Yontu 101
SIM1 Tɑfiiti yontu. Kʋpɑntʋ nɑ tɑmpɑnɑ təŋʋɣʋ pə yontu kɛ mɑ yoo. Tɑcɑɑ nyɑɣɑ mɑ yoo-tɩ. 2 Mɑɑ kɑɑsɩ mɑ tɩ nɑ mpɑɑʋ kʋsiɣisuɣu. Pəlee kɛ́ n kɑ́ kɔɔ mɑ kiŋ? Mɑɑ tɔnɑ lotu kʋlʋmtʋ kɛ mɑ təyɑɣɑ tɑɑ. 3 Mɑ kɑɑ hɑ ɩsɑɣɑm kɛ mpɑɑʋ, mɑ tɑɑ kɑ́ kpɑɑkənɑ mpɑ pɑ kisiɣi pɑ Ɩsɔsɛɛlɛ tɔɣɔ. Pɑ Ɩsɔsɛɛlɛ ńtɛ́ tə kɑɑ mɑtənɑ-m. 4 Nyɑmlɛ ɩsɑɣɑlɛ kɑ́ hɑtələnɑ-m, mɑɑ cɑɑkɩ sɩ mɑ nɑ ɩsɑɣɑʋ tə́ kɑɑ pʋlʋ. 5 Mɑɑ wɑkəlɩ wei ɩ cɑkənɑ ɩ tɔɣɔntəlɛ kɛ mukɑɣɑ tɔ. Pəyele mɑɑ cɑɑkɩ kɑlɑmpɑɑnɩ tʋ. Nɑ wei ɩ lotu tɑɑ suwɑ pɔpɔtʋ tɔ. 6 Mɑɑ nyənɩ tɛtʋ tɑɑ kʋpɑmɑ tɔɔ kɛ́, nɑ pɑ́ cɑɣɑ mɑ kɔŋkɔŋ tɑɑ. Wei ɩ tɔŋ mpɑɑʋ kʋsiɣisuɣu tɑɑ tɔɣɔlɛ mɑ təmlɛ tʋ. 7 Wei ɩ hɑ ɩ təɣɩ ŋmɩɩləm tɑɑ tɔ ɩɩ cɑkɩ mɑ təyɑɣɑ tɑɑ. Wei ɩ looliɣi tɔ ɩ kɑɑ səŋ mɑ ɩsɛntɑɑ. 8 Pɑɑ tɑnɑŋ ŋku mɑɑ wɑkəlɩ tɛtʋ tɑɑ ɑsɑɣɑɑ tənɑɣɑ. Ḿpʋɣʋ mɑɑ kpiisinɑ Tɑcɑɑ ɩcɑtɛ tɑɑ kɛ́ mpɑ pɑ lɑkɩ ɩsɑɣɑtʋ tɔ.