Menu

2 Corintios 9

WBT

1 ToÆe laixc’ai’ipolhuo’: “Tolapenuftsola’ lapimaye”. Aicamiyacolhuo’ xonca. Joupa oÆsina’ lonÆ‘eyacu, toÆtoc’i’mola’. 2 Imanc’ tixoqui cunlata toÆtoc’ila’ loÆpimaye. ToÆta’a laifpalaicopolhuo’. Joupa nu’ipola’ lapimaye nomana’ Macedonia, aimipola’: “Luyaipa camats’ iÆne lapimaye nomana’ Æamats’ Acaya joupa efot’Æepá al tomí. Ma le’a tehue’ela’ tummetsa.” Licuej’me toÆta’a axpela’ iÆniya icua’me: “Illanc’ jouc’a aÆtoc’i’mola’ laÆpimaye”. 3 Itsiya cumme’e’molhuo’ lam fantsi lapimaye, tixintsolhuo’ ja’ni olafot’lepá al tomí. Ja’ni a’i, iÆe lainescopolhuo’ al c’a ti’i’ma ma le’a ataiqui’. 4 Luyaicotsa jiÆpe iya’ jouc’a oquexi’ afantsi lapimaye lun Macedonia, aÆcuaitsa ja’ni aicoÆjou’ne colafot’Æe al tomí, Æinca aÆsinna calaic’ata. Illanc’ joupa aÆpalaicopolhuo’: Joupa olafot’Æepá al tomí. Ja’ni aicolafot’Æe, ¿te imanc’ aimoÆsinyacu calaic’ata jouc’a? 5 ToÆiya cumme’e’molhuo’ lapimaye. Joupa aixc’ai’ipola’ lo’eyacu. IÆne tiye’me jiÆpe pe loÆmana’. Tu’itolhuo’ toÆsuai’niÆe al tomí lolafot’Æeyacu. TijouÆa’ ca’hua’ma iya’. Imanc’ joupa oÆpo’nopá cataiqui’, toÆcu’me acueca’. Ne’, tolafot’ÆeÆe nulemma. Ja’ni a’i cacuaitsi iya’ ticuicomma caxahue’etolhuo’. ToÆta’a aicaipic’a. Aipic’a imanc’ coÆtuca’ toÆcu’me. 6 ToÆ‘nujuaitsa: Nofapa ahuata tefot’Æe’ma ahuata. Nofapa acueca’ tefot’Æe’ma acueca’. 7 Ja’ni afule mocu’ma, o ja’ni to’huaijma ticuxe’entso’, iÆe lo’ejma’ aimetenÆma ȽanDios. Cal xans ja’ni tixoqui queta ticu’ma litomí iÆe lo’epa tetenÆcocojma ȽanDios. 8 MaÆque ȽanDios acueca’ nipajnya titoc’i’molhuo’. Jahuay Æitiné nipajnya tepi’i’molhuo’ laicuicomma, xonca tepi’i’molhuo’. ToÆta’a aimi’i’ma cahue’eyacolhuo’. TijouÆa’ ti’iÆa’ coÆ‘huexi, ti’hua tonÆ‘e’me al c’a, ti’hua toÆtoc’i’mola’ loÆpimaye. 9 Al Paxi LiniÆingiya tipalaijma cal xans no’epa iÆe al c’a, ticua: Tica’nela’ li’hueca, titoc’ila’ pe lahue’epola’. IÆe al c’a li’ejma’ aimimenc’econyacu. 10 Lam fanu’ lofapa lan xanuc’, lepi’ipola’ ȽanDios. Ma’ anuli Æa’i Æotepa, ȽanDios lepi’ipola’. MaÆque ȽanDios tepi’i’molhuo’ iÆe lolapi’iyacola’ loÆpimaye. TijouÆa’ xonca acueca’ tepi’i’molhuo’. Ja’ni ac’a lonÆ‘e’epola’ loÆpimaye, xonca al c’a tepi’innolhuo’. 11 Imanc’ aimehue’eyacolhuo’, ti’i’ma toÆtoc’icona’mola’ acueca’ loÆpimaye. Lapimaye napenufyacu laÆtaiyacu illanc’, iÆe lolapi’iyacola’, tix’najtsi’i’me ȽanDios, timuj’me acueca’ iÆque. 12 Ƚinca lolapi’iyacola’ lapimaye titoc’i’mola’, aimehue’econa’mola’. TijouÆa’ xonca acueca’ lo’iya. IÆniya lanxpela’ tix’najtsi’i’me ȽanDios. 13 Lepenuftsa lolapi’iyacola’, lapimaye tixim’me acueca’ ac’a lo’epa ȽanDios, tix’najtsi’i’me. Tix’najtsi’i’me, imanc’ oÆspic’epá toÆtoc’itsola’. Tix’najtsi’i’me, aÆinca tolihuejcoyi Lataiqui’, iÆe Litaiqui’ Cristo. A’i ma le’a oÆnespá: “Lihuejco’me”. Tix’najtsi’i’me, imanc’ a’i cunc’afts’ile, acueca’ toÆtoc’ila’ iÆniya jouc’a jahuay lapimaye. 14 Tixim’me acueca’ lipaxnepolhuo’ ȽanDios, ipo’no’ipolhuo’ loÆpicuejma’ toÆtoc’itsola’. ToÆiya ti’nujuais’molhuo’ juaiconapa, tixahue’e’me ȽanDios titoc’itsolhuo’ jouc’a. 15 X’najtse’eya ȽanDios, joupa lapi’iponga’ iÆque xonca acueca’. IÆque Æalapi’iponga’ ȽanDios ailopa’a co’onÆcoya.

Everything we make is available for free because of a generous community of supporters.

Donate