ይሁዳ ኪታ 1

1 ታን የሱስ ክርስቶሳ ቆማይ ይሁዳይ፥ ያቆባ እሻይ፥ ጾሳይ ጼሴዳዋንቶ፥ ጾሳይ አዉ ሲቅያዋንቶ፥ ቃይ የሱስ ክርስቶስ ናግያዋንቶ፥ ሀ ዳብዳቢያ ጻፋይ። 2 ማሮተይ፥ ሳሮተይነ ሲቆተይ ህንተናን ኩሞ። 3 ታ ሲቃቶ፥ ኑን እትፐ ሻክ አካና አቶተባ ህንተንቶ ጻፋናዉ ታን ዳሮ ዳቡርያ ዎደ፥ ጾሳይ ባረ ናናቶ ላኤናን እት ገደ እሜዳ አማኖ ህንተ ባጸታና ማላ፥ ህንተና ዞራደ ጻፋናዉ ኮሽያዋ አኬካድ። 4 አያዉ ጎፐ፥ ጾሳ ኤረና እት እት አሳቱ ኦንነ በኤናን ህንተ ግዶ ገሌድኖ። ሄዋንቱ ኑ ጾሳ አ ኬካተባ ኦድያ ኪታ ኢታ ቱናተዉ ጌላይ ታማርሲኖ፤ ኡንቱንቱ ኑ እት ካትያ፥ ኑ ጎዳ የሱስ ክርስቶሳ ኤሮኮ ያጊኖ፤ ቃይ ኡንቱንቱ ፕርዳ አካናዋ ጾሳ ማጻፋቱ ዳሮ ዎድያፐ ካሰ ኦዴድኖ። 5 ሽን ህንተ ሀ ኡባባ ኤርያዋ ግዶፐካ፥ ጎዳይ እስራኤልያ አሳ ግብጼ ጋድያፐ ዎት አሼደንቶነ ቃይ አማንቤናዋንታ ጉየፐ ዎት ይሴደንቶ፥ ታን ህንተና ሀሳይሳናዉ ኮያይ። 6 ቃይ ባረንቱ ደኢያሳ አጊደ፥ ባረንቶ እመቴዳ ካፖተ ናግቤና ኪታንቻቱ ፕርዳ አክያ ዎልቃማ ጋላሳይ ጋካናዉ ጾሳይ ኡንቱንታ ናግያሳን፥ ማፐ ጋርሳን መናዉ ቃች ዎ። 7 ሄዋዳን ሶዶማነ ጋሞራ ግያ ካታማቱዋንነ ኡንቱንቱ ሄራን ደእያ ካታማቱዋን ደእያ አሳይ ሄ ኪታንቻቱዋዳን ዎሹሜድኖነ ዎሹማናዉ ሎይ ካጄሌድኖ፤ ሄዋንቱ መና ታማን ኤጺደ፥ ሀራቶ ሌምሱዋ ግዴድኖ። 8 ሄዋዳን ቃይ ሄ አኩመትያ አሳቱ ባረንቱ አሳተ ቱንሲኖ፤ ጾሳ ጎዳተ ካኖ፤ ቦንቾ መታቱዋካ ቦሪኖ። 9 ሽን ኪታንቻቱዋ ካፑ ምካኤል ሙሴ አሃባ ጻላህያና ፓሉመቴዳ ዎደ፥ “ጎዳይ ኔና ሴሮ” ጌዳዋፐ አትን፥ ቦርያ ቃላን አ ቦላ ፕርዳናዉ ኮይቤና። 10 ሽን ሄ አሳቱ ባረዉ አኬከናባ ኡባ ቦሪኖ፤ ቃይ ኡንቱንቱ ዩሽ ቆፐና ዶአቱዋዳን፥ መታ ኤራተን ኤርያ የዋቱ ኡንቱንታ ይስያዋንታ። 11 ኡንቱንቶ አዬሮ! አያዉ ጎፐ፥ ኡንቱንቱ ቃዬል ሀመቴዳ ኦግያ ሀመቴድኖ። ሻሉዋ ድራዉ ጊደ፥ ባላም ኦዳዋ ማላ ባይዙዋ ኦድኖ። ቃይ ቆረ ግያ ብታኒ ማካሊደ ዬዳዋዳን፥ ኡንቱንቱካ ማካሊደ ዬድኖ። 12 ሄዋንቱ ሲቁዋን ሾቢያ ህንተ ምያሳን ህንተናና ያሽ ባይናን ምያ ዎደ፥ ቆሰቴዳ ቡዋ ማላ። ኡንቱንቱ ባረንቱ ጻላላ ናጊኖ። ኡንቱንቱ ጫርኩ አፍያ እራይ ባይና ሻርያ ማላ፤ ቃይ ኡንቱንቱ ቦንያን አይፍያ አይፈና፥ ጻጱዋና ሾደቲደ፥ ሙለካ መሌዳ ም ማላ። 13 ኡንቱንቱ ባረንቱ ፖኩዋ ገንና ሆሞትያ፥ ኢታ አባ ቤታ ማላ። ኡንቱንቱ፥ ጾሳይ፥ መናዉ ሳካና ማን ሳኣ ጊግስ ዎዳ ዩይያ ጾልንታቱዋ ማላ። 14 ሄኖክ አዳማፐ ዶምና፥ ላፑን የለታ ግድያዌ፥ ዳሮ ዎድያፐ ካሰ ኡንቱንቱዋ ትምቢትያ ኦዲደ፥ ሀዋዳን ያጌዳ፤ “አኬክተ፤ ጾሳ ኤረና ናጋራንቻ አሳቱ ኦዳ፥ ኢታ ኦሱዋ ኡባዉነ፥ ቃይ ጾሳ ኤረና ሄ ኢታ አሳቱ፥ ጾሳ ቦላ ሃሳዬዳ ኢታ ሃሳያ ኡባዉ፥ ጎዳይ ኡንቱንቱ ኡባ ቦላ ፕርዳናዉ፥ ባረ ጮራ ሻአ ጌሻቱዋና እትፐ ያና” ያጌዳ። 16 ሄ አሳቱ ኡባ ዎደ ዙዙሚኖነ ሀራቱዋ አማሳሊኖ፤ ቃይ ባረንቱ ኢታ አሙዋ ካሊኖ፤ ባረንቱ ሁጰዉ ጎአ ደማናዉ ሀራቱዋ ሳቢኖነ ባረንቱ ኮሻ ዎጋፐ አደ፥ ቁ ኦ ሃሳዪኖ። 17 ሽን ታ ሲቃቶ፥ ኑ ጎዳ የሱስ ክርስቶስ ኪቴዳዋንቱ ህንተንቶ በን ሃሳዬዳ ቃላ አኬክተ። 18 ኡንቱንቱ ህንተንቶ፥ “ዉርሰ ዎድያን፥ ባረንቶ ጾሳይ ባይናዋንቱ፥ ባረንቱ አሙዋ ካልያዋንቱ፥ ቃይ ህንተ ቦላ ቅሊጭያዋንቱ ያና” ያጌድኖ። 19 ሄዋንቱ አሳ ግዶን ሻኮተ መያዋንታነ፥ ባረንቱ ኢታ አሞ ሞደቴዳዋንታ፤ ቃይ ጌሻ አያናይ ባይናዋንታ። 20 ሽን ታ ሲቃቶ፥ ኡባፐ አያ ጌሻ አማኑዋን ህንተ ሁጲያ ኬጽተ፤ ቃይ ጌሻ አያና ዎልቃን ጾሳ ዎስተ። 21 ቃይ ኑ ጎዳይ የሱስ ክርስቶስ ባረ ማሮተን ህንተንቶ እማና መና ደኡዋ ናጊደ፥ ህንተ ሁጲያ ጾሳ ሲቁዋን ዎተ። 22 እት እት ስ ደእያ አሳቶ ቃረትተ። 23 እቱዋ እቱዋ ታማፐ ዳፍ ከሲደ አሽተ። ቃይ ሀራይ አቶ ኡንቱንቱ ኢታ አሙዋን ቱኔዳ ማዩዋ እጺደካ፥ እቶ እቶ ያሻተን ቃረትተ። 24 ህንተ ኩንደናዳን፥ ህንተና ናጋናዉነ ፖኩ ባይናዋንታ ኦደ፥ ባረ ቦንቹዋ ስን ዎልቃማ ናሸቻን ሺሻናዉ ዳንዳይያ ኑና አሽያ እት ጾሳዉ፥ ኑ ጎዳ የሱስ ክርስቶሳ ባጋና ቦንቹ፥ ግታተይ፥ ዎልቃይነ ማታይ፥ አዳ ዎደ ኡባፐነ ሀእነ መና ጋካናዉ ግዶ። አመንእ።