Apocalipsis 7

1 Lijou’ma aixim’mola’ amalujxi’ lapaluc’ quema’a tecaxoÆanna jiÆpe lam malpu’ quiju’ Æamats’. IÆniya tipa’neyi Æahua’, aimitsufai’ma ni anuli quiju’ Æamats’. Aimi’hua’ma cahua’ Æamats’. Aimi’hua’ma cahua’ Æaja. Aimi’hua’ma, aimifenna ni anuli al ’ec. 2 Aixim’ma icuaico’ma ocuena capaluc quema’a. IÆque tif’aqui pe Æaipammaiyomma cal ‘ora. Itaic’ lisello Ƚimaf’i’ CanDios. Tijoc’ila’ lam malujxi’ capaluc’ quema’a, iÆniya petsi joupa epenufpá liÆmane timints’eÆe Æamats’, jouc’a timints’eÆe lopa’a jiÆpiya. Timints’eÆe Æaja jouc’a lopa’a jiÆpiya. Tipalaic’ola’ ujfxi, 3 timila’: “ToÆ‘huaicoÆe. AimoÆmints’e’me Æamats’ ni lopa’a jiÆpiya. AimoÆmints’e’me ni anuli al ’ec. Ate’a lunanc’i’mola’ cal sello Æilepali iÆniya no’epá lipenic’ ȽanDios, iÆque ÆiÆPoujna. TijouÆa’ toÆteÆ‘mi’mola’ locuenaye xanuc’." 4 Lijou’ma aicuej’ma tojua mimana’ iÆniya nepenufpá cal sello. Ixhuaitsola’ amaxnuj oquej nuxans malujxij mil lan xanuc’. LiÆtatahueló iÆniya inaxque’ cal xans Israel. 5 IÆniya lunanc’impola’ quiÆsello, limbamaj coquej mil iÆne ÆiÆtatahuelo cuftine Judá. Locuenaye imbamaj coquej mil ÆiÆtatahuelo cuftine Rubén. Locuenaye imbamaj coquej mil ÆiÆtatahuelo cuftine Gad. 6 Locuenaye imbamaj coquej mil ÆiÆtatahuelo cuftine Aser. Locuenaye imbamaj coquej mil ÆiÆtatahuelo cuftine Neftalí. Locuenaye imbamaj coquej mil ÆiÆtatahuelo cuftine Manasés. 7 Locuenaye imbamaj coquej mil ÆiÆtatahuelo cuftine Simeón. Locuenaye imbamaj coquej mil ÆiÆtatahuelo cuftine Leví. Locuenaye imbamaj coquej mil ÆiÆtatahuelo cuftine Isacar. 8 Locuenaye imbamaj coquej mil ÆiÆtatahuelo cuftine Zabulón. Locuenaye imbamaj coquej mil ÆiÆtatahuelo cuftine José. Locuenaye imbamaj coquej mil ÆiÆtatahuelo cuftine Benjamín. 9 Lijou’ma aixim’mola’ axpela’ lan xanuc’ efoÆya jiÆpiya. Axpela’ juaiconapa, aimi’iya moxhuej’meyacola’. IÆniya quiyouyomma jahuay lan nación lomana’ li’a Æamats’, jahuay ÆiÆeloÆya’. Ituca’ ituca’ liÆtatahueló, ituca’ ituca’ liÆtaiqui’. IÆniya tecaxingoÆanna tehuelojnyi lexpats’qui li’nofquiya, tehuelojnyi Ƚa’huaj MoÆ. Afujca itoqui liÆpijahua’, iÆ‘noÆi liÆxanghue. 10 Tipalaiyi ujfxi, ticuayi: “ȽanDios, Nocutsuya jiÆpe lexpats’qui li’nofquiya, jouc’a Ƚa’hua MoÆ, ma’ iÆniya alunÆu’eponga’." 11 JiÆpe lexpats’qui li’nofquiya, canumicay, timana’ jahuay lapaluc’ quema’a jouc’a lan tsilaj xanuc’, jouc’a lam malujxi’ lam paxi quinneja. IÆniya ixpats’coÆenca ilimetsaijma ȽanDios. 12 Ticuayi: “ToÆta’a ti’iÆa’, amén. Ma’ ÆalanDios limetsaico’me cal Cueca’, ma’ iÆque aÆmi’me: ‘Ima’ oxina’ jahuay, ima’ malanDios, aÆs’najtsi’ihuo’, ima’ unCueca’ Xonca, jahuay ti’i’ma to’e’ma, ima’ xonca opujfxi, ima’ aimopai’iyoxi. Itsiya litine jouc’a locuaicoya quitine, toÆta’a mopa’a.’ ToÆta’a ti’iÆa’, amén." 13 Anuli iÆne lan tsilaj xanuc’ alicuis’epa, aÆmi: “IÆniya lan xanuc’ afujca itoqui liÆpijahua’, ¿naitsi iÆne? ¿Petsi quiyouyomma?" 14 Aitalai’e’e’ma, cami: “Maipoujna, ima’ oxina’”. IÆque aÆmi’ma: “IÆniya lipalyomma al cueca’ cateÆcoya. Epajcopa liÆpijahua’ lijuats’ lixcuajaipa Ƚa’huaj MoÆ. ToÆta’a i’ipa afujca liÆpijahua’, aicunxalaic’. 15 “ToÆiya itsiya tecaxingoÆanna tehuelojnyi lexpats’qui li’nofquiya pe Æocutsuya ȽanDios. IÆne itine ipuqui’ ti’eyi lipenic’ ȽanDios jiÆpe lipaxi quejut’Æ. Timanecu anuli ȽanDios, iÆque Nocutsuya li’nofquiya, iÆque ti’hua ti’e’mola’ cuenna. 16 Aimunle’econayacu, aimicuiconaya quiÆja’. Cal ‘ora aimipi’econayacola’, aimixinyacu ni toÆta’a quinu’. 17 Ƚa’hua MoÆ, iÆque Nopa’a nolojmay laquiju’ lexpats’qui li’nofquiya, iÆque ti’e’mola’ cuenna, tixinnola’ to imot’Æ, iÆque iÆPoujna. Tileco’mola’ petsi laipayomma laja’, iÆiya laja’ tepi’ila’ liÆpitine aimijouya. ȽanDios tetufc’ena’mola’ lilujay iÆne lixanuc’, aimijojconayacu."