ኢስያሳ 18

1 ቶጵያ ሻፋቱዋፐ ሄፍን ባጋና ደእያ ቀፈቱ ጊረትያ ቢታዉ አየ አና! 2 ሄ ጋዲ ኪተትያ አሳቱዋ ናይለ ሻፋ ቦላና ኪቴ፤ ቃይ ሾምቦቁዋ ዎልዎሉዋን ዎደ፥ ሃቱዋ ቦላናካ ኪቴ። ህንተኖ፥ ድርቢያ ኪተትያዋንቶ፥ እት አዱሳነ ሊቆ አሳኮ ቢተ፤ ማታይ ሃኩ ያይያ አሳኮ፥ ዎልቃማነ ጾንያ ካዉተ ግድያ፥ ሻፋይ ኡንቱንቱ ጋድያ ግዱዋን ሻኪደ ጎግያ ጋድያ አሳኮ ቢተ። 3 ህንተኖ፥ ሳኣን ደእያ ኡባ ገደ፥ ህንተኖ፥ ጋድያን ደእያዋንቶ፥ ደረቱዋ ቦላን ማላታይ ኤቂያ ዎደ፥ ህንተ በአና፤ ቃይ ማላካታይካ ፑነትያ ዎደ፥ ህንተ ስሳና። 4 አያዉ ጎፐ፥ መና ጎዳይ ታዉ ሀዋዳን ያጌዳ፤ “ሳአይ ሴታ ጋላሳ ግድያ ዎደ ከስያ ዎልቃማ ምሹዋዳን፥ ቃይ ካ ጫክያ አግናን ሆምቢያ ቃማን ሺቅያ ከተርሳዳን፥ ታን ጮኡ ጋደ፥ ታ ደእያ ሳኣፐ ዱገ ጼላና” ያጌዳ። 5 ካ ጫክያ ዎድያፐ ካሰ፥ ጪሻይ ኮለት ስምና፥ ዎይንያ አይፊ ቴርያ ዎደ፥ እ ጹንቂያ ባጫን አ ጼራ ጹንቂክቻና፤ ዳሽያ ማራ ዳሻካ እ ድጋና። 6 ኡንቱንቱ ኡባይካ ደርያ ሁጲያን ደእያ፥ ምያዋ ዎችያ ካፎቶነ ሳኣ ዶአቶ አታና፤ ምያዋ ዎችያ ካፎቱ ባልጉዋ፥ ሳኣ ዶአቱ ቦንያ ኡንቱንታ ሚደ ሻጫና። 7 ሄ ዎደ አዱሳነ ሊቆ አሳፐ፥ ማታይ ሃኩ ያይያ አሳፐ፥ ዎልቃማነ ጾንያ ካዉተፐ፥ ቃይ ሻፋይ ኡንቱንቱ ጋድያ ግዱዋን ሻኪደ ጎግያ ጋድያ አሳፐ፥ ኡባፐ ዎልቃማ መና ጎዳዉ እሞታይ ጽዮነ ደርያ፥ መና ጎዳ ሱንይ ደእያ ሳኣ ያና።