Yontu 82

1 Asɑfɩ yontu nti tə wɛ yonyoolɑɑ nyʋɣʋ tʋ yontunɑɑ tɑɑ tɔɣɔlɔ. Ɩsɔ səŋɑ ɩ kotuɣu tɑɑ kɛ́ ɩsɔtɑɑ nyə́mɑ hɛkʋ nɑ ɩ́ hʋləɣɩ tɑmpɑnɑ təŋʋɣʋ. 2 Pəlee kɛ́ ɩ́ kɑ́ yele yəlɑɑ fɑɣɑsʋɣʋ kɛ hʋʋlɛ tɑɑ, nɑ tɑsəkəlɛ nyə́mɑ kɛ tɑmpɑnɑ hɑʋ? 3 Ɩ́ təŋ tɑmpɑnɑ kɛ ɩcɑm nɑ sulɑʋ pɑ tɔm tɑɑ. Nɑ ɩ́ hɑ kʋnyɔntɔɣɔlʋ nɑ kʋnyɔntʋ kɛ pɑ tɑmpɑnɑ. 4 Ɩ́ wɑɑsɩ ɩcɑm nɑ kʋnyɔntɔɣɔlʋ, ɩ́ fiti-wɛɣɛ ɑsɑɣɑɑ səkpɑŋ tɑɑ. 5 Amɑ ɩ́ tɑ nyɩ pʋlʋ, pəyele ɩɩ cɛkəɣənɑ pʋlʋ, səkpɛtʋɣʋ tɑɑ kɛ́ ɩ́ tɔŋ. Ɩlɛnɑ tɛtʋ kilɑ tənɑ seliɣi. 6 Mɑɑ tɔmɑɣɑ sɩ ɩ́ kɛ́ Ɩsɔ Sɔsɔ lʋlʋɣʋ nyə́mɑ. Hɑlɩ ɩ tɩɩ kɛ́ ɩsɔnɑɑ. 7 Pɑɑ nɑ mpʋ tɔ, ɩ́ kɑ́ sɩ kɛ́ ɩsɩɩ yəlɑɑ, nɑ ɩ́ hoti ɩsɩɩ pɑɑ ɑwulumpu wei. 8 Hɑɩ, Ɩsɔ kʋlɩ nɑ ń hʋʋnɑ ɑntulinyɑ. Mpi tɔ, n kɛ́ piitimnɑɑ tənɑ tʋ kɛ́.