1 Samuel 3

1 Machi-bipi-Samuel, Elí-sogedba Bab-Jehováʼga ibmar-imakdiid. A-ibagangi, Bab-Jehová dogdar bar dulemarbogwa sunmakdisulid, deginbali, negburgan-dakleged dogdar bar dakledisurbalid. 2 Ibagwengi, Elí bato dala galakgumaidba geg bar nue atakgusadgi e-gabedneggi obunnomaid. 3 Bab-Dummadse-goled-neggi gwallumar amba yoo ginneunni, Samuelʼdi Bab-Dummadse-goled-neggi gabmaid. A-neggi Bab-Dummad-Israel-Dulemarbo-Igar-Mesisad-Ulu siid. 4 Degidgine, Bab-Jehová, Samuelʼse gollalid: â¡Samuel! Geb Samuel abin-sogded: â¡Degite! 5 Agine, Samuel, Elí-maidse yog-abarmakded. Geb Elíʼga sogded: âNaa, ¿ibiga be anse gole? Elí abin-sogded: âAn bese gochasuli. Gannar be megnae. Geb Samuel gannar megnaded. 6 Degine, Bab-Jehová gannar Samuelʼse gornonikid: â¡Samuel! Geb Samuel gwichibinne-imaksad, Elí-maidse abarmakded. Ega sogdapid: âNaa, ¿ibiga be anse gole? Elí abin-sogded: âMachi, an bese gochasuli. Gannar be megnae. 7 Ar ade, Samuel amba Bab-Jehová akudaked, deginbali, amba yoo Bab-Jehová-e-gayaburba ega magarolebalid. 8 Bab-Jehová gannar Samuelʼse gollarbalid: â¡Samuel! Geb Samuel gannar gwichibin-imaksad, Elí-maidse abarmakded. Elíʼga sogdapbalid: âNaa, ¿ibiga be anse gole? Geb Elí magar-itononikid, Bab-Jehová, Samuelʼse gornaid. 9 Elí ega sogded: âGannar be megnae. Dule gannar bese gollalile, ega be sogo: ‘Dummad, soge, an be-itomai.’ Geb degine, Samuel gannar megnadsunnad. 10 Geb Bab-Jehová, Samuelʼse gannar gornonikid: â¡Samuel! ¡Samuel! Samuel abin-imakded: âDummad, soge, an be-itomai. 11 Geb Bab-Jehová ega sogded: âNue itogo. An Israel-yargi ibmar-imaksokalid dulemar wisgualile, bela-bela gwakidmaloed. 12 A-ibagine, an Elíʼgi sabsur-ibmar-sogsagusadi bela an imakoed. An Elí-e-gwenadgan sabsur-odurdakoye-sogsabalid bela an imakbaloed. 13 Deunni, an Elíʼga sogsa gusad, be-machimala-e-isgusad-ulale, degisadegu an be-gwenadgan sabsur-odurdakdii guedseye. Ar Elí, e-machimala-angi-dododimalad nue-wisinad, degite, ese gwen-ulussulid. 14 “Degisoggu, Elí-gwenadgangi an ise-sogar-sogsunnad: ‘Bipisaar anga-ibdurgan-oburgwileged, degi, anga-ibmar-ukleged, Elí-e-gwenadgan-e-isgued osulogosulid.’ “ 15 Geb a-sorbali, Samuel gabided. Oibosadgine, Samuel, Bab-Dummadse-goled-neg-yawagak egasad. Degi, Elíʼga negburgan-daksad dobe-soge gualid. 16 Geb Elíʼdi, Samuelʼse gochasunnad: â¡Machi, Samuel! Samuel abin-sogded: âSoge. 17 Geb Elí ese egichialid: â¿Ibu Bab-Jehová bega sogsa? Bab-Jehová-bega-ibmar-sogsad bela be anga sogo, mer be angi ibmar-odukuo. Ar ibmar-soggwen be angi odukusale, Bab-Dummadse be sabsur-odurdaklegoed. 18 Samuel, Elíʼga bela ibmar-sogsad, gwen bipisaale egi ibmar odukussulid. Geb Elí sogded: âEdi Bab-Jehováʼsoggu, na e-dakedba bur ibmar-nued imakodo. 19 Samuel dungumaidba, Bab-Jehová eba gudii gusad. Bab-Jehová, Samuelʼga-ibmar-sogsa-gusad, bela sogedba ega imaksad. 20 Bela Israel-dulemar Dan-yar-akale, Beersebaʼse wisgusmalad, Bab-Jehová e-gayaburba-barsogega Samuel-susye. 21 Deginbali, Bab-Jehová Silo-neggweburgi Samuelʼse gornonidaed, adi, e-gayaburba ega sogegar. Samuel, Bab-Jehová-ega-ibmar-soged, bela Israel-dulemarga sogdaed.