इब्रानियों 8

1 हिमी जो वात हामु कय रया छे उनमा छे सब छे मोटी वात यो छे कि आमरो ओसो डाहला पुजारा छे, जो सोरगदूत पर महामहिमन क सिंहासन क डासच्य कावे जाईन बठ्य छे। 2 आरू चुखलो स्थान आरू ओको सच्चे तम्बू क सेवक होया जिनाक काही मानुस ने नी, वरना पोरबु ने उबा कर्‍या छे। 3 काहकि हर एक डाहला पुजारा भेंट आरू बलिदान चढ़ावने क करता ठेराया जाता छे, इनीये कारण पाको छे कि इनीये पुजारा क साथे भी काही चढ़ावने क करता होय। 4 यदि वो धरती पर हुता तो कदी पुजारा नी हुता, अतरान करीन कि व्यवस्था क लारे भेंट चढ़ावने वावा तो छे। 5 वो सोरग मा की चीज क सारखो रूप आरू प्रतिबिम्ब की सेवा करता छे; जोसो जव मूसा तम्बू बनावने पर हुता, तो ओको यो चेतावनी मिवी, “देख जो नमूना तुखे बयड़ा पर देखाय गया हुता, अतरान करीन लारे सब काही बनावने।" 6 पर पुजारा छे बढ़ीन सेवा ईशु क मिवी काहकि वो आरू भी वारू वाचा क मध्यस्थ ठेराया, जो आरू वारू प्रतिज्ञा क सहारे बांधी गयी छे। 7 काहकि यदि वो पेहल वाचा निर्दोष होयती, तो दीसरी क करता मेखे नी हेर्‍या जाता। 8 पर वो उन पर दोष लागाड़ ने कयता छे, देखु, वो दाहडु आवतु छे कि हाव इस्राएल क लोगहन साथे, आरू यहूदा क घराना क नोवली वाचा बांधीस। 9 यो उना वाचा क समान नी होछे, जो हाव ने ओको बास दादा क साथे उना टेहाव बांधी होती, जव हाव इन्दरो हात धरीन इनुक मिस्र देश छे निकाव लाया; काहकि वो मारी वाचा पर स्थिर नी रावे, अतरान करीन हाव ने इन्दरी सुधि नी लेदी योही कयता छे। 10 पछु पोरबु कयता छे, कि जो वाचा हाव उन दाहड़ा क बाद इस्राएल क घराने क साथे बांधीस वो यो छे कि हाव आपसी व्यवस्था क इन्दरे मनो मा नाखीस, आरू ओको इन्दरा दिल पर लिखीस, आरू हाव इन्दरो यहोवा–भगवान ठेरायस आरू वो मारा मानसे ठेरायछे। 11 आरू हर एक आपसा देशवावा क आरू आपसा भाईस क यो शिक्षा नी देय, कि तु पोरबु क उळखने, काहकि नानी छे मोटी तक सब मखे जान लेछे। 12 काहकि हाव इन्दरो अन्याय क विषय मा दयावन्त होयछे, आरू इन्दरो पाप क पछु स्मरण नी करीस। 13 नोवली वाचा की स्थापना छे त्योने पेहलो वाचा क जुनली ठराय दिदा; आरू जो चीज जुनली आरू जीर्ण होय जाती छे ऐरो मिट जाने छाचो छे।