San Mateo 8

1 Limunanni Æijuala Jesús ihuej’me axpela’ lan xanuc’. 2 Icuaiyunni anuli cal xans iteca cahui. IÆe al cuana cuftine lepra. Exc’onÆingai’ma Jesús, timi: âMaipoujna, ima’ nipajnya latufc’enÆa’, caxinxoxi aÆ‘inÆa’ limpio. ¿Ja’ni to’e’ma? 3 Jesús i’nij’ma limane, iÆaf’ma Æafcuana, timi: âCa’e’ma. Ti’intso’ limpio. AiquicoÆ‘ma, iÆojnâna’ma lehui. I’ina’ma limpio. 4 Jesús timi: âAimoya’a’ma iÆe lai’e’epo’. ¡To’huanÆa’! JiÆpe al cuecaj xoute’ tomujtoxi Æa’ailli’. Totsufcota ma to licuxepa Moisés. ToÆta’a aÆsim’monga’ illanc’ lihuejcoyi iÆe lataiqui’. 5 Jesús itsufai’ma liÆya’ Capernaum, icuaiyunni anuli nocuxepola’ amaxnu lisoldado. Tixa’hue Jesús titoc’iÆa’. 6 Timi: âMaipoujna, Æaimozo textafque, tunouya lainejut’Æ. Joupa uhuaquemma. Tixina acueca’ cumla. 7 Jesús timi: âAi’huapa, caxaÆ‘menna. 8 IÆque nocuxepola’ lisoldado timi: âMaipoujna, aimo’e’ma toÆta’a. A’i caxa’huehuo’ mo’huaya motsufaiya lainejut’Æ. Iya’ caxinyoxi juaiconapa na’hua xans. Ma le’a tocuaÆa’: “TixaÆconaÆa’ Æomozo”, tijouÆa’ ma tixaÆcona’ma. ToÆta’a aixina’. 9 Iya’ jouc’a quihuejma ÆaÆcuxepa, cacuxela’ laisoldado. Cami’ma anuli: “To’huaÆa’”, iÆque ti’hua’ma. Ƚocuena cami’ma: “To’huanni”, iÆque ti’huamma. Cami’ma Æaimozo: “To’eÆa’”, iÆque ti’e’ma. 10 Licuejpa Jesús toÆta’a linespa Æincuxepa, etenÆcoco’ma juaiconapa. Timila’ iÆne ts’iÆenc’e: âImanc’ ixanuc’ Israel olimetsaijma ȽanDios. IÆca’a cal xans lixanuc’ aimimetsaicoyi ȽanDios. Camilhuo’ al Æinca: Ni anuli imanc’ caixina to iÆca’a cal xans. IÆca’a Æinca xonca ti’huaiyinge ȽanDios. 11 Camilhuo’: Ticuaita locuenaye lan xanuc’, iÆniya nomana’ pe liyuf’ma cal ‘ora, jouc’a lan xanuc’ nomana’ pe lof’acaiyopa cal ‘ora. Jouc’a loÆtatahueló Abraham, Isaac, y Jacob, ticutsoÆaita anuli pe locuxeyopa ȽanDios, iÆque cal Cuecaj Rey. 12 Ituca’ lo’iyacola’ iÆniya nocuapá: “Ma’ illanc’ inaxque’ ȽanDios cal Rey”. IÆne tihuescufinnola’ Æuna, jiÆpiya al muf. MaÆpe tijolijta, ti’ilc’ta liÆ‘ay. 13 Timi nocuxepola’ lisoldado: âIma’ aÆ‘huaiyijmpa, tonesqui: “TixaÆcona’ma Æaimozo”. To’huaÆa’. Ma to lonespa, toÆta’a ti’iÆa’. MaÆe ‘hora ixaÆcona’ma Æimozo iÆque nocuxepola’ lisoldado. 14 Jesús icuaitsi lejut’Æ Pedro, jiÆpe ixim’ma Æi’maco Pedro tunouya textafque, tepi’i quinu’. 15 Jesús i’noÆ‘e’e’ma limane. IÆojnâna’ma Æipinu’. IÆque Æaca’no’ itsahuenanni, ites’mi’mola’. 16 Lummuhuaitsi i’hua’am’mola’ pe lopa’a Jesús axpela’ lan xanuc’ litsuflai’ila’ contahue. Jesús ma le’a icuxe’e’mola’ lontahue tipalunca, iÆniya ipalumma. Jouc’a ixaÆ‘mena’mola’ jahuay lafcualÆay. 17 ToÆta’a enanÆcopa linespa cal profeta Isaías luya’apa: “Ma iÆque aÆsaÆ‘meponga’ laÆtafc’eponga’, liÆonc’e’enaponga’ laÆcuana”. 18 Lixim’mola’ axpela’ lan xanuc’ ts’iÆenc’e, Jesús timila’ ts’ilihuequi: âȽepá, aÆquiepá al cueca’ quin’nuhua’. 19 Ai’a tiye’me icuaitsi anuli Æomxi nomuc’iyalepa locuxepa ȽanDios, timi Jesús: âMomxi, ni petsi loftseya, iya’ jouc’a quihuej’mo’. 20 Jesús timi: âLan t’Æeya tipa’a liÆpunts’ejay. LacaÆ‘hui naiyulpá lema’a tipa’a liÆpuxiÆ‘na. Iya’ iÆque cal Xans Ƚiximpa cal profeta pu’hua lema’a, iya’ ailopa’a caifxmai’eya. 21 Ocuena cal xans mihuequi Jesús timi: âMomxi, lapi’iÆa’ lane ca’hua’ma. Quimaf’i cai’ailli’ capajnta jiÆpe lainejut’Æ. TijouÆa timanÆa’, caminna, quihuejcona’mo’. 22 Jesús timi: âLihuejla’ itsiya. Lomapola’ ti’i’ma temitsa liÆf’as lomapola’. 23 Itsufai’ma al barco. Ts’ilihuequi itsuflai’me jouc’a. 24 Muyalaicoyi ipanni ujfxi Æahua’. Ƚaja titsahuemma, tuyanc’ne al barco. Tixc’uaf’caispa caja’. Jesús tixmay. 25 Ts’ilihuequi Jesús icuaiyunca, ummef’me, timiyi: âMaÆpoujna, ¡lunÆu’etsonga’! ¡AÆma’monga’! 26 Jesús timila’: âAh imanc’, ¿te coxpailijcopolhuo’? Ma’ ahuata aÆ‘huaiyinge. Itsahuenni, itale’mola’ Æahua’, Æaja. Jahuay iâch’ixco’mola’. 27 Ts’ilihuequi ixim’me acueca’ iÆe li’epa Jesús. TimiyoÆtsi: â¿Naitsi iÆca’a cal xans? Ticuxe’ela’ Æahua’, Æaja, tihuejcoyi. 28 Icuaitsa locuena quiju’ al cueca’ quin’nuhua’. JiÆpiya ilemats’ iÆne lan xanuc’ gadareno. Oquexi’ ipalunca pe lamu’empola’ lomapola’, icuai’me pe lopa’a Jesús. Lontahue joupa itsuflaipá iÆne loquexi’. I’ipola oyac’la. Lan xanuc’ aimi’iya muyalaicoyacu jiÆe lane. 29 IÆniya loquexi’ tija’ayi, timiyi Jesús: âIma’ i’Hua ȽanDios, ¿te cocuaiyoco’ma fa’a laÆmana’? ¿Te ts’opic’a? Itsiya aimaÆteÆ‘miyaconga’ ȽanDios. Aiquicuaiya litine, tehue’e. ¿Te itsiya ima’ aÆteÆ‘mi’monga’? 30 A’ij culi’ jiÆpiya timana’ axpela’ lijná titeji quiÆpitamqui. 31 Lontahue ixa’hue’me Jesús, timiyi: âJa’ni lipa’a’monga’ iÆniya lan xanuc’, lapi’itsonga’ lane aÆtsuflaita iÆne lijná. 32 Jesús timila’: âNe’, tonÆeÆe. Lontahue ipalunca lan xanuc’, itsuflai’me lijná. Jahuay iÆniya lijná inul’me liculhuo, i’nijmoÆaitsa laja’, unxaÆac’mola’. 33 Nohuic’ipola’ lijná inul’me. Iyena’me, icuaitsa liÆya’, uya’atsa jahuay li’ipa, iÆe li’ipola’ loquexi’ lan xanuc’ litsuflai’ila’ contahue. 34 Licuej’me jiÆiya, ipalunca jahuay lan xanuc’ nomana’ liÆya’, italefcuftsa Jesús. Lixim’me, ixa’hue’me ti’huanÆa’, tipananni Æilemats’.