Filemón 1

1 Iya’ ninPablo, iya’ i’huexi Jesucristo, aÆfi’ecompa acadena catejma’. Illanc’, iya’ y ÆaÆpima Timoteo, aliniÆ‘ehuo’ umFilemón, ima’ aÆpima. Ima’ jouc’a illanc’ aÆ‘eyi lipenic’ Jesucristo. 2 Jouc’a aliniÆ‘ehuo’ ima’ maÆpima caca’no’ Apia. Ma ‘anuli aliniÆ‘ehuo’ ima’ maÆpima Arquipo. Illanc’ jouc’a ima’ um’Arquipo lihuejyi Jesucristo. IÆque aÆcuxenga’ to caÆCapitán. Jouc’a liniÆ‘ela’ lapimaye nafoÆyomma lomejut’Æ umFilemón. 3 ȽanDios caÆ‘Ailli’ y ÆaÆPoujna Jesucristo titoc’itsolhuo’, tipac’e’etsolhuo’ loÆpicuejma’. 4 AÆminno: “Filemón ma’ al Æinca ti’huaiyinge ÆaÆPoujna Jesucristo, ti’ela’ capic’a lapimaye, iÆne jouc’a i’huexi ȽanDios”. ToÆiya ma capalaic’o ȽanDios, iÆque ainenDios, cax’najtsi’i, ca’nujuaishuo’ ima’ umFilemón. Cami ȽanDios: “Cax’najtsi’ihuo’, Filemón timujyoxi ti’huaiyinge Jesucristo. Titoc’ila’ lipimaye. Mi’ay toÆta’a ÆaÆpima limetsaico’me xonca acuajmaica jahuay al c’a lalapi’imponga’. ToÆta’a tixinim’me acueca’ ÆaÆPoujna Jesucristo, tixinim’me ac’a lo’epa iÆque." 7 Maipima Filemón, iya’ camihuo’: AÆcuejpá lof’epa ima’. ToÆiya illanc’ ixocumma calata. Alu’imponga’ ima’ to’ela’ capic’a lixanuc’ ȽanDios, micuaita lomejut’Æ, tapenufila’. IÆniya tunxac’eyi, tuyalainayi tixoqui quileta. 8 Itsiya caxa’huehuo’ to’eÆa’ xonca. Ƚinca Cristo lapi’ipa laimane, nipajnya cacuxe’mo’, itsiya aicacuxeyaco’, ma le’a caxa’huehuo’ to’eÆa’ to laifmiyaco’. 9 Iya’ ninPablo joupa aÆtojpa xans, aÆfi’ecompa acadena catejma’, iya’ i’huexi Jesucristo. Ja’ni ima’ aÆ‘ay capic’a, to’eÆa’ ma to laifxa’huepo’. 10 Caxa’huehuo’ tapenufnaÆa’ iÆca’a Æai’hua Onésimo. Ma caÆfi’iya fa’a, aipalaic’ocopa ÆaÆPoujna Jesucristo. ToÆiya i’ipa ats’e lipepajnya iÆca’a Onésimo, cacua: “IÆque ai’hua”. 11 Li’ipa, iÆca’a aiqui’ic’ quitoc’ihuo’. Itsiya Æinca ipaicopa. Iya’ aÆtoc’i. Ima’ jouc’a titoc’ito’ jiÆpiya. 12 Itsiya cummenghua, ticuainatsi pe lofpa’a. IÆca’a Æaifnummenapa ti’onÆcospa to Æainunxajma’. TapenufnaÆa’. 13 Iya’ cuya’e’ Lataiqui’, iÆe loya’apa al c’a lixpic’epa ȽanDios. ToÆiya aÆ‘noÆcompa, aÆfi’enno. Ima’ aimi’iya mocuaiya maÆtoc’iya. Iya’ nipajnya canes’ma: Tipanenni Onésimo, aÆtoc’i’ma. 14 Iya’ a’i toÆta’a caicuac’. Iya’ caituca’ aicaxpic’e toÆta’a laif’eya. Ma’ ima’ toxpic’e’ma, aicacuxe’ehuo’. Toxpic’eÆa’ ima’ conFilemón. Iya’ aimi’iya cacuxe’eyaco’ to’eÆa’ iÆe al c’a. Ima’ cotuca’ toxpic’e’ma lof’eya. 15 Tama oque’ afane’ quitine ima’ ejac’yopa lomane Onésimo, iya’ cacua toÆta’a ixpic’epa ȽanDios. Itsiya tipainahuo. Ticuainatsi jiÆpe, ima’ tapenufnaÆa’ nulemma. 16 TapenufnaÆa’. Itsiya a’i ma le’a comozo, iÆca’a opima. To’eÆa’ capic’a juaiconapa. Iya’ Æinca ca’ay capic’a. Ima’ opoujna, xonca to’eÆa’ capic’a. Imanc’ unc’oquexi’ itsiya ma’ anuli ÆoÆPoujna. 17 Iya’ camihuo’: Ja’ni ma’ aÆinca ima’ aÆejmalepá, ja’ni ima’ alimetsaijma anuli laÆpicuejma’, ma to malapenufi iya’ toÆe tapenufnaÆa’ Onésimo. 18 Ja’ni inantsejpo’ o itaiyinc’ehuo’, tapuÆijnla’, tainiÆÆa’, tonesla’: “IÆta’a, Pablo aÆtaiyinc’e”. 19 Iya’ caituca’ quiniÆi: “Iya’ ninPablo ca’najtse’ena’mo’”. Ima’ aÆtaiyinc’e lomulijcopa lopitine, iÆe al ts’e lopitine lepi’ipo’ ȽanDios. Aicamiyaco’ aÆ‘najtse’eÆa’ iÆe lopitine. Ƚinca aimi’iya maÆ‘najtse’eya. Ma le’a caxa’huehuo’: TapenufnaÆa’ Onésimo. 20 Maipima Filemón, aimocuanaj’moxi. Ninc’oquexi’ aÆ‘huaiyijnyi Jesucristo. To’nujuaisla’ laÆ‘e’eponga’ ÆaÆPoujna. ToÆta’a to’e’ma ma to laifxa’huepo’. TijouÆa’ aicaxhueÆconaya. 21 Iya’ ca’huaiyijnhuo’ juaiconapa. Cacua: “Ƚaipima Filemón lihuejco’ma, ti’e’ma to laimipa. Ti’e’ma xonca.” ToÆiya iya’ quiniÆ‘ehuo’. 22 Jouc’a camihuo’, caxa’huehuo’: Lapi’ita laifpanc’eya. Aixina’ imanc’ toÆsa’hueyi ȽanDios aÆtoc’iÆa’. ToÆiya cacua: ȽanDios lux’masna’ma. Lapi’i’ma lane cacuaitsi pe loÆmana’. 23 Tinonghuo’ Epafras, iÆque iya’ aÆtats’eninga’ anuli, lihuejyi anuli Jesucristo. 24 Jouc’a tinonghuo’ Marcos, Aristarco, Demas y Lucas. AÆ‘eyi anuli lipenic’ ÆaÆPoujna Jesucristo. 25 Jesucristo titoc’itsolhuo’, tipaxnetsolhuo’ loÆpicuejma’.