Maleko 16

1 Sabati lahaina mulina, Maliya Magadala, Salome yo Maliya Diyemsi tinana maêi panepanedi sa unedi. Bena bobonna haba sa lau Yesu silanna sa famaêi. 2 Bobonna, nuêu ya ifi tatatali na sa aulaha sa lau boêusa. 3 Edaêeda yai sa laulau na ibodi sa fatiêo fuyoêidi, tiyen, Sai haba umeêehu boêusa hafohafona yai ni ya fatapipili? Sa tamahiti mate boêusa guduna umeêehu laêilaêi haêa sa fatapipili. 5 Sa luhulau boêusa yai mate taumoho hewahewalina ena leli kafukafuna tefa siba yai ya taêataêai. Yo fede aluwadi sa potifahi. 6 Na iyen, Tabu au êwasabu. Yesu Nasaleta, In sa tutu fapatu, ami yoêoyoêoi. Haêa ya obiyo fuyo! In hige amaiteêi. Edi aba tolena haêa ami ita. 7 Au lau be ana hewahewali Pita ma haidana au falibadi auwen, “In haba ya bwaêi Galili. Ainiya haba ami ita, doha haêa ya falibamiu." 8 Wawahin wa sa tauhiti na ma tabutabubudi sa gela sa lau boêusa ganamulina. Hige sai somo ti faliba paêana sa êwasabu. 9 Sandei hwalahwalalana Yesu peêi yai ya obiyo fuyo na ya taumahata bwaêi Maliya Magadala lisina yai. In, logena, yaluwa heyaheyayadi faligigi-luwaga ganahewana yai ya liba duidi. 10 Salumadi ma afa haidana sa logo yo sa tantan mate, enehedi ya liba iyen, 11 Yesu ya mwahuli fuyo! Yau E ita! In moho hige ti kawawananahaêen. 12 Mulina yai Yesu ya taumahata dodoga luwaga lisidi yai fuyana sa laulau nuêu hesa. Nenena ya sedi be hige ti ita lobahi. 13 Sa fuyo be haidadi sa falibadi. In moho hige ti kawawananahaêedi. 14 Ofiêofina yai Yesu ya taumahata ana hewahewali safuhudohudoêi esega lisidi yai fuyanna sa kalakalahe. Ya sagasagaliyedi paêana sa nuwa poêi yo salumadi Yesu sa ita ya obiyo fuyo mate hige ti kawawananahaêedi. 15 Ya libalau lisidi iyen, Au lau tanoêubu mahudoêina yai wasa loholoho te, dodoga ai lisidi au duwai. 16 Sai ya kawawananaha be sa fababasito haba ya mwahuli, In moho, sai hige i kawawananaha haba ena heyaya debana yai sa fagilu. 17 Tau kawawananaha haba noêo ginaulidi sa lau ginauli. Dimoni haba ai hesagu sa liba duidi yo alina hesa - hesa yai haba sa libaliba. 18 Yena weso ai nimadi sa abidi yo anêanlewa sa nomdi ibege ti peêi yo sa abilau tau asiêasiyebo ai lisidi haba sa loholoho. (Paisowa 28:3-5) 19 Guyau Yesu ya libaliba ofi mulina yai, sa hasaen Galewa be Yaubada sibana yai ya taêai. 20 Habahim ana hewahewali sa lau sa lauguguya nuêu ouêouli yai. Na Yaubada ya saguhidi be ena liba ya fawananaha fafaêilala lisidi yai. Maleko Bukana Ofiêofina Libadi Haisa Maleko 16:9-10 [9-10 Wawahin sa lau be liba tupotupona Pita ma afa haidana sa falibadi. Muli yai Yesu ana hewahewali ya fatamalidi sa lau, tefa saisai yai yo tefa leuleu yai be wasa tabuna yo miya lofalofana yo mwahuli otaêotafahina wasana sa falibadi. ]