Kulawa 7

1 Mndewa Mulungu kamulongela Musaâ “Nikutenda weye uwe fana mulungu kwa mfalume wa Misiliâ sekulu wako Haluni kezalonga mbuli zako fana mulongaji wako. 2 Mulongele Haluni chila chinhu chonikulagilizeâ nayo kezamulongela mfalume wa Misili yawalekelele Waisilaili wasegele muna iisi yake. 3 Nizautenda moyo wa mfalume wa Misili uwe mdalaâ nizakongeza vilaguso vangu na mauzauza yangu muna iisi ya Misili, 4 mbali mfalume wa Misili hezakutegeleza bule. Maabaho nizagolosa mkono wangu uli na ludabwa na kuitagusa isi ya Misili na kuwalava wanhu wangu wa Isilaili kwa kuwatagusa ng’hani Wamisili. 5 Wamisili wezanimanya kuwa niye iyo Mndewa Mulunguâ lusita vondanilaguse udahi wangu na kuwalava Waisilaili muna iisi ya Misili." 6 Musa na Haluni watenda fana viya Mndewa Mulungu viyawalagilize. 7 Lusita luja viwamulongele mfalume wa Misili, Musa kakala na miyaka malongo manane na Haluni kakala na miyaka malongo manane na mitatu. 8 Mndewa Mulungu kawalongela Musa na Haluniâ 9 “Mfalume wa Misili yahalonga na mweye, ‘Ilaguseni kwa kutenda mauzauza,’ maabaho mulongele Haluni, ‘Sola mhome yako na ilagaze hasi haulongozi wa mfalume wa Misili, nayo izagaluka kuwa zoka.’ “ 10 Musa na Haluni wahita kwa mfalume wa Misili na kutenda fana viya Mndewa Mulungu viyawalagilize. Haluni kadilagaza hasi balati jake haulongozi ha mfalume wa Misili na wasang’hani wake, najo digaluka kuwa zoka. 11 Maabaho mfalume wa Misili kawatanga wanhu wake weli na ubala na wahawi wa Misiliâ nawo watenda fana ivo kwa uhawi wawo. 12 Chila munhu kadilagaza hasi balati jake, najo digaluka kuwa zoka. Mbali balati da Haluni diimela mibalati yawo. 13 Moyo wa mfalume wa Misili ukala ung’hali mdala, halondile kuwategeleza, fana Mndewa Mulungu viyalongile. 14 Maabaho Mndewa Mulungu kamulongela Musaâ “Moyo wa mfalume wa Misili mdala ng’hani, kolema kuwalekelela wanhu wahite. 15 Ivo hita ukaiting’hane na mfalume wa Misili imitondo lusita viyohita kuulwanda lwa Naili. Mgozele muingema ya ulwanda. Sola mhome yako ija yoigaluke kuwa zoka. 16 Maabaho mulongele mfalume wa Misiliâ Mndewa Mulunguâ Mulungu wa Waebulaniyaâ kanhuma kumwako. Kolonga, ‘Walekelele wanhu wangu wahiteâ muladi wakanitambikile kuichuwala. Mbali mbaka sambi weye kolema kutegeleza. 17 Lekamana Mndewa Mulungu kolonga kuwa kwa mbuli inoâ kwizanimanya kuwa niye iyo Mndewa Mulungu. Lola nizayatowa mazi yano yeli muulwanda lwa Naili kwa mhome ino inili nayo mumkono wanguâ nayo yezagaluka kuwa damu. 18 Somba weli muna ulwanda lwa Naili wezakufaâ lwanda lose lwizanung’ha vundo na Wamisili wezakwihilwa kung’wa mazi ya lwanda ulo.’" 19 Mndewa Mulungu kamulongela Musaâ “Mulongele Haluni yasole mhome yake na kwiigolosa uchanyha ya mazi ya Misili na uchanyha ya nyanda zose na makolongo yose na malamba yose na mazimbu yose, nayo yezakuwa damu. Isi yose izakuwa na damu, hata muna iviya vose va mbawo na mabwe." 20 Musa na Haluni watenda fana viya Mndewa Mulungu viyawalagilize. Haluni kenula uchanyha mhome yake haulongozi ha mfalume wa Misili na wasang’hani wake, kayatowa mazi ya lwanda Naili, nayo yose yagaluka kuwa damu. 21 Somba weli muulwanda wafaâ ulwanda lunung’ha vundoâ ivo Wamisili wapotwa kuyang’wa mazi ya lwanda ulo. Isi yose ya Misili imema damu. 22 Mbali wahawi wa Misili watenda vinhu fana ivo kwa uhawi wawoâ ivo moyo wa mfalume wa Misili ukala ung’hali mdala, na halondile kuwategeleza Musa na Haluniâ fana Mndewa Mulungu viyalongile. 23 Mfalume wa Misili kabwela ukaye yake, hata yano yalawilile hayagesile bule. 24 Wamisili wose wahimba mumgwazo wa lwanda lwa Naili muladi wapate mazi ya kung’waâ mana wapotwa kung’wa mazi ya lwanda lwa Naili. 25 Zifosa siku saba Mndewa Mulungu viyagaluse mazi ya lwanda lwa Naili.