Ninge 54

1 God, halon iau ma no hinsaam. Hamines ma no num dadas bia iau pai gil tiga nironga. 2 God, hadade ira nugu sinasaring. Taram ira nianga mekai ra hagu. 3 Ira wasire diet tut na hinarubu ma iau. Ira ngangarina tunotuno ing diet malok ise God, diet silsilihe no nugu lon. 4 Tutun saakit bia God aie no nugu harharahut. No Watong aie nong i la hatur hadadas tar iau. 5 Waak tar no saksakena na tapukus gasien baal taar ta diet ing diet tange hagahe iau. Nu hatutun ing u te tange ma nu haliare diet. 6 Watong, tano nugu sinisip at, iau ni tar tiga hartabar ukaia ho ugu. Iau ni pirlat no hinsaam kanong i bilai. 7 Kanong warah, u te halangalanga iau sukun ira nugu tinirih bakut, ma ira matagu i te nes ira nugu ebar ing di bu bing diet.