KÖLFEL 8

¹ Äm Samol mi Lapalap, äm Samol, a fokun pwäla iteüöchum won unusen fanüfan! Kölün mwareiti lingom a tori läng.

² Ekewe semirit me ekewe mönükol ra kölün mwareituk. Ekewe chon oputom resap tongeni afeiengauok. Ka afanafanaloi chon oputom me chon ü ngonuk.

³ Lupwen üa netä läng förien poum o nengeni ewe maram me ekewe fü ka anomuur lon lenier,

⁴ met aüchean aramas pwe ka ekieki usun, nge met aüchean nöün aramas pwe ka tümwünü?

⁵ Nge ka föri i pwe epwe ekis kis fomw en ai Kot, ka ämwärämwära ngeni ling me iteüöch.

⁶ Ka awisa ngeni pwe epwe nemeni mettoch meinisin ka föri. Ka anomu fän nemenian föriom kewe meinisin,

⁷ ekewe sip me ekewe kow meinisin, pwal ekewe manmwachon lemäl,

⁸ ekewe mansüsü me ekewe ikenen leset me sokopaten mönün leset.

⁹ Äm Samol mi Lapalap, äm Samol, a fokun pwäla iteüöchum won unusen fanüfan!