Hebreos 1

1 Luyaipa quitine, ȽanDios ipalaic’o’mola’ lam profeta. Axpe’ ipalaic’ocona’mola’. Axpe’ li’ejma’ timuc’itsola’. Imuc’i’mola’ te ts’i’ic’ lipicuejma’. IÆne lam profeta u’i’me, laÆtatahueló iquimf’e’me liÆtaiqui’. 2 IÆna’a Æitiné ma mi’hua mijoujma li’a lamats’ ȽanDios joupa aÆmuc’iponga’ nulemma te ts’i’ic’ lipicuejma’. Imujpoxi. Ma Æi’Hua ȽanDios timuqui te ts’i’ic’ lipicuejma’ ȽanDios. ȽanDios joupa ifaquimpa Æi’Hua ticuxeÆa’ jahuay, jahuay ti’iÆa’ i’huexi. Jouc’a epi’ipa limane tilanc’eÆa’ li’a Æamats’, lema’a, jahuay lopa’a. Ma toÆta’a li’epa. 3 CaÆ‘Ailli’ ȽanDios temiyoxi jiÆpiya petsi acueca’ juaiconapa epalc’o’. Aimi’iya maÆsinyacu. Ƚi’Hua acuajmaica aÆmuc’inga’ te ts’i’ic ȽanDios. CaÆ‘Ailli’ ȽanDios y Æi’Hua ma’ anuli mimana’. Ƚi’hua timuqui ma’ al Æinca ȽanDios i’Ailli’ iÆque. Acueca’ icueya limane Æi’Hua ȽanDios. Tixpic’e aimijou’mola’ Æamats’ lema’a jahuay lopa’a. ToÆta’a aimijoucola’. Litine tinesla’: “¡Ixhuaita!”, jahuay tijouna’ma. MaÆque Æi’Hua ȽanDios aliÆonc’e’eponga’ laÆjunac’, alatufc’e’eponga’. Lijoupa li’epa toÆta’a icutsainapa jiÆpe al c’a camane cal Cueca’ CanDios Nopa’a al toncay lema’a. 4 ToÆta’a imetsaicom’me acueca’. Ulijpola’ lapaluc’ quema’a. IÆne lecui’impola’ “lapaluc’”, ilque a’i. Xonca acueca’, xonca ac’a iÆe lecui’impa iÆque, ma’ ipuftine. 5 Lipalaic’opa ȽanDios anuli Æapaluc quema’a, ¿te aga limipa: “Ima’ ai’Hua. Itsiya quimetsaicohuo’, iya’ o’Ailli’”? O lipalaicopa Æapaluc, ¿te luya’apa: “Iya’ i’Ailli’, iÆque ai’Hua”? A’i. 6 ȽanDios mipalaic’o’ Æi’Hua, iÆque Æacui’impa Cal Te’a, ti’nujuaitsi litine tummecona’ma li’a Æamats’, ticua: Texc’onÆingoÆaiÆe jahuay lapaluc’ quema’a. 7 Lipalaico’mola’ lapaluc’ quema’a tuya’e’: ȽanDios ixpic’epa lepaluc’ quema’a ti’onÆcospola’ to Æahua’. IÆne epaluc’ no’epá lipenic’, ixpic’epa ti’onÆcospola’ to ÆipaÆ cunga. 8 Lipalaico’ma Æi’Hua ȽanDios tuya’e’: Locuxejma manDios, aimijouya. Ma al Æijca lo’ejma’, al Æijca tocuxe. 9 Ima’ mihuequi al Æijca, tetenÆcocohuo’. Petsi aimihuejyi to’ela’ laic’ liÆ‘ejma’, toÆiya manDios, xonca ifac’epo’ ÆomenDios, xonca imetsaicopo’. Joupa mulijpola’ lopimaye. ToÆta’a i’e’epo’ tixojma meta juaiconapa. 10 Jouc’a tuya’e’: Lipangopa li’a Æamats’ ma ima’, manDios, opo’nopa iÆe li’a Æamats’. Ma’ ima’ olanc’epa lema’a. 11 Ƚinca lema’a tijouna’ma, ima’ a’i. Ima’ topa’a tijauhuamlaicota, ti’hua topa’a. Lema’a ti’hua tijaf’que, ti’i’ma ma to lo’iya lotsamalo. 12 Ma to cal xans tijuis’ma lipuquiya, toÆta’a tojuis’ma lema’a, tipaico’ma. Ima’ a’i mopai’iyacoxi, aimijouya lopitine. 13 ȽanDios, ¿te aga imipa anuli Æapaluc quema’a: “Tocutshuai’ma jifa’a al c’a camane. Topanehuo fa’a, iya’ mi’hua culiquila’ lo’epo’ laic’. TijouÆa’ ima’ tocuxena’mola’.”? ToÆta’a ȽanDios limipa ma le’a Æi’Hua. 14 Ituca’ lapaluc’ quema’a. Jahuay iÆniya tama iÆmaf’i’ ailopa’a quiÆcuerpo. JiÆpiya lema’a ti’eyi lanic’ lepi’ipola’ ȽanDios. IÆque tummela’ titoc’intsola’ lixanuc’, iÆne nonÆu’eyacola’.