2 Corintios 4

1 Illanc’ aimaÆsinyi quixoqui maluya’ayi Lataiqui’. Illanc’ caÆtuca’ aicaÆfajyoÆtsi, ma ȽanDios ixpic’epa, aÆfajponga’, aÆpaxneponga’, lapi’iponga’ laÆmane, laÆpenic’. 2 Illanc’ aÆpo’nopá laÆpicuejma’ aÆ‘eÆe ma le’a al c’a. AimaÆ‘eyacu to lo’epa iÆne noximpá calaic’ata. IÆne aimuya’ayi te ts’i’ic’ lo’epa. IÆsina’ aimetenÆma. Illanc’ aimaÆfel’miyaleyi, ni aimaÆhuants’iyi Lataiqui’ y ocuena cataiqui’. Luya’ayi ma litaiqui’ ȽanDios. ToÆta’a ni petsi laÆtseyacu lan xanuc’ limetsaicotsonga’ aÆ‘eyi ma le’a lanic’ lalapi’iponga’ ȽanDios. 3 Illanc’ aÆpalaiyi al cuajmaica cataiqui’. Petsi aimunÆu’enyacola’ le’a iÆniya aimicuec’eyacu. 4 IÆniya afohue, toÆta’a li’e’epola’ Satanás. IÆque iÆpincuxepa petsi naihuejpá quiÆtuca’ liÆpicuejma’. ToÆiya Lataiqui’ aimepalc’o’ila’ liÆpicuejma’. IÆe Lataiqui’ tuya’e’ te ts’i’ic’ Cristo, iÆque ma’ anuli to qui’i’ic’ ȽanDios. IÆne aimi’iya mixinyacu toÆta’a. 5 Illanc’ aimaÆpalaicoyoÆtsi. AÆpalaicoyi Jesucristo, luya’ayi: “IÆque iÆPoujna lan xanuc’”. Illanc’ aÆ‘eyi lanic’ lalapi’iponga’ Jesús, toÆta’a aÆtoc’ilhuo’ imanc’, tocomma illanc’ oÆmozó. 6 Lipangopa li’a Æamats’ ȽanDios icuxe’ma icua’ma: “JiÆpe al muf ti’iÆa’ epalc’o’”. MaÆque ȽanDios lapalc’o’iponga’ illanc’ laÆpicuejma’, limetsaicoyi te ts’i’ic’ ȽanDios. Ipic’a alulif’etsola’ laÆf’as xanuc’, ti’iÆa’ quiÆsina’ iÆne te ts’i’ic’ ȽanDios. MaÆque Jesucristo timuc’i’mola’ toÆta’a. 7 Illanc’ Æinca ma le’a ninc’ixanuc’, acueca’ lalapi’iponga’ ȽanDios. LaÆcuerpo ti’onÆcospa to lapixu lilanc’ecompa ixitsqui, ÆiPoujna i’nij’mipa acueca’ lipitali. ToÆta’a ja’ni lan xanuc’ tixinyi acueca’ laÆ‘epa ti’iÆa’ quiÆsina’ a’i caÆtuca’ maÆ‘eyi, iÆe al cuecaj lo’epa ȽanDios. 8 Illanc’ Æinca aÆtantsinga’, aicaluxpats’inga’ nulemma. Tama aicaÆsina’ te caÆ‘eyacu, ti’hua aÆ‘huaiyijnyi ȽanDios. 9 Tama lan xanuc’ alihuetsoquinga’, ȽanDios aimaÆpo’nonga’ caÆtuca’. Tama aÆscai’enga’, aimi’iya malulijyaconga’ nulemma, ma’ aÆmaf’i’. 10 ToÆta’a laÆteÆcopa illanc’. Mipa’a fa’a li’a Æamats’ ÆaÆPoujna Jesús ixingufcopa lateÆcoya jiÆpe licuerpo, imapa. Jouc’a illanc’, ni petsi laÆtsepa aÆteÆcoyi, toÆta’a jifa’a laÆcuerpo i’huáqui al ts’e laÆpitine lalapi’iponga’ Jesús Æimaf’inapa. 11 Cacua: MaÆmana’ fa’a li’a Æamats’ illanc’ maÆ‘eyi lanic’ lalapi’iponga’ Jesús, itine itine tocomma aÆma’a’monga’, aÆma’monga’. Tama ti’hua tijaf’que laÆcuerpo, tama aÆma’monga’, ma caÆmaf’i’ i’húaqui al ts’e laÆpitine lalapi’iponga’ Jesús. 12 ToÆta’a illanc’ laÆpepajnya. Illanc’ aÆsingufcoyi lamaya, imanc’ toÆsingufcoyi al ts’e loÆpitine. 13 Al Paxi LiniÆingiya tuya’e’: “Ai’huaiyijmpa ȽanDios, toÆiya aipalaic’opola’ lan xanuc’”. ToÆta’a illanc’ laÆ‘ejma’. AÆ‘huaiyijnyi ȽanDios, aÆpalaic’ola’ lan xanuc’. 14 AÆsina’ laÆ‘iyaconga’ ti’i’ma ma’ anuli to li’ipa Jesús. ȽanDios Æimaf’i’inapa Jesús jouc’a aÆmaf’i’ina’monga’, lapenufnatonga’ jiÆpe. Illanc’ imanc’ lapenufnatonga’. 15 ȽanDios lixpic’epa lo’iya i’nujuais’molhuo’ imanc’. Ipic’a xonca toÆsinÆe te ts’i’ic’ litoc’iyalepa. TijouÆa’ imanc’ unc’xpela’ toÆs’najtsi’i’me ȽanDios. ToÆta’a tixinim’me acueca’ ȽanDios. 16 Illanc’ maÆ‘huaiyijnyi ȽanDios aimaÆsosponga’. LaÆcuerpo Æinca ti’hua tijaf’que, al ts’e laÆpitine lalapi’iponga’ Jesucristo aimijaf’que. IÆe laÆpitine itine itine tepi’im’me quipujfxi. 17 LaÆteÆcopa fa’a xonca juaiconapa acueca’ aÆtoc’inga’. MaÆteÆcoyi fa’a lulijyi lalapi’iyaconga’ pu’hua locuena capajnya. LaÆteÆcopa fa’a li’a lamats’ aimi’onÆya to lalapi’iyaconga’ pu’hua. Fa’a aimicoÆya lateÆcoya. Jipu’hua al cueca’ al c’a lalapi’iyaconga’ ȽanDios aimijouya lojauhuamlaicoya. 18 ToÆiya jahuay li’huáqui fa’a li’a lamats’ aimaÆ‘nujuaisyi. AÆ‘nujuaisyi te ts’i’ic’ lopa’a jiÆpe petsi aiqui’huáqui. Jahuay pe ts’i’huáqui aimicoÆya, ti’hua tijou’ma. Petsi aiqui’huáqui, iÆe aimijouya.