Mahte 25
TWF1 Acunkäna, Khankhaw Pe cun nglamica xa, ami meiim jah ceh lü ca mbumki a na do khaia, citkie üng tängki ni.
2 â Mhma cun am cingcai u, akce mhma ta cingcaikie.
3 â Am cingcaikie cun ami meiim cehpüi u lü meitui um üng am ceheisih u.
4 â Acunsepi, akcinge cun ami meiim üng meitui a bea thea um üng meitui abe ceheisihkie.
5 â Ca mbumki am pha law nai se, ami van ngam u lü ipeikie.
6 â Mthan nglunga, â Ca mbumki law ve, law lü do law ua,â ti lü ngpyang kthai ngthang lawki.
7 â Nglamica he cun ami van xak law u lü ami mei ime jah pyaneikie.
8 â Am cingcaikie naw, â Akcinge üng nami meitui jah pe lawca ua, kami meiim thi law hlü veâ ami ti.
9 â Akcinge naw, â Kaa, keimi ja nangmia phäh meitui am khäk hlü ve. Cit lü namimäta phäh va khyäiei uaâ ami ti.
10 â Acunüng, meitui khyäi khai hea ami va ceh kâ um üng, ca mbumki law lü meitui taki he cun am atänga ca mbumnaka jah lutpüi lü ksawh ami khaih u.
11 â Acunkäna, nglamica kce he pi law hnga u lü, â Bawipa aw, Bawipa aw, lut law hnga vang ungâ ami ti.
12 â Ani naw, â Akcanga ka ning jah mthehki, nangmi am ning jah ksing nawngâ a ti.
13 â Ia kcün ja amhnüp üng Khyanga Capa law be khai ti, am nami ksingkia kya se, a na ngcüngceiei ua.
14 â Khankhaw Pe cun khyang mat kdunglawng hü khai naw a mpyae jah khü lü a khawhkhyeme jah mceisaki am tängki ni.
15 â Ami khyaihnak üng ngkäkia, mat üng ngui thawng mhma, mat üng thawng nghngih ja mat üng thawng at cima jah pe hüt lü kdung hüki.
16 â Thawng mhma yahki naw ta cit ktäi lü a ngui cun am kungpang hü lü thawng mhmaa a pungsak.
17 â Acukba bäa thawng nghngih yahki naw pi thawng nghngiha a pungsak.
18 â Cunüngpi, thawng mat yahki naw ta amahpa ngui cun cehpüi lü mdek kâ uma a va cümin.
19 â Khawvei angsawk käna ami mahpa law be lü a jah pet hüt nguia mawng a jah kthäh.
20 â Thawng mhma yahkia mpya naw ta a yaha ngui thawng mhma lawpüi lü, â Ka mahpa aw, thawng mhma na na pet hüt; tenga, thawng mhma ka yahsih niâ ti lü a msum be.
21 â Amahpa naw, â Daw ve, nang hin daw lü sitihkia mpya ni; apica üng na sitihkia kyase, kei naw khawhaha ka ning ap khai ni. Law lü na mahpaa dä ayüma jekyaiaâ a ti.
22 â Acunüng, thawng nghngih yahki pi law hnga lü a yaha ngui thawng nghngih lawpüi lü, â Ka mahpa aw, thawng nghngih na na pet hüt; tenga, thawng nghngih ka yahsih niâ a ti.
23 â Amahpa naw, â Daw ve, nang hin daw lü sitihkia mpya ni; apica üng na sitihkia kyase, kei naw khawhah ka ning ap khai ni. Law lü na mahpaa dä ayüma jekyaiaâ a ti.
24 â Thawng mat yahki pi law lü, â Ka mahpa aw, nang cun na khaki, am na sawnaka na atki, mci am na phuhnakaa pi na mcunkiâ ti ka ksingki.
25 â Acunakyase kyühei lü, ka va citki naw mdek kâ uma ka kâ uhin ni. Tenga, acuna mä se na ka bi bea,â a ti.
26 â Amahpa naw, â Nang mpya kse, mpya kdam! Am ka sawnaka ka atki, mci am ka phuhnaka ka mcunkiâ ti na ksingki am niki aw?
27 â Ka ngui cun ngui cümnak ima jah va kpuki se, ka law be üng ka ngui pung se ka yah be vai sü.
28 â Tuh ta, hina veia ngui la be lü ngui thawng xa taki üng pe ua.
29 â Isetiakyaküng, khawkän yah thei lü taki üng, a tak law dämdäm vaia pet sih vai. Cunüngpi, i pi am ta lü am sui theiki üng, a takca naküt huh be vai.
30 â Ia pi am ngmangnaka mpya, anghmüpnak, kpunga va xawt tawn hü ua. Acuia khuikha mpyensetnak am mnicui hakyet lü ve khai,â ti lü a jah mtheh.
31 â Khyanga Capa cun Sangpuxanga mäiha a khankhawngsä ngcime am atänga a law be üng, a Bawingawhnak üng ngaw khai.
32 â A maa, khyang mjü naküt ngcun law khaie. Acunüng toksäm naw a toe mee ksung üngkhyüh a jah mtaia kba khyang mjü naküt cun jah mtai law khai.
33 â Khyang ngsungpyune cun a khet da jah ta lü, akce he cun a kcawng da jah ta khai.
34 â Acunüng, Sangpuxang naw a khet da kae üng, â Law ua, ka pa naw dawkyanak am a ning jah kbe, khawmdek angtüi üngkhyüh nami phäha pyan päng Khankhaw Pe cen ka na ua.
35 â Ei ka cawi üng na na tumbeiki; tui ka xai üng tui na na peki; Khina ka kya üng pi na ima na na khin naki;
36 â Suisak kpuma ka ve üng, nami na msuimsaki; am ka phetyai üng, nami na msümcei büktengki; thawng ima ka ve üng pi, ka veia nami lawki he,â ti law khai.
37 â Khyang ngsungpyune naw, â Bawipa aw, itüh üng ei cawiki se ning hmu u lü, kami ning mbei ni? Itüh üng tui xaiki se tui kami ning tu ni?
38 â Itüh üng, khina kya lü, kami ning khinnak ni? Itüh üng suisak kpuma veki se, kami ning msuimsak ni?
39 â Itüh üng am phetyai lü thawng ima veki se, kami ning bükteng law ni? ami ti.
40 â Sangpuxang naw, â Akcanga ka ning jah mthehki, hina ka hnükläke üngka akdikca säiha khana nami bi naküt cun keia phäh nami bi ni,â ti law khai.
41 â Acunkäna, a kcawng da kae üng, â Pamhnama yünsenak khameikie aw, Khawyam ja a khankhawngsä hea phäha pyang mulaia ka venak üngkhyüh cit ua.
42 â Isetiüng, ei ka cawi üng, ei am na mbei uki; tui xai üng se, awk vai tui am na pe uki;
43 â Khina ka kyak üngpi am nami na khinaki; suisak kpuma ve üng se, am nami na msuimsaki; am ka phetyai lü thawng ima ka um üng pi, am nami na bükteng lawki.â
44 â Acunüng, amimi naw, â Bawipa aw, itüh üng ei cawi lü, tui ngaih lü, khina kya lü, akpuma na ve, am phetyai lü thawng ima veki se, ning hmu u lü, am kami ning kueiki ni?â ti law khaie.
45 â Sangpuxang naw, â Akcanga ka ning jah mthehki, hina akdikca kuei vai nami hai cun Kei nami na haia kyaki,â ti lü, jah msang be.
46 â Acunüng, acun he avan angsäia khuikhatnak mulaia cit u se, ngsungpyunkie ta angsäia xünnaka cit khaieâ a ti.