Santiago 1

1 Iya’ ninSantiago ca’ay liÆpenic’ ȽanDios y ÆaÆPoujna Jesucristo. QuiniÆ‘elhuo’ imanc’ unc’aipimaye, imanc’ iÆnaxque’ laÆtet’Æa xanuc’, iÆniya limbamaj coquexi’ linaxque’ ÆaÆtatahuelo Israel. Itsiya toÆmana’ ni petsi loÆca’nepoÆtsi. 2 Unc’aipimaye, ja’ni toÆsinÆe ipime lapajnya iya’ camilhuo’: AimoÆsueÆmot’Æe’me. ¡Tixojla’ cunlata! 3 Imanc’ joupa oÆsina’ lo’epa ȽanDios. IÆque tehuaiyilhuo’, ti’iÆa’ coÆsina’ ja’ni toÆ‘huaiyijnyi o a’i. Ja’ni toÆ‘huaiyijnyi toÆsnet’Æ‘me lo’ipolhuo’. 4 TijouÆa’ aimixojtolhuo’, ti’hua toÆsnet’Æcona’me. ToÆta’a ȽanDios tixhuai’ni’ma, ti’e’e’ma pangay c’a loÆpicuejma’. Aimehue’econayacolhuo’ loÆpicuejma’. 5 Anuli imanc’ ja’ni tinesla’: “Ahuata laipicuejma’”, cami’ma iÆque: Toxahue’eÆa’ ȽanDios tepi’itso’ lopicuejma’. ȽanDios a’i caftsile. Ma tixoqui queta ticu. Aimixtuc’ola’ pe noxa’huepá. 6 Jahuay lopicuejma’ toxa’hueÆa’, to’huaiyijnla’ ȽanDios. Aimones’ma: “¿Ja’ni ti’i’ma o aimi’iya?” Petsi toÆta’a li’ejma’ ti’onÆcospa lipicuejma’ to Æaja mi’hua’e Æahua’. Tummay Æahua’. Ti’huaÆa’ pu’hua, texaÆ‘uhua fa’a. Ma ti’hua tifenna. 7 Aimines’ma iÆque: “IÆe laifxahue’epa ȽanDios lapi’i’ma”. A’i. Aimepi’iya. 8 Cal xans petsi oque’ lipicuejma’, ma ti’hua tipai’iyoxi. 9 Anuli Æapima ja’ni ailopa’a qui’hueca, tixojla’ queta tix’najtsi’iÆa’ ȽanDios. IÆque tixina acueca’ ts’i’hueca. Timetsaijma. 10 Petsi tixoqui queta ti’nujuaitsi al cueca’ Æi’huexi, ȽanDios tixina to aiqui’hueca. Ti’onÆcospa to cua naitsi lipa’ lopa’a jipu’hua Æimuc’o’. AimicoÆya. 11 Ƚinca iÆne Æipa’ aimixnet’Æyi. I’huáquila’ juaiconapa ac’a. TijouÆa’ tif’ajla’ cal ‘ora, Æipinu’ tipi’e, tijuÆi Æipela, Æipipa’ tecangemma Æamats’. Ate’a i’huáqui ac’a, mijou’ma tejac’a. ToÆta’a tuyaico’ma petsi ts’i’hueca acueca’. Muyaicojma lapajnya ma ti’hua tejac’eyoxi. 12 Cal xans noxnet’Æpa lahuaipa, iÆque Æinca tuyaijma al c’a. TijouÆa’ lahuaiyimpa, ȽanDios timetsaicota. Tulijnata nulemma lipitine aimijouya. ToÆta’a joupa licupa cataiqui’ ȽanDios, tepi’i’mola’ pe no’epá capic’a. 13 Anuli imanc’ ja’ni tixingufcojma lahuaipa aimines’ma: “Ma ȽanDios ummepa iÆe lalahuaipa. Ca’eÆa’ lixcay.” ȽanDios lipicuejma’ ailopa’a quixcay. IÆque ailopa’a comiya: “To’eÆa’ lixcay”. 14 IÆne pe jiÆpe liÆpicuejma’ timiyoÆtsi: “To’eÆa’ lixcay”, iÆne ma quiÆtuca’ tijanajyi ti’eÆe toÆta’a. IÆe lixcay lopa’a liÆpicuejma’ tifel’mila’, ti’hua’ala’ lixcay cane. 15 Titojla’ lixcay lopa’a liÆpicuejma’, ti’e’me toÆta’a. TijouÆa’ ja’ni ti’hua ti’eyi lixcay, ma tejac’e’mola’. 16 Maicunc’aipimaye, aimimenaj’molhuo’. 17 Ma jipu’hua lema’a lumme’eninga’ jahuay al c’a. IÆe lalapi’iponga’, jiÆpe qui’huayomma juaiconapa ac’a, ailopa’a tintsi. MaÆque caÆ‘Ailli’ ȽanDios lumme’enga’. JiÆque nilanc’epa lepalaÆc’o’ nomana’ lema’a. IÆne lepalaÆc’o’ tipai’iyi liÆpepalc’o’. Ti’i’ma huata, ti’i’ma acueca’ lapalc’o’inga’. Jouc’a tipailoyi. Mif’acai’ma cal ‘ora, aÆpo’nonga’ lunxahua, limufc’o’. A’i toÆta’a ȽanDios. IÆque aiquipaiya, ma’ anuli tipa’a. Aimipailo, ipuqui’, itine alulif’enga’. 18 MaÆque ȽanDios i’epa ma to lixpic’epa iÆque quituca’. JiÆpe laÆpicuejma’ ifapa al Ƚinca Cataiqui’. ToÆta’a lapi’iponga’ al ts’e laÆpitine, aÆ‘e’eponga’ inaxque’, iÆque caÆ‘Ailli’ ȽanDios. AÆ‘onÆcosponga’ to iÆna’a lafot’Æenyacu ate’a, lotsufcoyacu ȽanDios ai’a ticuaihuo litine cafot’Æeya. Ticuaiyunni al Cueca’ Quitine tixinim’me jahuay lilanc’epa ȽanDios i’huexi iÆque. Illanc’ joupa aÆ‘e’eponga’ toÆta’a. Illanc’ ma’ i’huexi ȽanDios. 19 Maicunc’aipimaye, toÆta’a joupa oÆsina’. ToÆiya jahuay imanc’, anuli anuli, toÆpo’noÆe loÆpicuejma’, toÆquimf’eÆe al c’a. Ai’a toÆpalai’me toÆspic’e’me te ts’i’ic’ moÆpalaicoyacu. Aimolixtulecu. 20 LiÆpoyac’ lan xanuc’ aimipammaispa. Aimi’iya mi’eyacu toÆta’a al c’a latenÆcocoya ȽanDios. 21 ToÆiya, toÆpo’noÆe loÆpicuejma’ aimonÆ‘econa’me al xujc’a. Li’ipa, acueca’ olatets’ipoÆtsi, juaiconapa oÆ‘epoÆtsi laic’. Itsiya aimoÆ‘econa’me toÆta’a. Tolanaj’moÆtsi nulemma jahuay iÆna’a lixcay. AimoÆ‘nof’e’moÆtsi. Tolihuejle lataiqui’ lifayipa jiÆpe loÆpicuejma’. ToÆta’a iÆe lataiqui’ tunÆu’e’molhuo’ nulemma. 22 Imanc’ tolihuejle lataiqui’, tonÆ‘eÆe to loya’apa. A’i ma le’a moÆquimf’e’me. Ja’ni ma le’a toÆquimf’eyi, ma toÆfel’miyoÆtsi. A’i toÆta’a molunÆulyacu. 23 Anuli Æapima noquimf’epa lataiqui’, ja’ni aimihuequi ti’onÆcospa to cal xans mehuelonge lahuejma’. JiÆpe tehuelonge li’a, te ts’i’ic’ lixans. 24 TijouÆa’ tixinÆa’ li’a, ti’hua’ma, timenc’eco’ma te ts’i’ic’ lixans, iÆe lijoupa liximpa. 25 Ticuicomma a’i toÆta’a mixhue’me litaiqui’ ȽanDios. JiÆpe tipa’a lataiqui’ laÆcuxeponga’ illanc’ pe joupa luhuaÆquenam’monga’ laÆ‘epa a’ijc’a. IÆe Lataiqui’ aimehue’e’. Cal xans noxhuepa al c’a iÆe lataiqui’ jouc’a tepequi, iÆque aimimenc’ecoya loquimf’epa. Mi’ay toÆta’a tixoqui queta tuyaico’ma. 26 Ja’ni anuli imanc’ timiyoxi: “Iya’ Æinca nihuequi ȽanDios”, tijouÆa’ aimicuxe al c’a ÆipaÆ, iÆque tifel’miyoxi. A’i mihuequi ȽanDios, ma le’a tinesqui. 27 IÆne nahuejmpá lecaniya jouc’a lampotsateya noteÆcopá acueca’, pe no’epoÆtsi cuenna, aimixis’meco’mola’ iÆe lixcay lopa’a fa’a li’a Æamats’, iÆniya ma ti’eyi latenÆcocopa ȽanDios, iÆque caÆ‘Ailli’. IÆque tixim’mola’ ac’a lilihuequi.