San Marcos 7

1 Lam fariseo icuaitsa pe lopa’a Jesús, jouc’a icuaitsa lomxiye nomuc’iyalepá locuxepa ȽanDios. IÆne quiyouyomma al cuecaj quiÆya’ Jerusalén. 2 Ti’huilaic’oyi lo’epa ts’ilihuequi Jesús. Ticuayi: “IÆne titetsoyi aiquilulahua al c’a liÆmane’. Aimepenufyacola’ ȽanDios." 3 Lan xanuc’ fariseo tihuejyi liÆtatahueló liÆ‘ejma’. Tepajyi liÆmane’ ticuaispa liÆÆuxluc. 4 Miye’me laplaza, miyelocota, micuainacu lilejut’Æ ate’a tepo’me, tijouÆa’ titetso’me. Tihuejyi axpe’ quiÆ‘ejma’. Tipa’a liÆ‘ejma’ mepaj’me liÆpime, liÆcatsitu, Æilepixú, lolanc’ecompa atejma’ cuftine acobre, jouc’a liÆhualfa. Ticuayi: “ToÆta’a ipic’a ȽanDios”. 5 IÆne icuis’e’me Jesús, timiyi: âIÆne lihuejhuo’, ¿te co’ecopa aimihuejyi laÆ‘ejma’ iÆe laÆmuc’iponga’ laÆtatahueló? Mane titetsoyi, aimepajyi al c’a liÆmane’. 6 Jesús italai’e’e’mola’, timila’: âImanc’ ma le’a tonÆ‘e’eyoÆtsi to unc’ic’a xanuc’. Luyaipa quitine cal profeta Isaías uya’a’ma linespa ȽanDios te ts’i’ic’ loÆpicuejma’. Ticua: IÆne lan xanuc’ aÆmi: “Ima’ malanDios”, ma le’a tipaloÆaiyi. IÆniya aimaÆcuec’e, ma ti’eyi quiÆtuca’ ts’iÆpic’a. 7 Tama laxc’onÆingaiÆa’ aicapenufila’, iÆne timuc’iyaleyi ma le’a locuxepa lan xanuc’, a’i laifcuxepa. 8 ‘ToÆe loÆpicuejma’ imanc’, tolatets’iyi ȽanDios, tolihuequila’ lan xanuc’ liÆ‘ejma’. 9 Jouc’a timila’: âImanc’ xonca tolihuequila’ loÆtatahueló liÆ‘ejma’, toÆta’a tolatets’iyi litaiqui’ ȽanDios. 10 ‘Moises icuxepa: “Taihuejco’mola’ co’ailli’, co’máma’, totoc’i’mola’”. Jouc’a icuxepa: “Cal xans nomipola’ cataiqui’ qui’ailli’ qui’máma’, tipa’a lijunac’. ¡Tima’anÆe!" 11 ‘Imanc’ ituca’ loÆmuc’iyalepa. Ja’ni anuli cal xans timitsola’ qui’ailli’, qui’máma’: “Aimi’iya catoc’iyacolhuo’. Jahuay Æai’huexi joupa nenajpa, iÆe catsufco’ma ȽanDios." 12 Imanc’ toÆcuayi: “Ne’, iÆque aimitoc’i’mola’ qui’ailli’ qui’máma’”. 13 ‘IÆe lataiqui’ lolihuejpa ma le’a liÆtaiqui’ loÆtatahueló limuc’ipolhuo’, iÆiya coÆmuc’ipola’ lan xanuc’. Ma’ anuli toÆta’a axpe’ tonÆ‘eyi. Litaiqui’ locuxepa ȽanDios toÆsinyi to nij naitsi cataiqui’. 14 U’icona’mola’ lan xanuc’ lefot’ÆepoÆtsi jiÆpiya, timila’: â¡AÆquimf’eÆa’ anuli anuli imanc’! ¡AÆcuec’eÆa’! 15 Fa’a li’a Æamats’ tipa’a iÆe pe imanc’ lolacui’ipa axujc’a. Iya’ cacua a’i. Ja’ni anuli cal xans titeÆa’, ti’nicoÆa’ lico, tinuc’la’, ailopa’a co’iya, aimixis’meyacoxi. Al xujc’a laipa’aya lipicuejma’ cal xans, iÆe Æinca tixis’me’ma. 16 Naitsi nocuejpa, aÆquimf’eÆa’ iya’ laitaiqui’. 17 Jesús ipo’no’mola’ quiÆtuca’ lan xanuc’, itsufai’ma lajut’Æ. Ts’ilihuequi ixa’hue’me tuhuaÆc’e’etsola’ iÆe lataiqui’. 18 Timila’: â¿Te imanc’ jouc’a ailopa’a coÆpicuejma’? Cal xans no’nicopa lico al xujc’a, tinuc’a, aimixis’meyacoxi toÆta’a. ¿Te aicoÆcueca? 19 IÆe loyaicopa lico, aimitsufaiya lipicuejma’. Ticuaispa licu’u, tijouÆa’ tipanamma. Minesqui toÆta’a Jesús ipalaicopa Æotempa fa’a li’a Æamats’. Ticua jahuay iÆe ac’a. Aimi’iya minesyacu: “IÆe axujc’a, aimi’iya catec’oya”. 20 Ti’hua timila’: âAl xujc’a laipa’apa lipicuejma’, iÆe Æinca tixis’me’ma cal xans. 21 JiÆpe liÆpicuejma’, lan xanuc’ tixpic’eyi ti’eÆe al xujc’a. Tihuennaiquila’ cacaÆ‘no’, tinantseyi, tima’ahualeyi, tixhuicoyi liÆpenoye liÆf’as xanuc’, 22 tijanajyi ti’huejle xonca, ti’eyi al xujc’a liÆf’as xanuc’, tifel’miyaleyi, tipalaiyi o ti’eyi petsi aimetenÆcocojma, ti’e’ehualeyi laic’, tinescoyi liÆf’as xanuc’, tetets’iyaleyi, tixinyoÆtsi xonca lan tsila’ xanuc’, ti’eyi pangay camac’ta. 23 Jahuay iÆna’a tipa’a liÆpicuejma’. Ja’ni tipa’aÆe, ti’eÆe toÆta’a, tixis’me’moÆtsi, ti’e’e’moÆtsi xujc’a. 24 Jesús ipanni jiÆpiya. I’hua’ma icuaitsi Æamats’ huejnca liÆya’ cuftine Tiro. Itsufai’ma anuli lajut’Æ. Ticua: Nij naitsi nocuejya. 25 Anuli Æaca’no’ icuej’ma jiÆpe tipa’a Jesús. Icuaitsi, exc’onÆingai’ma li’mitsi’ Jesús. IÆque Æaca’no’ tipa’a Æi’hua cahuats’ Æitsufaipa conta’a. 26 Ƚaca’no’ a’i judía, qui’huayomma maÆpiya Æamats’ cuftine Sirofenicia. (Lan xanuc’ judío tetets’innila’ iÆniya lun Sirofenicia. Tecui’innila’ atsiÆqui.) Ƚaca’no’ tixahue’e tipa’aÆa’ Æonta’a, tixaÆ‘meÆa’ Æi’hua. 27 Jesús timi: âAte’a aÆtes’mi’mola’ laÆnaxque’. AÆtoc’itsola’ laÆxanuc’. ¿Te ja’ni ac’a laÆ‘eyacu laxic’e’mola’ Æile’i la’uhuay, tijouÆa’ laca’ni’i’mola’ lan tsiÆqui? 28 Ƚaca’no’ titalai’e’e, timi: âMapoujna, tama al Æinca lofnespa, iya’ cacua lan tsiÆqui titeji Æaiquepi’ ca’i Æopa’a licu’uj mesa, loc’aiÆpa la’uhuay. 29 Jesús timi Æaca’no’: âIÆta’a laÆmipa icuaicota caipic’a. Ma to’huanÆa’. Ƚonta’a joupa ipanamma Æo’hua. 30 Ƚaca’no’ i’huana’ma, icuainatsi lejut’Æ ixim’ma Æi’hua tunouya. Ƚonta’a joupa ipanamma. 31 Jesús ipanni pe lopa’a liÆya’ Tiro, uyaicotsi liÆya’ Sidón, jouc’a pe lopa’a Limbama’ QuiÆeloÆya’. Icuaicontsi al cuecaj quin’nuhua’ Galilea. 32 JiÆpiya i’hua’a’me anuli cal xans atape, afule mipalay, ata’ay. Ixa’hue’me Jesús tixpayaf’la’ iÆque cal xans. 33 Jesús ileco’ma lijuqueya jiÆpe pe ailopa’a xans. Ecajm’mi’ma lidedó anuli anuli lix’mats’i’ cal xans. ItsuÆof’i’ma ÆipaÆ cal xans. 34 Ehuenaf’ma lema’a, ixnalif’ma acueca’ timi: â¡Efata! IÆe lataiqui’ locuajmaispa ticua: ¡Texinanni! 35 AiquicoÆ‘ma. Cal xans iximpoxi exinamma lix’mats’i’, ux’masquenanni ÆipaÆ. Ipango’ma ipalai’ma ac’a. 36 Jesús icuxe’e’mola’ lan xanuc’ aimuyout’Æe’me. Nij naitsi nocuejya. IÆniya aimicuec’eyi. Tama Jesús timila’: “Aimuluyout’Æe’me, nij naitsi locuejya”, iÆne lan xanuc’ xonca tuya’ayi lo’epa. 37 Imetsaico’me acueca’ juaiconapa lo’epa Jesús. Ticuayi: â¡ToÆsinÆe! TixaÆ‘menala’ lan taÆpe iÆne ticuejnayi. TixaÆ‘menala’ jouc’a lan ta’ay, iÆne tipalainayi ac’a. Jahuay lo’epa juaiconapa ac’a.