Hebreos 3

1 Unc’aipimaye, imanc’ jouc’a i’huexi ȽanDios. IÆque Nopa’a lema’a ijoc’ipolhuo’ toÆcuaitsa jiÆpiya pe lopa’a. Itsiya caxc’ai’ilhuo’, camilhuo’: ToÆ‘nujuaisle Jesucristo, maÆque ÆaÆCuecaj Ca’Ailli’ ȽanDios Æummepa. Aimolimenc’eco’me li’ejma’ Jesús, iÆque ȽaÆ‘huaiyijmpa. 2 Jesús ac’a li’epa lanic’ lepi’ipa ȽanDios. ToÆta’a ti’onÆcospa to Moisés. IÆque jouc’a ac’a li’epa lanic’ lepi’ipa ȽanDios jiÆpe lejut’Æ. 3 Ƚinca Jesús tuliqui Moisés, imetsaicompa xonca acueca’. Moisés le’a anuli cal xans nolojmay lixanuc’ ȽanDios, iÆne lecui’impola’ “lejut’Æ È½anDios”. Ituca’ Cristo. IÆque nilanc’epa lajut’Æ, aPoujna. 4 Ƚajut’Æi, anuli anuli, tipa’a naitsi ticuxe’ma jiÆpe, iÆque tixpic’e tilanc’enÆe lajut’Æ. MaÆque ipoujna. Ma ȽanDios aPoujna jahuay, iÆque nilanc’epa. 5 Moisés Æinca ac’a li’epa lanic’ jiÆpe lejut’Æ È½anDios, ti’onÆcospa to cal mozo no’epa lanic’ lepi’ipa Æipoujna. Jahuay li’epa Moisés imuj’ma te ts’i’ic’ lo’iya. IÆe ȽanDios tuya’a’ma. 6 Ituca’ Cristo. IÆque i’Hua ȽaPoujna Cajut’Æ. Ticuxela’ lixanuc’ ȽanDios. Ja’ni aimaÆpailinamma ni maÆspailij’monga’ illanc’ ixanuc’ ȽanDios. Ticuicomma tixojla’ calata aÆ‘huaiyijnle iÆque. AÆnesle: AÆinca lunÆu’ena’monga’. 7 Ticuicomma tonlihuejcoÆe loya’apa cal Espíritu Santo. IÆque tuya’e’: Itsiya ja’ni ȽanDios tipalaic’olhuo’ toÆquimf’eÆe. 8 Aimi’i’ma ata Æolunxajma’. ToÆta’a i’e’me lincuejlocale xanuc’ mimana’ pe ailopa’a quiÆya’, ehuaiyoÆ‘me ȽanDios. 9 Mi’hua oquej nuxans camats’ ixim’me laif’epa jiÆpe pe ailopa’a quiÆya’. Iya’ ma NanDios, iÆne loÆtatahueló lahuaiyoÆpá, ticuayi: “ȽanDios, ¿ja’ni ti’e’ma to laÆmiponga’?" 10 ToÆiya iya’ nixtunni, iÆne lan xanuc’ li’epa aicalatenÆcocojma. Cacua: AiquiÆcuec’e laicuxe’epola’, timenaquila’, aimalihuequi. 11 IÆne lan xanuc’ lapi’ipa coyac’, ai’epa jurar. Aimipola’: “AimoÆtsuflaiyacu Æamats’ lainepi’ipolhuo’, aimolunxajyacu jiÆpe”. 12 Unc’aipimaye: ToÆpo’noÆe cuenna. Tonlihuejle Ƚimaf’i’ CanDios. Aimi’i’ma a’ijc’a loÆpicuejma’, ni anuli imanc’. Petsi no’eya toÆta’a, aimi’eya Æinca limipa Ƚimaf’i’ CanDios, tipaino cane. 13 Itine itine toÆsc’ai’itsoÆtsi ma mimilhuo’ ȽanDios: “Itsiya aÆquimf’eÆa’”. Ja’ni a’i, aga hualca imanc’ tolihuej’me lixcay cane, toÆta’a toÆfel’mi’moÆtsi, ti’i’ma ata Æolunxajma’. 14 Ja’ni ti’hua aÆ‘huaiyijnyi jahuay laÆpitine, ja’ni aimaÆpai’iyacu laÆpicuejma’, aÆinca joupa lapenufpá Cristo. 15 ToÆiya tuya’e’: Itsiya ja’ni ȽanDios tipalaic’olhuo’, toÆquimf’eÆe. Aimi’i’ma ata Æolunxajma’ to li’epa iÆne lincuejlocale xanuc’. 16 ¿Naitsi iÆne niquimf’epá ȽanDios, lijou’ma i’e’epoÆtsi lincuejlocale xanuc’? ToÆta’a li’ipola’ jahuay iÆniya lipa’apola’ Moisés jiÆpe Æamats’ Egipto. 17 ¿Naitsi iÆne nepi’ipá coyac’ ȽanDios oquej nuxans camats’? MaÆniya lan xanuc’, iÆne ni’epá quixcay. IÆne epi’impola’ liÆjunac’, imapola’ jiÆpe Æamats’ pe ailopa’a quiÆya’. 18 ¿Naitsi iÆne lipalaic’opola’ ȽanDios iÆe litine li’epa jurar, limipola’: “AimoÆtsuflaiyacu Æamats’ lainepi’ipolhuo’, aimolunxajyacu jiÆpe”? ToÆta’a lu’ipola’ lan xanuc’ petsi aiquilihuejma. 19 JiÆpe aÆsina’ te ts’i’ic’ liÆpicuejma’ iÆne lan xanuc’. IÆniya aiquiÆ‘aic’ Æinca limipola’ ȽanDios, toÆiya aiquiÆtsuflaic’ Æamats’.