Mateo 26
NVS1 Jesús bela-weyob-ibmar-sogsad-sorba, e-sapinganga sokalid: 2 “Be wismalad, Oburgwilegoenad-Iba ibabose nagudoed. Agine, ani Dule-Machi, nakrusgi-an-biokmalaga an-gamaloed." 3 Degine, dule-irwa-Bab-Dummadse-gormalad-e-dummagan, Garda-Narmaked-Dulemar, JudÃoʼmar-girmar-dummagan-neggwebur-sedimalad, bela amar danar dule-irwa-Bab-Dummadse-goled-bur-dummad-Caifásʼye-nugad-neg-imbase ambikunonimalad. 4 Yamo-yardakar-Jesús-gaega, degi, oburgwemalaga, agi igar itosmalad. 5 JudÃo-dummagan-abar sogdemalad: “Mer ibagi anmar Jesús-gamalo. Degiir, dulemar Jesúsʼbina urwedamaloed." 6 Jesús Betania-neggweburgi gudiid. Simón-naibe-buna-yaa-maleged-nika-gudigusad-neggi siid. 7 Agi Jesús mese-naba mas gunsigu, ome-wargwen ese nonikid. Ome, bute-akwa-alabastro-sobaledgi-sii gwallu-wawad-nuedi senonikid, geb Jesús-nonogi eononikid. A-gwallu-wawad gargerba bakleged. 8 Jesús-sapingan ome-weyob-imaksad-daksamargu, uludmalad, sogdemalad: â¿Wede ibiga binsarsunna we-ome we-gwallu-wawa-nued wiosa? 9 Ar sunna we-gwallu-wawad mani-dummad uklegoenad, adi, we-mani, nabir dule-wileganaga uklegegar. 10 Ar Jesús degi-sogmalad-mag-daksagu, sogded: â¿Ar ibiga bemar omese-urwemala? Mer ese be gormar. Ar ome ibmar-nued anga imaksad. 11 Ar dule-wilemaladdi, gusgu bemar-abargi-gudigu guoed. Andi bemarba-gudigu guosulid. 12 “Ar ome we-gwallu-wawad an-sangi-eosadi, an-diglegoed-iduar eosad. 13 “Napira an bemarga soged, bia we-napneggi an-gayaburba-nuedgi sunmaklegoe, we-ome-ibmar-imaksadgi sunmaklemogoed, adi, we-ome-ibmar-imaksad ebinsamalagar." 14 Jesús-e-sapingan-ambe-gakabogwad-wargwen (12), Judas-Iscarioteʼye-nugad, dule-irwa-Bab-Dummadse-gormalad-e-dummaganse nadegusad. 15 Amarga sogdapid: âAn bemarga Jesús-ukmalale, ¿ibi be anga ukmaloe? JudÃo-dummagan Judasʼga mani-sibu gwadulagwen-gakambe (30) uksamalad. 16 Geb agi Judas igar-amiarsunnad, igi saele darba Jesús-ukodibeye. 17 JudÃo-ibagi, Madu-Inasuli-Gulleged-Iba-gebe-onodedgi, e-sapingan Jesúsʼse nonimalad, ega sognonimalad: âOburgwilegoenad-Ibagi-masgulleged-gunnega, ¿bia anmar bega neg amimaloe? 18 Jesús amarga sogded: “Neggweburse be namar. Dule-gwensak-negse be namar. A-dulega be sogmalo: ‘Odurdaked-saila sogye: An-ibagan omosye. Be-neggine, an-sapinganmala, Oburgwilegoenad-Iba an dakmaloye.’ “ 19 Ar igi Jesús e-sapinganmarga sogsa, e-sapingan deyob imaksamalad. A-neggi, ibagi mas-gunmalaga, bela ibmar guagwar urbismarsunnad. 20 A-ibagi, neg-mutikgudgu, Jesús e-sapingan-ambe-gakabogwadmala (12) mese-naba mas-gunnega signonimalad. 21 Mas gunbukmargu, Jesús sogded: âNapira an bemarga soged, bemar-gwensak darba an-ukoed. 22 A-ular, e-sapingan nue-wile itodmalad, na wargwen-wargwen Jesúsʼga sogdemarsunnad: âDummad, ¿ani an be-ukoe? Andi suli. 23 Jesús abin-sogded: âAr dule-wargwen e-argan bategi anba odogoedi, a darba an-ukoed. 24 Napira an bemarga soged, ani Dule-Machi, ar igi Bab-Dummad-Gardagi angi narmakar nai, ar deyob an guoed, an burgoed. Ar dule-darba-an-ukoeddina, sabsur-odurdaklegoedba nue wilegoed. A-dule gwalulessulina, bur nabirinad. 25 Geb degi, Judas, darba-Jesús-ukoedi, Jesúsʼga sogded: âOdurdaked-saila, ¿ani an be-ukoye? Jesús ega sogded: âEye. Ar bato na be sogsad. 26 Mas gunbukmargu, Jesús madu-susgua, Bab-Dummadga dog-nuedye sogsagusad. Geb a-sorba, Jesús madu bisge-bisge imaksad, e-sapinganga ukded, sogded: âBe sumar, be gunmar, we-madu, an-sanad. Jesús e-sapinganmala we-madu guchamarsunnad. 27 A-sorba, Jesús nog susbalid. Bab-Dummadga dog-nuedye-sogsabargu, e-sapinganga ukdebalid, sogdebalid: âBemar bela we gobmar. 28 We, an-abe. An-abe Bab-Dummad dulemarbo igar-bini-mesnaid-wilubganad, degi, an-abe, isgued-eliega, dulemar-bukidar-ular milegoed. 29 An bemarga soged, emigindi, vinoʼdi we-sorba bar an gobosulid, geb an-Bab-negdakmaidse an bemar-abargi an gobdapbaloed. Jesús e-sapinganmala we-vino gobsamarsunnad. 30 Geb Bab-Dummad-nuggi namaksamalad-sorba, Olivos-yarse nadmarsunnad. 31 Geb agi, Jesús e-sapinganga sogded: âBelagwapa emi-mutik bemar angi bangudmaloed, ar ade, Bab-Dummad-Gardagi narmakar naid, sognaid: ‘Sibad-wawaad-edarbed an oburgoed, Geb agi sibad-wawaadmar bela duurmakdoed.’ ZacarÃas 13:7 32 Jesús sogdebalid: âGeb gannar-an-durgusad-sorba, bemar-idu Galileaʼse an naoed. 33 Pedro, abin-sogded: âBela begi bangudmalale, andi begi gwen banguosulid. 34 Jesús, Pedro-abin sogded: âNapira an bega soged, emi-mutik, gannir-namaked-iduar, ilapaa be an-osulogoed. 35 Pedro, abin-sogded: âAr an beba burgweye sogele, amba an be-osulogosulid. E-sapingan-baigan bela degibi sogdemarmogad. 36 Jesús e-sapinganmala GetsemanÃ-neg-nugadse nonimarsun. Agi Jesús e-sapinganga sogded: “Wegi bemar ambikumar, andi weba Bab-Dummadse gornagwelo." 37 Pedro, degi, Zebedeo-machimala-warbogwadbi eba sesagusad. Geb agi, Jesús na nue-wilegoedba nue-wile itoalid, degi, nue-surbinsa itoarbalid. 38 Geb degi, Jesús e-sapingan-walapaagwadga sogded: âAndi an ulubgi nue-bukib-itogedba sunna an burgwisar-itoleged. Wegi be ambikumar, nue atakmalo, Bab-Dummadse be gormalo. 39 Jesús sikwas nadgu, napagi asgun megdapid. Geb Bab-Dummadse-gotegu, sogded: “Baba, an-idu igar-buled naid, sunna be anga osulogena gadin. We-igar, ina-gagbid-gobedyob beedse an egi wilegoed. Degi-inigwele, melle be an-sogedba be imako. Unnila be-sogedbarbi be imako." 40 Geb degi, Jesús Bab-Dummadse-gorsiid-bergusgu, na e-sapinganse nonikid, daknonikid, bela gabmamai. Geb degi, Jesús Pedroʼga sogded: “¿Ar Babse-golega wachi-irgwensaar wis ataksii geg be gude? 41 Nue atak, Bab-Dummadse be gole, adi, isguedgi-wilubdakleged mer bemarse warmakegar. An wisi, Babse golega, bemar-burbadi guagwar gudiid. Bemar-sandi degisulid, nolloo gued." 42 Jesús gannar nadbargu, gannar Bab-Dummadse gotebalid, sogdebalid: “Baba, an-idu igar-buled naid, ina-gagbid gobedyob beedse an egi wilegoed. Geg be anga osulogele, igi-barsa. Degisoggu, be-sogedba be imaksun." 43 Jesús Bab-Dummadse-gorsiid bergusgu, gannar e-sapinganse-nonibargu, gabmamai daknonikid. Ar gabed nue egi obin itomalad. 44 Degi, Jesús e-sapingan-gabmamai obesad. Geb gannar nadbalid. Degi, ilapaagi Bab-Dummadse gotegu, gannar-idu-sogsadgii sogdebalid. 45 Geb degi, Jesús e-sapinganse gannar nonikid, ega sognonikid: “¿Amba be gabmamaide? ¿Amba be obunnomamaide? Emigindi, wachidi omossun. Ani Dule-Machi, an-oburgwemalaga, dulemar-isgudidimaladse darba uklesokarsun. 46 Degisoggu, be gwisgumarsun, namarsun. Be dakmar, dule-darba-an-uksokalidi bato anmar-walikgusad." 47 Jesús amba e-sapinganga sunmakgwichi, e-sapingan-warambe-gakabogwad-wargwen (12), Judasʼye-nugad, ese nonikid. Aba dule-irwa-Babse-gormalad-e-dummagan, degi, JudÃo-girmar-dummagan-neggwebur-sedimalad dulemar-bukidar barmiargusmalad. We-dulemar-bukidar es-suidyalaba, degi, suarmar annik-annik, Judasʼba duurmakdani gusmalad. 48 Judas Jesús-darba-ukoedi, dulemar-nonimalad-ebo igar-nabosad, ega sogsad: “An dule-e-wagar-uoed, an ega sogoedi, be nued sogeye, a-dule bemar gaoed." 49 Geb Judas yog Jesúsʼse naar imaksad, ega sogded: âOdurdaked-saila, ¿be nuedi? Geb degi, ei wagar usa imaksad. 50 Degi, Jesús, Judasʼga sogded: âGwenad, ¿ibiga be daniki? Geb degi, dulemar Jesúsʼse nonimalad. Geb Jesúsʼse achadmargu, Jesús-gasmarsunnad. 51 Ar e-sapin-wargwen Jesús-naba-gwichidi, es-suid-onosgu, dule-irwa-Babse-gormalad-bur-dummad-e-mai naibi imaksad. E-uaya ei siksad. 52 Geb degi, Jesús e-sapinga sogded: âBe es-suid e-uka-yaba be odo. Ar bela dulemar-es-suid-ebumaladi, es-suidgi burgoed. 53 Ar emisbinne, mili-miliba baliwiturmar anga barmidagega, ¿geg an-Babse an gor be ebinsasi? Ar an gotele, anga barmialiled. 54 Ar deyob gusale, degite, ¿igi Bab-Dummad-Gardagi narmakar-naidba bar gusarsunna? Ar a-Gardagi sognaid, an burgwergebye. 55 Geb agi, Jesús dulemarga sogded: â¿Ibiga bemar dule-isgana-ibmar-atursaedyob an-gadanimala? Emide, es-suidyalaba, suarmaryalaba, bemar an-gadanimalad. Bane-bane bemarba an gudigusad, Bab-Dummadse-goled-neggi dulemar-odurdakdii an gusad. Degite, agindi bemar gwen an-gassurmalad. 56 Ar emigindi, igar-maidbali, Bab-Dummad-gayaburba-barsogmalad-narmaksadba-guegala, deyob gunonikid. Degi, Jesús-sapingan Jesús-wargwen-mete, e-idu bela duurmakdemarsunnad. 57 Dulemar-Jesús-gasmaladi, dule-irwa-Bab-Dummadse-gormalad-bur-dummad, Caifásʼye-nugadse Jesús-sesmalad. Agi Garda-Narmaked-Dulemar, JudÃoʼmar-girmar-dummagan igar-itogega bukmalad. 58 Pedroʼdi bannabasaar Jesúsʼba nadapgusmogad, dule-irwa-Babse-gormalad-bur-dummad-neg-imbase warmakdapid. A-neg-imbase dogsagua, suar-ibedmar-abargi sigdapid, adi, dakega, igi Jesús-imakmalodibeye. 59 Dule-irwa-Babse-gormalad-e-dummagan, degi, bela JudÃo-dummagan-igar-nabiromalad, igar-aminanai guarmalad, igi-saele Jesúsʼgi yolemalodibeye, igi-yamo-gakansaale Jesús-oburgwemalodibeye. 60 Degite, ar bukidar yamo-gakansaar sunmaknonimar-inigwele, Jesús-nodiid gwen amissurgusmalad. Geb dule-warbo yamo-gakansaar-ibmar-soged nonimalad. 61 Dule-warbogwad weyob sognonimalad: âWe-dule weyob sunmaksad: ‘An sunna Bab-Dummadse-goled-neg-siid an earye, degi, ibapaagi sunna gannar an sobbarye.’ 62 Dule-irwa-Babse-gormalad-bur-dummad gwisgusgu, Jesúsʼga sogded: â¿Be dulemar-abin-imakosuli? Begi-sunmaknanaidgi, ¿igi be sogmosunna? 63 Ar Jesúsʼdi bipisaar gwen abin-imaksasulid. Geb degi, dule-irwa-Babse-gormalad-bur-dummad ega sogdesunnad: âBab-Dummad-Dula-Maid-nuggi an bega soged, anmarga be soge, ¿ar be Cristo, Bab-Dummad-Machi-sunnadi? 64 Jesús abin-sogded: âAr bede soged. A-uki an bega sogbalid, emigi ani Dule-Machi, Bab-Dummad-Bela-Gangued-Nikad-e-argan-nuedsik dule-dummadga an sii be an-dakmaloed, degine, nibneggi mogir-imbaba-daniki be an-dakmarbaloed. 65 Geb degi, dule-irwa-Babse-gormalad-bur-dummad e-mor na siir irmaksad, oyogegar, Jesús-degisogsad ede sae-itoye. Degine, geb dummaganga sogded: â¡Bab-Dummad-nuggi we, dodos! ¿Ar ibiga e-barsogmalad anmar bar abesunna? Ar bemar-sunnad, emiskwaa be itosmalad, we-Jesús Bab-Dummad-nuggi dodosad. 66 ¿Igi be itomarmosunna? Dummagan-igar-itobukmalad abin-imakdemargu, sogdemalad: âOburgwilegergebed. 67 Geb degi, dummagan Jesús-wagargi wiakdemalad, argan-olor sarsodmarbalid, degine, baigan wagargi Jesús-bibyodmarbalid. 68 Ega sogdemalad: âCristo, bela be ibmar-wissoggu, anmarga be soge, ¿doa be-bibyossunna? 69 Pedro neg-imbagi sii, bunagwa-mai-wargwen ese nonikid, ega sognonikid: âBe, Jesús-Galileaʼginedba gudii an be-daksamogad. 70 Pedro, bela dulemar-asabin osuloded, sogded: âAku an itoged, ibu be anga obare. 71 Pedro yawagakse-nadgu, bunagwa-baid Pedro-dakarbalid. A-bunagwa, dulemar-bukmaladga sogded: âWe-dule, Jesús-Nazaretʼginedba gudii an daksamogad. 72 Pedro gannar osulodbalid, sogded: âBab-Dummad-nuggi napira an bemarga soged: Andi, an we-dule-akudaked. 73 Degine, sikwas sanargusadgine, walik-bukmalad Pedroʼse-nonimargu, ega sogdemarmogad: âNapira an bega soged, be Jesús-sordamogad, ar be-sunmaked mag-itoleged, be a-sordamogad. 74 Geb degi, Pedro ukabsaar ibmar sokalid, degi sogdebalid: âBab-Dummad-nuggi napira an bemarga soged: Andi, an we-dule-akudaked. Geb degidgine, yog gannir namakaled. 75 Geb degi, Pedro ebinsaas naded, igi Jesús ega ibmar sogsa, “gannir-namaked-iduar, ilapaa be an-osulogoye.” Degi, Pedro magaba-nadgu, nue-ise-boar nadsunnad.