Romanos 1

1 Iya’ ninPablo ca’ay lipenic’ ÆaÆPoujna Jesucristo. ȽanDios aÆjoc’ipa, aÆmi: “To’huaÆa’ toya’atsi Lataiqui’ loya’apa iÆe al c’a lixpic’epa ȽanDios”. ToÆta’a iya’ nin’apóstol. MaÆe laipenic’ lalapi’ipa ȽanDios. 2 Luyaipa quitiné lam profeta uya’a’me iÆe laifnuya’apa iya’. JiÆpe al Paxi LiniÆingiya joupa iniÆijmpa linespa iÆniya. 3 Lataiqui’ loya’apa iÆe al c’a lixpic’epa ȽanDios tipalaijma Æi’Hua ȽanDios. MaÆque ÆaÆPoujna Jesucristo, iÆque i’epoxi xans. Lipajnta fa’a li’a Æamats’ cal rey David itatahuelo. 4 Jouc’a imujpoxi i’Hua ȽanDios. Imujpoxi ituca’ lipicuejma’, ailopa’a quixcay. ToÆta’a ȽanDios imetsaicopa i’Hua. Lijoupa limapa, ȽanDios i’epa al cueca’, imaf’i’inapa. 5 Ma’ iÆque ÆaÆPoujna aÆpaxneponga’, alapi’iponga’ laÆpenic’, illanc’ ninc’apóstole, epaluc’ Jesucristo. Ni petsi lomana’ lan xanuc’ pe aimimetsaicoyi ȽanDios illanc’ aÆpalaic’ocola’ Jesucristo, lu’ila’: “Tolapenufle Lataiqui’ loya’apa iÆe al c’a lixpic’epa ȽanDios, tolihuejcoÆe”. 6 Jouc’a imanc’ li’ipa aicolimetsaijma ȽanDios. Itsiya joupa olimetsaijma, Jesucristo joupa ijoc’ipolhuo’. 7 Iya’ ninPablo quiniÆ‘elhuo’ imanc’ noÆmana’ jiÆpe al cuecaj quiÆya’ Roma. Imanc’ Æinca ȽanDios ti’elhuo’ capic’a, ijoc’impolhuo’ ti’itsolhuo’ ma’ i’huexi. ȽanDios caÆ‘Ailli’, y ÆaÆPoujna Jesucristo, titoc’itsolhuo’, tipaxnetsolhuo’, tipac’e’etsolhuo’ loÆpicuejma’. 8 Ate’a’ cax’najtsi’i ȽanDios, iÆque ÆainenDios. Ma ca’nujuaitsilhuo’ jahuay imanc’ cax’najtsi’i li’e’epolhuo’ Jesucristo, imanc’ joupa oÆ‘huaiyijmpá. Cax’najtsi’i ni petsi li’a Æamats’ tuya’anni, tipalaicolhuo’ imanc’ loÆ‘huaiyijmpa. 9 Itine itine ca’nujuaitsilhuo’ imanc’. Ma capalaic’o ȽanDios cami: “Totoc’itsola’ iÆne laipimaye nomana’ Roma”. ȽanDios ixina’ ma’ al Æinca iÆe laifmipolhuo’. MaÆque ȽanDios aiPoujna. Jahuay laipicuejma’ ca’ay lanic’ lalapi’ipa. Cuya’e’ Lataiqui’, loya’apa iÆe al c’a lixpic’epa ȽanDios. MaÆe Lataiqui’ tipalaijma Æi’Hua ȽanDios. 10 Ma capalaic’o ȽanDios caxahue’e, cami: “Lapi’iÆa’ lane cahuenjntsola’ lapimaye nomana’ Roma. Ja’ni mouqui, ja’ni mouqui pitsu, ma lapi’iÆa’ lane, ca’huaÆa’. AÆtoc’iÆa’ cacuaitsi." 11 Acueca’ cajanaca caxintsolhuo’, catoc’itsolhuo’. Aipic’a tolapenufle xonca loÆpujfxi, iÆe lalapi’iponga’ cal Espíritu Santo. Tifa’e’etsolhuo’ nulemma loÆpicuejma’. 12 Iya’ cacua: Imanc’ y iya’ aÆ‘huaiyijnyi Jesucristo. Cacuaitsi jiÆpe aÆmajnta anuli. AÆtoc’itsoÆtsi, aÆsc’ai’itsoÆtsi, lixpi’itoÆtsi calata. 13 Cunc’aipimaye, ti’iÆa’ coÆsina’ aipic’a ca’huaÆa’ jiÆpe pe loÆmana’, cahuejntsolhuo’. Axpe’ cacuanc’e, aimi’i. Ocuenaye quiÆeloÆya’ pe lomana’ lan xanuc’ a’ij judío joupa nu’ipola’ Lataiqui’ loya’apa iÆe al c’a lixpic’epa ȽanDios. Aitoc’ipola’. Itsiya aipic’a catoc’itsolhuo’ imanc’ jouc’a. 14 Iya’ aixina’ ȽanDios lummepa cu’itsola’ Lataiqui’ jahuay lan xanuc’, iÆniya a’ij judío. Ja’ni lun griego, iÆne noxhuepá acueca’ o ja’ni ocuenaye lan xanuc’ pe aimixhueyi; petsi acueca’ quiÆpicuejma’, petsi a’ij cueca’ quiÆpicuejma’, jahuay cu’itola’. 15 ToÆiya, juaiconapa cajanaca ca’huaÆa’ jiÆpe Roma, cu’itsolhuo’ jouc’a imanc’ iÆe Lataiqui’. 16 Iya’ aicatay calaic’ata. Ni petsi lomana’ lan xanuc’ cu’itola’ iÆe Lataiqui’ loya’apa iÆe al c’a lixpic’epa ȽanDios. Petsi no’huaiyijmpá Lataiqui’ jahuay iÆniya tixim’me acueca’ lo’epa ȽanDios, iÆque tunÆu’e’mola’. ToÆta’a iximpá ate’a lan xanuc’ judío, itsiya jouc’a tixinyi lan xanuc’ a’ij judío, iÆne lun griego. 17 JiÆpe Lataiqui’ aÆsinyi te ts’iÆ‘ic’ iÆne petsi lapenufpola’ ȽanDios, tixinnila’ to ailopa’a quiÆjunac’. ȽanDios tepenufila’ iÆniya no’epá Æinca linespa ȽanDios, iÆne pe ti’hua ti’huaiyijnyi, ma to micua al Paxi LiniÆingiya loya’apa, ticua: Cal xans no’huaiyijmpa tulijta lipitine, ȽanDios iximpa to ailopa’a quijunac’, tepenufi. 18 ȽanDios Nopa’a lema’a joupa aÆmuc’iponga’ tixtuc’ola’ lixcay xanuc’, iÆne pe aimixpaic’eyi. IÆniya jiÆpe liÆpicuejma’ iÆsina’ te ts’i’ic’ al Æinca, iÆsina’ naitsi iÆque ȽanDios. TijouÆa’ xonca iÆpic’a ti’eÆe lixcay. ToÆta’a tetets’iyi al Æinca, ti’eyoÆtsi to aiquiÆsina’. 19 IÆne lan xanuc’ ti’i’ma timetsaico’me ȽanDios te ts’i’ic’ li’ejma’. Fa’a li’a Æamats’ i’huáqui tipa’a ȽanDios. MaÆque timujyoxi. ToÆiya iÆniya no’epá quixcay aimi’iya minesyacu: “AicaÆtaic’ cajunac’. AicaÆsina’ naitsi ȽanDios.” Ƚinca aimi’iya malahuelojnyacu ȽanDios. Lahuelojnyi lilanc’epa lopa’a li’a Æamats’. ToÆta’a limetsaicoyi iÆque ma’ anDios. Ma’ iÆque ticuxe, aimijouya licuxejma’. 21 IÆne lan xanuc’ lijoupa li’ipa quiÆsina’ naitsi ȽanDios aiquilimetsaijma anDios, aiquiÆcuac’. AiquiÆs’najtsi’i. I’ipa muf liÆpicuejma’, tihuejyi ituca’ cataiqui’, iÆe a’ij Æinca. 22 Ticuayi: “Illanc’ acueca’ laÆpicuejma’”. A’ij Æinca iÆe lonespa. I’e’epoÆtsi camac’ta. 23 Ipai’i’moÆtsi liÆpicuejma’, ipo’no’me ȽanDios. IÆque ma’ anDios, iÆque ti’hua imaf’i’, aimimaya. IÆne tilanc’eyi lilendiosla’, iÆna’a lo’onÆcospola’ to liÆf’as xanuc’ pe nomayacola’. Jouc’a tilanc’eyi lilendiosla’ lo’onÆcospola’ to lacaÆ‘hui naiyulpá lema’a, jouc’a lo’onÆcospola’ to linneja, jouc’a lo’onÆcospola’ to lainofat’Æ. 24 Li’ipa toÆta’a ȽanDios enajpoxi pe lomana’ iÆne lan xanuc’. Ipo’no’mola’ quiÆtuca’. Ma tihuejle lojanajpa. Ti’eÆe nixpiya, tixhuicotsoÆtsi, tetets’itsoÆtsi. 25 IÆne tifel’miyoÆtsi. Aimihuejyi ȽanDios, ma’ iÆque cal Nuli CanDios. Tihuejyi ocuenaye candiosla’. Texc’onÆingoÆaiyi pe lilanc’empa, ticuayi: “IÆne Æinca alandiosla’”. Aimihuejyi iÆque Ƚilanc’epa jahuay. Ma’ iÆque laxc’onÆingoÆai’me. Ocuena ailopa’a. Ni itsiya ni Locuena Quitine mi’iya. Ma toÆta’a ti’iÆa’. Amén. 26 IÆne ipo’nopá quituca’ ȽanDios. Lijou’ma iÆque jouc’a enajpoxi, ipo’nopola’ quiÆtuca’, tenant’ÆiÆe liÆxujc’a. LacaÆ‘no’ ipai’i’moltsi liÆ‘ejma’. Aimi’eyi to joupa lixpic’epa ȽanDios. 27 Jouc’a lan xanuc’ ipai’i’moltsi liÆ‘ejma’, aimixhuicocona’me lacaÆ‘no’. Juaiconapa ijanaj’moÆtsi, ixhuico’moÆtsi liÆf’as xanuc’. Pangay nixpiya i’e’me. IÆne Æinca timenaquila’. Lijou’ma iteÆmi’mola’ al cuana. Ixingufco’me te ts’i’ic’ lateÆcoya petsi no’epá toÆta’a. 28 IÆne ixpic’epá timenc’ecoÆe ȽanDios, toÆiya eteÆquemma liÆpicuejma’. ȽanDios enajpoxi pe lomana’ iÆne lan xanuc’. Ipo’nopola’ quiÆtuca’, ti’eÆe lixcay, ti’eÆe nixpiya. 29 LiÆpicuejma’ i’ipa ma le’a a’ijc’a. Tixpic’eyi ti’eÆe al xujc’a. Lan xanuc’ tehueyi quilecaÆ‘no’, jouc’a lacaÆ‘no’ tehueyi quiÆxanuc’. AimetenÆcocola’ ÆiÆ‘hueca, ti’hua tehueyi xonca. Tixpic’eyi ti’eÆe lixcay. Ti’ehualeyi laic’. Tima’ahualeyi. Tifulecoyi cataiqui’. TifelÆaiqueyi. Tehueyi lo’e’eñyacola’ liÆf’as xanuc’, ti’entsola’ quixcay. Tixahualeyi. 30 Tipalaicoyi quixcay cataiqui’ liÆf’as xanuc’. ȽanDios tetets’ila’ lo’epa iÆna’a. Titalai’e’ecoyi quixcay liÆf’as xanuc’. Ti’e’eyoÆtsi tsila’. Tipalaiyi atsila’ cataiqui’. Tehueyi te xonca co’eyacu, ti’eÆe quixcay xonca. Aimicuec’eyi quiÆ‘ailli’, quiÆ‘máma’. 31 AiquiÆsina’ mixhuicoyi liÆpicuejma’. Aimenant’Æiyi liÆtaiqui’ licupa. Aimi’nujuaisyi liÆpimaye. Aimixinnila’ acuanuc’la. 32 IÆne iÆsina’ te ts’i’ic’ al Æijca lixpic’epa ȽanDios. IÆsina’ iÆque tecani’e’mola’ iÆniya no’epá toÆta’a. Tama iÆsina’ aimixpaic’eyi. Ma ti’hua ti’eyi nixpiya. Jouc’a tixojma quileta ja’ni locuenaye tihuej’me lixcay lo’epa.