Ninge 13

1 Nu luban hatikane um iau? Hunanges nu lik leh iau, nora Watong? Na haruat hunanges ing nu suhe no matmataan taam talur iau? 2 Na haruat hunanges bia iau ni haruburubu ma no nugu lilik, ma ta ira kaba bungbung no kaatigu na tapunuk? Na haruat hunanges ira nugu ebar diet na petlaar iau? 3 Nes iau ma nu taram iau, nora Watong, nugu God. Bul pukus no gungunuama ta ira matagu. Bia taie, iau ni kubaba na minaat. 4 No nugu ebar na tange, “Iau te petlaar ie,” ma ing diet malentakuane iau diet na guama bia iau puko. 5 Iesen iau nurnur tus tano num mangana harmarsai nong pa na haan talur iau. No kaatigu i kanakana tano num harhalon. 6 Iau ni inge tupas no Watong, kanong gate gil ra bilai tagu.