ginauli, na bena moho ya nom yo ya an, yo hinaga bena nuwana ya loholoho ena paisowa lisidi yai. Ite hinaga E ita mate, Yaubada ena gigibwali yai ya ginaulidi. 25 Paêana ibe in higeêe, haba somo ya an? E haba sidohana nuwana ya loholoho? 26 Sai Yaubada nuwana ya fafaloholoho, mate sibasiba, sonoga yo kwade ya felen, in moho, tau heyaya mate Yaubada gogo loholohodi, fafatabudi paisowadi lisidi yai ya fakamna heyayadi, na ai mulina haba sa fele lawen Yaubada nuwana tau faloholohona lisidi. Ite hinaga hige aniyona, doha hwayahwayau ya tafotafo watan, na hige adi loge.