U̱r-Taku̱n 10

1 Tun-to̱ o̱ ogor-tu̱ ya’ag-u̱ Nuhu: She̱m, Ham, u̱ Jape̱t. Na mak-u̱t ya’ag-u̱ campa-ne̱ e̱ da-u̱ bu̱-mu̱ re̱-du̱ u-dak arke̱. 2 Yaag-u̱ campa-ne̱ Jape̱t e̱ o̱ye̱: Gomar, Mago̱g, Midiya, Jaban, Tubar, Meshek, u̱ Tiras. 3 Yaag-u̱ campa-ne̱ Gomar e̱ o̱ye̱: Asukenaz, Ripat, u̱ Togarma. 4 Yaag-u̱ campa-ne̱ Jaban e̱ o̱ye̱: Erisha, Tarshish, Kittim, u̱ Rodanin. 5 Ine̱ ya’ag-u̱ ne̱t-u̱t to̱ ne̱, e̱ rwu̱ne̱ du̱gu̱ ko̱-u̱r Jaban i o̱ u̱r-yu̱ u̱-kit m-sa. Yaag-u̱ e̱ shu̱’u̱t u̱t-ko̱, ko̱wan u̱du̱ e̱ rem-de̱, u̱ dak-u e̱ ne̱. 6 Yaag-u̱ campa-ne̱ Ham e̱ o̱ye̱: Kush, Masar, Put, u̱ Kan’ana. 7 Yaag-u̱ campa-ne̱ Kush e̱ o̱ye̱: Seba, Havira, Sabata, Raama, u̱ Sabateka. Yaag-u̱ campa-ne̱ Raama e̱ o̱ye̱: Sheba u̱ Dedan. 8 Kush wa mate̱ Nimro̱, wa o̱ye̱ ne̱t u̱r-taku̱n wu̱ shu̱’u̱te̱ u-ke̱g u̱du̱ m-gag u-dak. 9 Wa o̱ye̱ yu̱-shu̱ a u-sa ne̱ u̱-shu̱ Yawe; «O̱ wa-e̱ na zu̱t Nimro̱, wa o̱ yu̱-shu̱ a u-sa ne̱ u̱-shu̱ Yawe.» 10 Bo̱-tu̱ wu̱n taktu̱n u̱r-faru̱k to̱ o̱o̱ge̱ Babira, u̱ Ere̱k, Akat u̱ Karne̱ ne̱. Bo̱-u̱t to̱ u̱t-nas u̱t-be̱e̱t to̱ o̱ me̱ dak-u̱ Shinar. 11 Du̱gu̱ dak-u̱ o̱ wa aru̱k m-ha Asur, se̱ wa mu̱ bo̱-tu̱ Neneba, Rehobot-Ir, Kara-ne̱, 12 tu̱msu̱ Resen, u̱ o̱o̱ge̱ u̱-te̱k u̱ Neneba u̱ Kara-ne̱; o̱ o̱ye̱ bo̱-u yat-o̱. 13 Masar wa mate̱: Ruda-ne̱, Anama-ne̱, Rehabita-ne̱, u̱ Naputa-ne̱, 14 Patarus-ne̱, Kasaruhi-ne̱ (ku̱na Firistiya-ne̱ rwu̱tu̱n), u̱ Kapator-ne̱. 15 Kan’ana wa mate̱: Sidon, Sidon mat-du̱ u̱r-taku̱n wa, tu̱msu̱ u̱ He̱t-ne̱, 16 u̱ Jebusi-ne̱, u̱ Amoriya-ne̱, u̱ Giragashi-ne̱, 17 u̱ Hiwi-ne̱, u̱ Araki-ne̱, u̱ Sinite-ne̱, 18 u̱ Awadi-ne̱, u̱ Zemara-ne̱, u̱ Hamati-ne̱. Da-u̱ tase̱ ko̱-u̱r Kan’ana, se̱ e̱ bu̱ru̱g ko̱he̱ne̱. 19 Tu̱msu̱ bo̱r-su̱ Kan’ana teeg du̱gu̱ Sidon m-ha gas-u̱ Gerar m-te Gaza, tu̱msu̱ m-te bo̱-tu̱ So̱do̱m, u̱ Gomora, u̱ Adma, u̱ Zeboyim ne̱ (u̱t-mo̱r u̱ Rasha ne̱). 20 Tunto̱ o̱ye̱ ko̱-tu̱ ya’ag-u̱ campa-ne̱ ko̱-u̱r Ham, ko̱du̱he̱ ko̱-de̱ u̱ du̱ wa rem-de̱, tu̱msu̱ dak-u wa ne̱. 21 Na mak-tu̱ She̱m ya’ag-u̱ campa-ne̱, wu̱ o̱o̱ge̱ yu̱-wu̱ya Jape̱t. Tu̱msu̱ She̱m wa o̱o̱ge̱ u̱so-u̱ ko̱-u̱r Eber u̱r-be̱e̱t. 22 Yaag-u̱ campa-ne̱ She̱m e̱ o̱ye̱: Eram, Ashu̱r, Arpazad, Rud, u̱ Aram. 23 Yaag-u̱ Aram e̱ o̱ye̱: Uz, Hur, Geta, u̱ Mash. 24 Arpazad wa mate̱ Shera, Shera wa mate̱ Eber. 25 Eber wa mate̱ ya’ag-u̱ campa-ne̱ yu̱r, Wa gan na zu̱ wa Pereg, remu̱ u̱ da-u o̱ dak-u̱ mo̱te̱, du̱-dim-u̱ wa na zu̱ wa Jokta. 26 Jokta wa mate̱: Armodad, Sherep, Hazaramave̱t, Jera, 27 Hadoram, Uzar, Dikara, 28 O̱bar, Abimayer, Sheba, 29 Opir, Havira u̱ Jobab. Ayan-ne̱ o̱ye̱ ya’ag-u̱ ko̱-u̱r Jokta be̱e̱t. 30 Gas-u̱ dak-u̱ u̱n shu̱’u̱te̱ o̱ yu̱nge̱ du̱gu̱ Mesha m-ha Separ m-ha gas-u̱ ro̱r-tu̱ u-do̱m. 31 Tunto̱ o̱o̱ge̱ ko̱-tu̱ ya’ag-u̱ She̱m u̱ka ko̱-u̱t e̱ u̱ rem-u̱t e̱ ne̱, be-tu̱ u̱r-shu̱’u̱t-u̱ e̱ u̱ dak-u̱t e̱ ne̱. 32 Armo̱ ne̱ o̱ye̱ ko̱-du̱ ya’ag-u̱ Nuhu, du̱gu̱ taku̱n-u̱r e̱. Du̱gu̱-du̱ e̱ de̱ rem-tu̱ bu̱rge̱ u-dak u-be̱e̱t, da-u̱ bu̱-mu̱ re̱-du̱ u-dak arke̱.