Apocalipsis 12

1 Lijou’ma i’huájtsi jiÆpe lema’a acueca’ y axpaiqui’. JiÆpe imaxcaita anuli Æaca’no’, ijui’icoya ÆipepaÆ cal ‘ora. Cal mut’Æa tipa’a al ‘ocay li’mitsi’. Ƚijuac tipa’a licorona imbamaj coque’ lan xamna. 2 Innay Æaca’no’. Joupa tumlec’o, tipo’no’ma Æi’hua. Tija’e’. 3 Lijou’ma i’huájtsi jiÆpe lema’a ocuena’ya acueca’ caxpaiqui’. IÆpiya tipa’a anuli cal cuecaj coyac’ quinneja to cal cuecaj caimu. Tipa’a Æixala’. Ƚinneja cuftine cal Dragón. IÆque cal dragón unxali to Æunga. Tipa’a acaitsi Æijuac, imbama’ Æipecala’. Ƚijuac tipa’a acaitsi lan tsocay quicorona. 4 Lipo texat’Æucola’ lan xamna nomana’ lema’a. Afantsi lan xamna texat’Æuhua anuli. Teca’nila’ Æamats’. Cal dragón ecaxingai’ma Æaca’no’ nopo’noya qui’hua. Tipajntsi Æi’hua tite’ma. 5 Ƚaca’no’ umof’ma. Ipajntsi Æi’hua amijcano. IÆque ticuxe’mola’ lan xanuc’ nomana’ li’a Æamats’. Ipujfxi ticuxe’mola’. Ƚi’hua Æaca’no’ exic’e’empa, ilecom’me al toncay lema’a pe lopa’a ȽanDios, ilecom’me jiÆpe pe lopa’a lexpats’qui li’nof’quiya. 6 Ƚaca’no’ inu’ma pe ailopa’a quiÆya’. JiÆpe ȽanDios lilanc’epa lopanc’eya. Tipajnta imbamaj coque maxnu afanej nuxans quitine. JiÆpe tites’minna. 7 Lijou’ma jiÆpe lema’a aixim’ma lipango’ma al cuecaj cafuleya. Cal cuecaj capaluc quema’a cuftine Miguel y lif’as capaluc’ quema’a jouc’a cal dragón y lipontahue tifuli’iyoÆtsi. 8 Cal dragón y lipontahue ailopa’a quiÆpujfxi, aiculij’me. IÆpiya lema’a aimimajnconayacu. 9 Ipa’am’me jiÆpiya cal cuecaj dragón, ÆainofaÆ nopa’a al te’a. IÆque Æecui’impa loque’ lipuftine: Ƚonta’a, jouc’a Satanás. Tifel’mila’ lan xanuc’ ni petsi nomana’ li’a Æamats’. IÆne cal dragón y lipontahue eca’nim’mola’, icuaitsa li’a Æamats’. 10 Aicuej’ma tipalquinni ujfxi jiÆpiya lema’a, ticua: “Itsiya Æinca imuj’moxi nulemma ÆalanDios, maÆque ȽalunÆu’eponga’, iÆque acueca’ lo’epa, ticuxe. Jouc’a ÆiCristo imuj’moxi icueya limane. Joupa eca’nimpa Æonta’a Satanás, ticufquila’ lapimaye. Ipuqui’ itine tipalaic’o ȽanDios, ticuxecola’. 11 Ƚa’huaj MoÆ joupa ixcuajaipa lijuats’, toÆta’a lapimaye joupa ulijpá. ȽanDios aiquiquimf’e lonescopola’ Æonta’a. Joupa ilaitsufcola’ iÆne nuya’apá litaiqui’, iÆne aiquixim’me acuanuc’ liÆpitine, icu’moÆtsi, ima’am’mola’. 12 Tixojla’ cunlata jahuay imanc’ noÆmana’ lema’a, jiÆpiya ailopa’a Æonta’a y lipontahue. Ƚinca ituca’ lo’iyoya Æamats’ y Æaja. JiÆpiya ti’i’ma acueca’ lateÆcoya, Æonta’a joupa imumma, juaiconapa tixtu’hua, ixina’ ahuata ticoÆ‘ma. 13 Cal dragón liximpoxi joupa ecangemma, tipa’a li’a Æamats’, ipango’ma ihuejtsoj’ma Æaca’no’, iÆque nipo’nopa Æamijcano. 14 Ipo’no’im’me Æaca’no’ oque’ Æixala’ to Æixala’ cal cuecaj cui, tiyuÆa’ pe lopanc’eya, jiÆpiya pe ailopa’a quiÆya’. JiÆpe tites’minni afanej y onÆca camats’. ȽainofaÆ aimixinya. 15 Lixpula’ Æaca’no’ inacafipa caja’ ÆainofaÆ, tocomma acuecaj pana’, ticua: “IÆiya al pana’ nulemma tinus’ma Æaca’no’”. 16 Ƚamats’ itoc’i’ma Æaca’no’. Epanni Æamats’, inuc’ma laja’ laipamma lico ÆainofaÆ. 17 Cal dragón, ixtuc’o’ma Æaca’no’. I’hua’ma ehuetsola’ locuenaye linaxque’ Æaca’no’, iÆne nocuec’epá locuxepa ȽanDios, tuya’ayi litaiqui’ Jesús, ihuej’me iÆque. 18 Cal dragón ecaxhuai’ma Æema caja.