Romanos 4

1 ¿Te qui’ipa ÆaÆtatahuelo Abraham? ¿Te quicuec’epa? ¿Te iÆque quituca’ i’epa al c’a, lijou’ma ȽanDios epenufpa to ailopa’a quijunac’? Ja’ni coÆa’ toÆta’a li’ipa Abraham, iÆque tines’ma: “Iya’ joupa ai’epa al c’a, toÆiya lapenuf’ma ȽanDios, aÆsim’ma to ailopa’a caijunac’”. ȽanDios ixina’ Abraham aimi’iya minescoyacoxi toÆta’a. Al Paxi LiniÆingiya ¿te aga tuya’e’: “ȽanDios iximpa ac’a li’epa Abraham, toÆiya epenuf’ma to ailopa’a quijunac’”? A’i. Aimuya’e’ toÆta’a. Ma tuya’e’: “Abraham i’huaiyijmpa ȽanDios, toÆta’a ȽanDios iximpa to ailopa’a quijunac’, epenuf’ma”. 4 Cal xans no’epa canic’ tulij’ma lo’najtse’enyacu. Ja’ni ailopa’a qui’epa aiquitaiyinc’enni. Ja’ni iÆpic’a titoc’iÆe, ti’najtse’enÆe, ti’najtse’e’me. Ja’ni a’i ailopa’a tintsi. 5 ToÆta’a lo’iya cal xans nocuapa: “Tama ca’eÆa’ acueca’ canic’ aimi’iya canant’Æiya locuxepa ȽanDios. ¿Te caif’eya? Le’a ca’huaiyijm’ma ȽanDios.” Lan xanuc’ nocuapá toÆta’a, iÆne no’huaiyijmpá, ȽanDios titoc’ila’, tepenufila’ to ailopa’a quiÆjunac’. 6 Ma toÆta’a lonespa cal rey David mipalaijma al c’a loyaicopa cal xans petsi ȽanDios titoc’i, tepenufi to ailopa’a quijunac’. 7 Ticua: Tuyalaicoyi al c’a iÆne petsi ȽanDios iÆonc’e’epola’ liÆjunac’, petsi letamu’epola’ li’epa lixcay. 8 Ac’a loyaicopa cal xans petsi ȽanDios aimicuxecoya, aimimiya: “ToÆe, toÆe lixcay lo’epa”. 9 Ninc’ixanuc’ judío, illanc’ aÆtaic’ laÆseña jiÆpe laÆpixic’, ¿te ja’ni ma le’a illanc’ toÆta’a luyalaicoyi al c’a? ¿Te aimi’iya muyalaicoyacu al c’a locuenaye xanuc’ jouc’a? ToÆ‘nujuaisle te ts’i’ic’ li’ipa Abraham. Joupa aÆnespá: “Abraham i’huaiyijmpa ȽanDios, toÆta’a ȽanDios iximpa to ailopa’a quijunac’, epenuf’ma”. 10 Litine ȽanDios lepenufpa Abraham, ¿te ts’i’ic’ iÆque? ¿Ja’ni itaic’ liseña jiÆpe lipixic’? O, ¿aiquitaic’? Litine ȽanDios lepenufpa Abraham iÆque aiquitaic’ liseña. Aiquetec’enni lipixic’. 11 Ate’a i’huaiyijmpa ȽanDios, lijou’ma ȽanDios icuxe’e’ma, timi: “To’exoxi circuncidar”. IÆque letec’e’em’me lipixic’ imuj’moxi ti’huaiyinge ȽanDios. IÆque joupa epenufpa Abraham to ailopa’a quijunac’. ToÆta’a ȽanDios imetsaico’ma Abraham to iÆ‘ailli’ lan xanuc’ no’huaiyijmpá, tama aiquiÆtaic’ quiÆseña jiÆpe liÆpixic’. Ja’ni ti’huaiyijnyi to li’huaiyijmpa Abraham, ȽanDios timetsaicoyi inaxque’ Abraham, tepenufila’ to ailopa’a quiÆjunac’. 12 Jouc’a iÆniya lo’empola’ circuncidar ti’i’ma ti’itsola’ inaxque’ Abraham. IÆque ai’a ti’e’moxi circuncidar i’huaiyijmpa ȽanDios. Ja’ni ti’huaiyijnyi ma ȽanDios, ja’ni a’i mi’huaiyijm’me li’epoÆtsi circuncidar, iÆniya jouc’a inaxque’ ÆaÆtatahuelo Abraham. 13 ¿Te ja’ni ȽanDios joupa iximpa Abraham lenant’Æipa locuxe’epa? ¿Te toÆiya limipa te ts’i’ic’ loyalaicoyacu iÆniya, iÆque y lixanuc’? A’i. Abraham le’a i’huaiyijmpa ȽanDios, i’epa Æinca limipa. ToÆta’a ȽanDios epenuf’ma to ailopa’a quijunac’, u’ipa: “Ima’ ti’i’mo’ to quiÆ‘ailli’ iÆne nocuxeyaleyacu fa’a li’a Æamats’. ToÆta’a tonÆ‘e’me imanc’, ima’ y loxanuc’." 14 ¿Naitsi iÆne nocuxeyaleyacu jifa’a li’a Æamats’? ¿Te ja’ni ȽanDios tipalaicola’ naihuejpá lataiqui’ loya’apa locuxepa? A’i. Ja’ni ȽanDios tipalaicola’ iÆniya, Abraham coÆa’ ailopa’a colijya tama i’huaiyijmpa ȽanDios. Litaiqui’ ȽanDios lepi’ipa Abraham coÆa’ aimenant’Æiya, coÆa’ iÆiya infel’miyale lataiqui’. 15 Ƚinca aimi’iya maÆnesyacu: “Lanant’Æi’me locuxepa ȽanDios. ToÆta’a lapi’i’monga’ ma to limipa Abraham.” Ja’ni toÆta’a laÆnesyacu ailopa’a calapi’iyaconga’. Litaiqui’ locuxepa ȽanDios aÆmuc’inga’ a’ijc’a laÆ‘epa, tipa’a laÆjunac’. Ja’ni ailopa’a iÆe Lataiqui’ ȽanDios aimi’iya maÆcuxecoyaconga’. 16 Cacua: ȽanDios icupa cataiqui’ tipaxne’mola’ iÆne no’huaiyijmpá. A’i quicuac’: “IÆniya i’epá al c’a ca’najtse’e’mola’”. Ma ticua: “IÆniya aÆ‘huaiyijmpa, catoc’i’mola’”. ToÆta’a jahuay lixanuc’ Abraham ti’i’ma tepenuf’me iÆe lopaxneyacola’. A’i ma le’a iÆne petsi lepi’ipola’ lataiqui’ loya’apa te ts’i’ic’ licuxepa ȽanDios, jouc’a tepenuf’me locuenaye xanuc’ ja’ni ti’huaiyijnyi ȽanDios to li’huaiyijmpa Abraham. MaÆque Abraham aÆ‘ailli’ jahuay illanc’ naÆ‘huaiyijmpá ȽanDios. 17 ToÆta’a loya’apa al Paxi LiniÆingiya, tuya’e’: Ima’, axpela’ lan xanuc’ timetsaico’mo’ iÆ‘ailli’, iÆ‘ahuelo; iÆne ituca’ ituca’ liÆnación. IÆe litine tama quituca’ Abraham, ailopa’a qui’hua, ȽanDios liximpa iÆ‘ailli’ axpela’ lan xanuc’. Ƚinca ȽanDios ti’i’ma timaf’i’ina’mola’ limanapola’. IÆque tipalaicola’ lan xanuc’ ai’a timajnlita, tinescola’ to jipu’hua timana’. Ma toÆta’a li’ejma’ ȽanDios Æi’huaiyijmpa Abraham. 18 Litine ȽanDios lipvalaic’opa, Abraham tixinyoxi aimi’iya muyaicoya to limipa ȽanDios. Tama toÆta’a lixina’ ma’ i’huaiyijmpa ȽanDios, ticua: “Ma ca’huaico’ma. ȽanDios nipajnya ti’e’ma to laÆmipa.” ToÆta’a li’ipa. Ixpe’mola’ lixanuc’ Abraham, ma to limipa ȽanDios. I’ipola’ axpela’ lixanuc’ Abraham, ituca’ ituca’ liÆnación; iÆque iÆ‘ailli’. 19 Abraham imetsaicoyoxi te ts’i’ic’. IÆque joupa ixhuaita to amaxnu Æemats’. Ti’onÆcospa to cal xans joupa imapa. Jouc’a imetsaijma Sara te ts’i’ic’. IÆque Æipeno ijuiqui caca’no’. Tama ixina’ jahuay iÆta’a Abraham ti’hua ti’huaiyinge ȽanDios. 20 Aiquinesqui: “Aga a’ij Æinca ȽanDios laÆmipa. Aica’huaiyijnconaya.” Xonca ti’huaiyinge ȽanDios. Imetsaicopa acueca’. 21 Ixina’ aÆinca ȽanDios nipajnya ti’e’ma to limipa. ToÆta’a ti’hua ti’huaiyinge. 22 ȽanDios liximpa li’huaiyijmpa epenuf’ma to ailopa’a quijunac’. 23 IÆe lataiqui’: “ȽanDios epenuf’ma to ailopa’a quijunac’”, tipalaicola’ axpela’, a’i ma le’a Abraham. 24 AÆpalaiconga’ jouc’a illanc’ naÆ‘huaiyijmpá ȽanDios. Illanc’ aÆcuayi: “AÆinca ȽanDios imaf’i’inapa ÆaÆPoujna Jesús, ipa’anapa pe lomana’ lamizhua”. Ja’ni toÆta’a aÆ‘huaiyijnyi ȽanDios, iÆque lapenufinga’ jouc’a. AÆsinninga’ to ailopa’a caÆjunac’. 25 Illanc’ Æinca aicaÆ‘aic’ locuxepa ȽanDios. ȽanDios icupa ÆaÆPoujna Jesús tima’anÆe, ti’najtse’ma laÆjunac’. Jesús lijoupa li’najtsepa, imapa, ȽanDios imaf’i’inapa. ToÆiya ȽanDios ti’i’ma lapenuf’monga’ illanc’, lapenuf’monga’ to ailopa’a caÆjunac’.