Aba Fatubu 2

1 Yo fede, galewa yo tanohi yo ginauli mahudoêidi, mate Yaubada ya ginauli faêofidi. 2 Lahai fafaligigi luwagana yai Yaubada ana paisowa ya faêofi, be lahaina ya kawa loholohoêen yo ya fatabu. Habahim ya anyawasi. 4 Itete sidohana tanoêubu ena ginaginaulina. Gabu Iden Nuêuna yai Aba Fatubu 2:4-25 Fuyana Guyau Yaubada tanoêubu yo galewa ya ginaulidi mate, 5 hige somo laêi i in tanohi yai, paêana hola hige i faêusa, yo hige sai laêi gabu i paisowai. 6 Na yomayoman yai hoêowa ya kalamahano be tanohi ya faêwau. 7 Habahim afusa ya abi tanohi yai na taumoho ya falasa. Ya yahafuwa lau hisuna yai be taumohona ya adidili yo ya mwahiu. 8 Maihala ena aba kepama yai gabu ya ginauli Iden yai. Habahim taumoho ya falasa, amainiya ya tole. 9 Oyagi nene hudoêi - hudoêi ya ginaulidi be sa in. Itaêitadi sa loholoho na anêandi olidi. Mwahuli oyagina mate gabu atiêatipuna yai yo oyagi hesa hesana loholoho yo heyaya aba ita lobahidi hinaga amainiya. (Aba Fatubu 3:22) 10 Yomayoman ya didi lidi Iden, be gabuna ya fahoêowa. Hoêowa gwaluna yai ya saêa, be saêana oulina fati. 11 Saêa bwaêibwaêina mate hesana Pison mate Hawila nuêuna ya didi fataêiêili, na gole amainiya. 12 (Gole wananaha, maêi panepanena fisafisadi yo umeêehu namanamalidi amainiya sa lobahidi). 13 Saêa fafaluwagana mate hesana Gihon ya didi lau Kusi Nuêuna yai. 14 Saêa fafaihonana hesana Tigilesi mate Asiliya tefa saisaina yai ya didi lau. Na fafatina mate hesana Ifeleti. 15 Habahim taumohona ya lawen Iden. Gabuna yai ya tole be ya ita watan yo ya paisowai. 16 Na ya falaugagayo, iyen, Oyagi mahudoêidi gabu yai te, uludi gonowana wa andi. 17 Loholoho yo heyaya aba ita lobahidi oyagina uluna, tabu u an, Ibe uluna wa an, haba wa peêi. 18 Guyau hinaga iyen, Taumoho iyabona hige i loholoho. Haba ana sagu yo tau saguhina dudulaina E ginauli. 19 Be ataiêa, yosiyosi yo suisui yekoyekodi tanohi yai ya falasadi. Habahim ya lawedi Adam lisina, na hesa somo ya tole, mate, logena. In moho hige laêi, gonowana i saguhi. 21 Yo fede, taumoho ni ya lau faêeno. Habahim, oitalina esega ya abifahi, na omatana ya fasusu buluhi. 22 Oitalina yai waihin ya ginauli, be ya lawen Adam lisina. 23 Adam iyen, Yeeâ, matabahim doga nenena doha yau, itete yau siyadagu, taugu yai sa kamfahi yo fisihogu tefana. Haba hesana E tole waihin, paêana taumoho oitalina yo fisihona yai Guyau ya ginauli. 24 Logena, taumoho haba tinana yo tamana ya lau afuledi, na ma lahuna sa miya esega, be sa famala esega. 25 Taumoho yo waihin ma tau afaêafadi, in moho, hige ti taumayamaya.