Romanos 8

1 Itsiya ȽanDios aimalacani’eyaconga’ illanc’ naÆ‘huaiyijmpá Jesucristo, iÆque joupa lapenufponga’. Illanc’ aimalihuejyi laÆsahue’eponga’ laÆcuerpo, lihuejcoyi laÆcuxe’eponga’ cal Espíritu Santo. 2 Iya’ joupa aiximpa aimi’iya canant’Æiya locuxepa ȽanDios. Aimi’iya cunÆu’eyacoxi. Lixcay laipicuejma’ ma maÆcuxe lacani’e’ma. Itsiya ituca’ laifnuyaicopa lapajnya. Ca’huaiyinge Jesucristo, tipa’a al ts’e laipitine, aÆcuxe cal Espíritu Santo. 3 IÆe lataiqui’ loya’apa locuxepa ȽanDios ailopa’a quipujfxi mulijya lixcay laÆpicuejma’. ȽanDios Æinca ti’i’ma, joupa i’epa. Ummepa Æi’Hua. IÆquiya i’epoxi xans, aÆ‘onÆcosponga’ to illanc’ ninc’ixanuc’. Ma le’a ailopa’a quixcay lipicuejma’. I’huamma fa’a li’a Æamats’ itsufcopoxi, aÆ‘najcufponga’ laÆjunac’, ecani’epa lixcay laÆpicuejma’. 4 ToÆiya itsiya ti’i’ma lanant’Æi’me iÆe al c’a laÆcuxe’eponga’ ȽanDios. Illanc’ lihuejcopá cal Espíritu Santo a’i laÆsahue’eponga’ laÆcuerpo. 5 Lan xanuc’ naihuejpá quiÆtuca’ liÆpicuejma’ tixpic’eyi latenÆcocoyacola’ iÆne quiÆtuca’. Lan xanuc’ naihuejpá cal Espíritu Santo, tixpic’eyi latenÆcocoya cal Espíritu Santo. 6 Petsi naihuejpá quiÆtuca’ liÆpicuejma’ tecani’em’mola’. Petsi naihuejpá cal Espíritu Santo tipa’a al ts’e liÆpitine, tuyalaicoyi al c’a. AimixhueÆcoyi, ailopa’a tintsi. 7 Petsi naihuejpá quiÆtuca’ liÆpicuejma’, iÆne tecaxaispola’, mane tifuli’iyi ȽanDios. Aimihuejyi locuxepa iÆque. Aimi’iya mihuejyacu. 8 Cal xans, ja’ni ailopa’a al ts’e lipitine locupa cal Espíritu Santo, iÆque cal xans aimi’iya metenÆcocoya ȽanDios. 9 Imanc’ aimi’onÆcotolhuo’ to iÆniya. Ja’ni joupa olapenufpá cal Espíritu Santo, ja’ni toÆmana’ anuli iÆque, ma tipa’a al ts’e loÆpitine. Ƚinca cal xans, ja’ni aiquepenufi Æi’Espíritu Cristo, iÆque cal xans a’i qui’huexi Cristo. 10 Ja’ni joupa olapenufpá Cristo ȽanDios epenufpolhuo’ to ailopa’a coÆjunac’. ToÆta’a tipa’a al ts’e loÆpitine, aimimayacolhuo’ nulemma. Ƚinca lonÆ‘epa lixcay joupa ecani’epolhuo’ loÆcuerpo, iÆe tima. 11 Ja’ni joupa olapenufpá cal Espíritu Santo, ja’ni joupa oÆÆaitsufma, ni loÆcuerpo mimaya nulemma. Lijoupa limapa Cristo, ȽanDios imaf’i’inapa. Imanc’ ma’ anuli timaf’i’ina’molhuo’. ToÆta’a lo’eyacolhuo’ cal Espíritu Santo, iÆque Æi’Espíritu ȽanDios, imanc’ oÆÆaitsufma. 12 Itsiya cunc’aipimaye, ¿naitsi caÆ‘najtse’econayacu? ¿Naitsi calihuejcoyacu? ¿LaÆcuerpo aÆtaiyinc’e? ¿Ja’ni iÆe aÆpoujna? A’i. 13 Ja’ni tolihuejcoyi loxahue’epolhuo’ loÆcuerpo mane tecani’em’molhuo’. Ja’ni tolihuejcoyi cal Espíritu Santo tolatec’cona’me lonÆ‘epa lixcay, iÆe loxahue’epolhuo’ loÆcuerpo. AimonÆ‘econayacu iÆta’a. TijouÆa’ timaf’i’ina’molhuo’ ȽanDios. 14 Petsi naihuejpá Æi’Espíritu ȽanDios, iÆniya inaxque’ ȽanDios. 15 Luyaipa quitine micuxelhuo’ lixcay, iÆe lataiqui’ loya’apa locuxepa ȽanDios ticuxecolhuo’. ToÆsueÆcoyi, toÆcuayi: “AÆteÆ‘mi’monga’ ȽanDios”. Itsiya joupa olapenufpá cal Espíritu Santo. IÆque aimepi’iyacolhuo’ toÆta’a loÆpixhuejma’. Lolapenufpa iÆque cal Espíritu ȽanDios epenufpolhuo’ to quinaxque’. MaÆque cal Espíritu aÆmuc’inga’ te ts’i’ic’ lacui’i’me ȽanDios. AÆmiyi: “Ima’ mai’Ailli’”. 16 MaÆpe Æalunxajma’ aÆsingufyoÆtsi inaxque’ ȽanDios. Ma’ anuli lu’inga’ cal Espíritu Santo. 17 MaÆmana’ fa’a li’a lamats’ ja’ni illanc’ inaxque’ ȽanDios Æinca pu’hua ȽanDios lapi’itonga’ iÆe lapi’iyacola’ linaxque’. ȽanDios joupa imetsaicopa Æi’Hua, iÆque Cristo. Illanc’ jouc’a limetsaicotonga’. Fa’a ja’ni laÆteÆcopa ti’onÆcospa to liteÆcopa Cristo, pu’hua jouc’a aÆ‘onÆcotonga’ to Cristo, aÆÆaitsufcotonga’ ȽanDios. 18 Itsiya litine aicaÆsina’ te ts’i’ic’ al c’a lalapi’iyaconga’ ȽanDios. Ƚinca, acueca’ juaiconapa iÆe laÆ‘iyaconga’ pu’huanni. IÆta’a laÆtelcopa itsiya litine aimi’iya maÆ‘onÆicoyacu al cueca’ al c’a lalapi’inyaconga’. 19 Fa’a li’a lamats’ jahuay lilanc’epa ȽanDios tocomma to ticuitsufyi, tinesyi: “¿Te quitine aÆsim’mola’ iÆniya linaxque’ ȽanDios lolaitsufcoyacola’? ¿Te quitine aÆsim’mola’ te ts’iÆ‘ic’ iÆniya?" 20 Ƚinca, itsiya jahuay lilanc’epa ȽanDios i’huáqui eteÆquenamma. IÆe litine ȽanDios liteÆ‘mipa cal xans ni’epa quixcay jouc’a iteÆ‘mipa jahuay lilanc’epa. Tama ailopa’a qui’epa, eteÆquenamma. A’i nulemma queteÆqueya. Aimipaneya toÆta’a. 21 Itsiya Æinca lamaya ti’huajcola’ jahuay. Ailopa’a cunÆuya. Juaiconapa acueca’ al c’a lo’e’eyacola’ linaxque’ ȽanDios. TunÆu’e’mola’. Lamaya aimi’huajcoconayacola’. Lilanc’epa ȽanDios jouc’a tulij’ma lamaya, aimiminscoconaya. 22 AÆsina’ aiqui’ic’ toÆta’a. Itsiya jahuay lilanc’epa ȽanDios tocomma to titeÆma acueca’ cumla. Lo’ipa ti’onÆcospa to loteÆcopa Æaca’no’ nocuaiya Æi’hua. IÆque acueca’ cumla titeÆco’ma. 23 Illanc’ jouc’a lumlequinga’. AÆteÆcoyi jiÆpe Æalunxajma’ ma caÆ‘huaijma ȽanDios lapenuftsonga’ to inaxque’, aÆÆaitsufcotonga’. IÆiya litine aÆsim’moÆtsi joupa lunÆu’eponga’ jouc’a laÆcuerpo. ȽanDios joupa lapi’iponga’ cal Espíritu Santo, toÆiya aÆsina’ laÆ‘iyaconga’ toÆta’a. 24 Ƚinca, aimi’iya maÆnesyacu: “Joupa i’ipa. Joupa lunÆu’eponga’ jouc’a laÆcuerpo.” Tehue’e’. Ja’ni lunÆu’etsonga’ ticuicomma aÆ‘huaicoÆe, aÆnesle: “Al Æinca toÆta’a lo’iya”. CoÆa’ joupa aÆsimpá li’ipa, ¿te caÆ‘huaicocoyacu? A’i. Ailopa’a caÆ‘huaicoyacu. 25 Ja’ni aÆsina’ tehue’e’, aÆsina’ aiqui’ic’, ma’ aÆsnet’Æ‘me, aÆ‘huaico’me lo’iya. 26 Illanc’ a’i caÆtuca’ aÆsnet’Æyi. Cal Espíritu Santo aÆtoc’inga’. Illanc’ caÆtuca’ ailopa’a caÆ‘eyacu. AicaÆsina’ te caÆsahue’eyacu ȽanDios. Aimi’iya maÆsa’hueyacu. AÆsingufcoyi aÆteÆcoyi jiÆpe Æalunxajma’. Ailopa’a caÆtaiqui’. Cal Espíritu Santo aÆtoc’inga’. IÆque Æinca tixa’hue’ma ȽanDios titoc’itsola’ lixanuc’, iÆniya ma’ i’huexi ȽanDios. 27 ȽanDios lahuelonginga’ xonca lemiya jiÆpe laÆpicuejma’. IÆque ixina’ te loxahue’epa cal Espíritu Santo. Imetsaijma ac’a lipicuejma’. IÆque cal Espíritu tixahue’e’ma latenÆcocoya ȽanDios. 28 Illanc’ naÆ‘epá capic’a ȽanDios, iÆque aÆjoc’iponga’. Ma’ iÆque ȽanDios joupa ixpic’epa te ts’i’ic’ al c’a laÆ‘iyaconga’. Itsiya aÆsina’ jahuay aÆtoc’inga’. Ja’ni ac’a o ja’ni a’ijc’a laluyalaicoyacu, ma le’a al c’a aÆ‘e’monga’. Ailopa’a caÆ‘eyaconga’ lixcay. 29 Ai’a aÆmajnlita ȽanDios alimetsaicoponga’. Joupa ixpic’epa te ts’i’ic’ laÆ‘iyaconga’. Ixpic’epa aÆÆanc’e’etsonga’ laÆpicuejma’. Ti’iÆa’ to lipicuejma’ Æi’Hua, aÆ‘onÆcotonga’. Ti’iÆa’ cal Cristo aÆpima; iÆque cal Te’a, illanc’ ipepohue. ToÆta’a ti’i’mola’ axpela’ lipimaye. 30 A’i ma le’a ixpic’epa te ts’i’ic’ iÆe laÆ‘iyaconga’, jouc’a aÆjoc’iponga’ lihuejle. A’i ma le’a aÆjoc’iponga’, jouc’a lapenufponga’ to ailopa’a caÆjunac’. A’i ma le’a lapenufponga’ to ailopa’a caÆjunac’, jouc’a limetsaicoponga’ inaxque’, aÆÆaitsufcotonga’. JiÆpe litine Æinca aÆÆanc’e’etonga’ laÆpicuejma’, ti’iÆa’ ma to lipicuejma’ ȽanDios, pangay c’a. 31 Itsiya ¿te caÆnesyacu? Ja’ni toÆta’a aÆ‘nujuaitsinga’ ȽanDios, iÆne petsi naÆ‘eponga’ laic’, ¿te caÆ‘e’eyaconga’? 32 ȽanDios ni Æi’Hua quixina’ cuanuc’. Icupa tima’anÆe, ti’najtseÆa’ lixcay laÆ‘epa jahuay illanc’. Ja’ni toÆta’a lapi’iponga’ iÆque ȽalunÆu’eyaconga’, ¿te aimalapi’iyaconga’ jahuay lalahue’eponga’? 33 Illanc’ naÆ‘huijf’eponga’ ȽanDios, ¿naitsi naÆcufyaconga’? ¿Ja’ni ȽanDios? A’i. Ma ȽanDios alapenufponga’ to ailopa’a caÆjunac’. 34 ¿Naitsi nalacani’eyaconga’? ¿Ja’ni Jesucristo iÆque nimapa? A’i. IÆque imaf’inapa. Itsiya tipa’a pu’hua al c’a camane ȽanDios. JiÆpe tixa’hue ȽanDios aÆtoc’itsonga’. 35 Cristo aÆ‘enga’ capic’a. ¿Ja’ni ti’i’ma lanaj’monga’? A’i, aimi’iya. Ni laÆ‘iyaconga’ o laÆ‘iponga’ mi’iya. Ja’ni aÆteÆcoÆe, ja’ni lapajnya aÆsinÆe ipime, ja’ni aÆteÆ‘mintsonga’, ja’ni lumlejma, ja’ni lahue’etsonga’ caÆpijahua’, ja’ni ti’iÆa’ caxpaiqui’, ja’ni aÆma’antsonga’, ailopa’a calanajyaconga’ Cristo. 36 To loya’apa al Paxi LiniÆingiya ma toÆta’a luyalaicoyi. IÆe lataiqui’ ticua: Illanc’ lalihuejhuo’ ima’, aÆsinninga’ to lam mot’Æ, iÆne li’huijf’empola’ tima’am’mola’. 37 Ma al Æinca iÆiya lataiqui’. ¿Te co’iya? AÆsina’ Cristo aÆ‘enga’ capic’a. IÆque aÆtoc’inga’. ToÆta’a jahuay laÆ‘iyaconga’ lulij’me. Ailopa’a caÆ‘eyaconga’. 38 Iya’ cacua: Joupa aixina’ aimi’iya malanajyaconga’ Jesucristo, ni lamaya, ni lapajnya, ni lapaluc’ quema’a, ni lontahue iÆpujfxi acueca’, ni lo’ipa itsiya, ni lo’iya locuaicoya, 39 ni lopa’a al toncay lema’a, ni lopa’a al ‘ocay Æamats’. Petsi lilanc’epa ȽanDios ailopa’a calanajyaconga’ Jesucristo ÆaÆPoujna, iÆque naÆmuc’iponga’ te ts’i’ic’ maÆ‘enga’ capic’a ȽanDios.