San Marcos 3

1 Ocuena quitine conxajya, Jesús itsufaicona’ma lajut’Æ petsi lafoÆyomma lan xanuc’. JiÆpe tipa’a anuli cal xans ijuÆpa limane. 2 Lam fariseo tehuelojnyi Jesús. Ti’huilaic’oyi ja’ni tixaÆ‘me’ma cal xans iÆe litine conxajya. Tehueyi te co’iya micuxecoyacu. 3 Jesús ipalaic’o’ma cal xans, iÆque ts’ijuÆ quimane. Timi: âTo’huanni fa’a. Tacaxla’, tahuoc’ocotsola’ lan xanuc’. 4 Icuis’e’mola’ lam fariseo, timila’: âLu’iÆa’, litine conxajya, ¿te lapi’inga’ lane aÆ‘eÆe al c’a? O ¿aÆcuxe’enga’ aÆ‘eÆe lixcay? ¿Nipajnya lunÆu’e’me lipitine cal xans o aÆma’a’me? IÆniya aiquiÆtalai’e. Ch’ix le’a. 5 Jesús ehuelojm’mola’ iÆne lam fariseo. Tixtuc’ola’. TixhueÆma, ixina’ iÆniya joupa ipo’nopá liÆpicuejma’, aiquiÆcueca. Jesús timi cal xans: âTo’nijla’ lomane. Cal xans i’nij’ma limane. IxaÆcona’ma. 6 Lam fariseo aiquicoÆ‘mola’, ipalunca, iye’me ipalaic’otsa lixanuc’ cal rey Herodes. Tehueyi te co’iya mima’ayacu Jesús. 7 Jesús i’huana’ma. IÆque jouc’a ts’ilihuequi iye’me al cuecaj quin’nuhua’. Iyenc’e’me axpela’ lan xanuc’ quiyouyomma al distrito Galilea. 8 Lan xanuc’ ni petsi lomana’ icuej’me al cueca’ lo’epa Jesús. Icuej’me iÆne nomana’ al distrito Judea jouc’a nomana’ al cuecaj quiÆya’ Jerusalén, jouc’a nomana’ Æamats’ Idumea, jouc’a nomana’ Æu’hua quiyay al pana’ Jordán, jouc’a nomana’ Æilemats’ ÆiÆeloÆya’ Tiro y Sidón. Axpela’ iÆniya icuaiyunca pe lopa’a Jesús. 9 Lixim’mola’ axpela’ quefoÆya Jesús icuxe’e’mola’ ts’ilihuequi ti’hua’anca anuli al barco, tipo’noÆe Æema al cuecaj quin’nuhua’. Ja’ni lan xanuc’ tipango’me titantsi’me Jesús, iÆque titsufai’ma al barco. 10 Joupa axpela’ ixaÆ‘mepola’, toÆiya itsiya jahuay lafcualÆay, axpej cuana, tummetsaiyoÆtsi, tiyeÆe ahuejnca Jesús, tiÆafle. 11 Lan xanuc’ pe litsufaiyila’ contahue, lixim’me Jesús, ecanghuoÆaitsa li’mitsi’. Lontahue tija’ayi, timiyi: âIma’ i’Hua ȽanDios. 12 Jesús itale’mola’ ujfxi. Timila’: âAimunlu’itola’ lan xanuc’ toÆta’a. 13 Lijou’ma if’aj’ma Æijuala. Joupa ixpic’epa naiÆniya ts’ilihuequi tiyouyunca. Ijoc’i’mola’. Icuaitsa pe lopa’a. 14 I’huijf’e’mola’ imbamaj coquexi’ timajnle anuli. Tumme’mola’ tuya’ata Lataiqui’ loya’apa iÆe al c’a lixpic’epa ȽanDios. 15 Epi’i’mola’ liÆmane tipa’ata lontahue litsufaiyila’ lan xanuc’. 16 Jifa’a tipa’a liÆpuftine iÆniya limbamaj coquexi’: Simón, Æecui’impa Pedro, 17 Jacobo y Juan, inaxque’ Zebedeo. IÆne loquexi’ Jesús lecui’ipola’ Boanerges. IÆe laftine locuajmaispa: IÆne noquimf’epá, nocuec’epá lonespa ȽanDios. 18 Andrés y Felipe, Bartolomé y Mateo, Tomás y Æocuena Jacobo, iÆque i’hua Alfeo, Tadeo y Æocuena Simón, iÆque Æecui’impa cal cananeo, 19 jouc’a Judas Iscariote, iÆque nocuya Jesús. 20 Jesús itsufaipa anuli lajut’Æ. Efot’Æecona’moÆtsi axpela’ lan xanuc’. Jesús jouc’a ts’ilihuequi aiqui’i’ma quitetso’me. 21 Licuejpá lipimaye Jesús toÆta’a li’ipa, ines’me: Jesús iminscopa lipicuejma’. Ipalunca, iye’me, tileconna Jesús. 22 JiÆpe pe lopa’a Jesús timana’ hualca lomxiye nomuc’iyalepá locuxepa ȽanDios, quiyouyomma liÆya’ Jerusalén. IÆniya ticuayi: âJesús itsufaipa Æonta’a cuftine Beelzebú. IÆque nocuxepola’ contahue epi’ipa limane Jesús tipa’atsola’ lontahue. 23 Jesús ijoc’i’mola’ iÆniya lomxiye, timila’: â¿Te caÆtalai’e’eya imanc’? ¿Te aga Æonta’a Satanás tihuescuf’ma Æipima conta’a? Ti’hua tipalaic’ola’. I’onÆicopa to lo’ipa. Timila’: 24 âJa’ni tenajtsoÆtsi lan xanuc’ anuli al nación, ja’ni ti’etsoÆtsi oque’, iÆe al nación tijou’ma lipujfxi. 25 Ja’ni lan xanuc’ nomana’ anuli lajut’Æ tenajtsoÆtsi, ja’ni ti’etsoÆtsi oque’, aimimajnconayacu anuli, jiÆpe teca’nena’moÆtsi, ailopa’a co’eyacu. 26 Ƚonta’a Satanás ja’ni joupa ehuoc’huaipola’ lif’as contahue, itsiya coÆa’ aimi’hua limane. 27 ‘Ja’ni anuli cal xans ixpic’epa titsufaiÆa’ lejut’Æ ocuena cal xans juaiconapa ipujfxi, ja’ni ixpic’epa tiÆonc’e’eÆa’ Æi’huexi, iÆque notsufaiya, ate’a tifi’eÆa’ iÆque cal xans ts’ipujfxi, tijouÆa’ nipajnya titsufai’ma, tiÆonc’e’eta Æi’huexi. Ja’ni aimifi’e, aimi’iya mitsufaiya lajut’Æ, miÆonc’e’eya Æi’huexi. 28 ‘Iya’ camilhuo’ al Æinca: Jahuay lo’epa o lonespa cal xans, ti’i’ma timenc’e’ecom’me. 29 Ma le’a ja’ni aimimetsaicoyi lo’epa cal Espíritu Santo, iÆniya aimiÆonc’e’enyacola’ liÆjunac’. Titai’me nulemma. 30 ToÆta’a Jesús limipola’ iÆniya nonespá: “Jesús itsufaipa conta’a”. 31 Icuaiyunca qui’máma’ jouc’a lipimaye Jesús. EcaxoÆ‘me Æuna. IÆojf’i’me anuli cal xans tijoc’itsi Jesús. 32 Jesús ticusc’o nolojmay cajut’Æ, timuc’iyale. JiÆpiya timana’ axpela’ lan xanuc’ ticutshuoÆanna tiquimf’eyi lomuc’ipola’ Jesús. Timiyi: âCo’máma’ jouc’a lopimaye timana’ Æuna tehuehuo’. 33 Jesús timila’: â¿Naitsi cai’máma’? ¿NaiÆne caipimaye? 34 Ehuelojm’mola’ lan xanuc’ nocutshuoÆanna, ticua: â¡ToÆcuejle! Jifa’a ticutshuoÆanna cai’máma’ jouc’a laipimaye. 35 Pe naihuejcopa ȽanDios, iÆquiya aipima xans, o aipima caca’no’, o ai’máma’.