1ካዎታ ማጻፋ 4

1 ካዎ ሶሎሞኔይ ኢስራኤሌ ቢታ ኡባ ቦላ ካዎቲዴስ። 2 ኢዚ ሹሚዳ ኣላፌቲ ሃይሳፌ ካሊ ጻፌቲዳይታ። ሳዶቄ ና ኣዛሪያሲ ቄሴ። 3 ሺሻ ናይቲ ኤሊሆሬፊናይኔ ኣካያይ ዋና ጻፌታ፤ ኣሂሉዴ ና ኢዮሳፊጼይ ታሪኬ ጻፌ፤ 4 ዮዳሄ ና ባናያይ ኦላ ጋዳዋ፤ ሳዶቄይኔ ኣቢያታሬይ ቄሴታ፤ 5 ናታኔ ና ኣዛሪያሲ ዴሬ ኣይሲዛይታስ ኣላፌ፤ ናታኔ ና ዛቡዴይ ቄሴኔ ካዎስ ማታ ዞራንቻ፤ 6 ኣሂሻሬይ ካዎ ኬ ኣላፌ፤ ኣቢዳ ና ኣዶኒራሚ ኡንኤቲዲ ዎልቃ ኦሶ ኦዛይታ ኣላፌ። 7 ቃሴ ሶሎሞኔስ ኢስራኤሌ ቢታ ኡባን ታማኔ ናምኡ ዴሬታ ኣይሲዛይቲ ዴቴስ፤ ኢስቲ ካዎሲኔ ካዎሶን ዲዛ ኣሳ ኡባስ ሚዛ ካ ሺሺዛይታ፤ ኢስቲ ታራን ታራን ላይ ጊዶን ኢሲ ኢሲ ኣጊናስ ጊዲዛ ካ ኤሄቴስ። 8 ኢስታ ሱንኔ ኢስታ ኣይሲዛ ዞኔቲ ሃይሳፌ ካሊዲ ጻፌቲዳ። ቤኒ-ሁሬይ ኤፍሬሜ ጌዜ ኣይሴስ። 9 ቤኒ-ዲቃሬይ ማቃጻ፥ ሻኣልቢሜ፥ ቤቲ-ሼሚሼኔ ኤሎኔኔ ቤቲ-ሃናኔ ዴሬታ ኣይሴስ። 10 ቤኒ-ሄሴዲ ኣሩቦቴ ዴሬን ዲዛ ሶኮኔ ሄፌሬ ዴሬ ኡባ ኣይሴስ። 11 ቤኒ-ኣቢናዳቢ ናፎቲ-ዶሬ ቢታ ኣይሴስ፤ ኢዚካ ሶሎሞኔ ናዮ ጻፊቲ ኣዚና። 12 ኣሂሉዴ ና ባኣናይ ታኢናኬኔ ማጊዶ ዴሬ፥ ጳርታኔፔ ዱጌ ቢዲ ኢዝራኤሌን ዲዛ ቤቲ-ሻኣኔ ጋካናስ፥ ሄፔካ ቢዲ ዮቂማኣሜ ፒኒዲ ኣቤሊ-ማሆሌ ዴሬ ጋካናስ ዲዛይሳ ኣይሴስ። 13 ቤኒ-ጌቤሪ ጋላኣዴን ዲዛ ኤራሞቴ ዴሬ፥ ጋላኣዴን ሚናሴ ና ያኢሬ ዴሬታ፥ ኢዛ ዩሾን ጊምቤኔ ጊምቤ ፔንጌታን ጻርቂማላ ቢራታ ኮላታቲ ዲዛ 60 ጊታ ካታማታኔ ባሳኔ ቢታን ዲዛ ኣርጎባ ዴሬ ኣይሴስ። 14 ኢዶ ና ኣሂናዳቢ ማሃናይሜ ዴሬ ኣይሴስ። 15 ኣሂማኣሲ ኒፍታሌሜ ዴሬ ኣይሴስ፤ ኢዚ ሶሎሞኔ ናዮ ባሴማቲ ኣዚና። 16 ሁሼ ና ባኣናይ ኣሴሬኔ ባኣሎቴ ዴሬ ኣይሴስ። 17 ፓሩሄ ና ኢዮሳፊጼይ ዪሳኮሬ ዴሬ ኣይሴስ። 18 ኤላ ና ሺምኤይ ቢኒያሜ ዴሬ ኣይሴስ። 19 ኡሬ ና ጌቤሪ ጋላኣዴ ቢታን ዲዛ ኣሞሬታ ካዎ ሲሆኔ ዴሬኔ ባሳኔ ካዎ ኣጌ ዴሬ ኣይሴስ። ሄ ዴሬታ ኡባ ኣይሲዛይታ ቦላ ኣላፌቴ ዲዛ ኢሲ ኣሲ ዴስ። 20 ዩሁዳ ኣሳ ቆዳይኔ ኢስራኤሌ ኣሳ ቆዳይ ኣባ ሻሚንታ ማላ ጮራቲዴስ፤ ኢስቲ ሚሼኔ ኡዪሼ ኡፋይሳን ዴኢዳ። 21 ሶሎሞኔይ ኤፊራጺሴ ሻፋፔ ዶሚዲ ፊሊስጼሜ ቢታ ጋካናስ፥ ሄሳፌካ ቦላራ ጊብጼ ዛዋ ጋካናስ ዲዛ ካዎቴታ ኡባ ሃሪዴስ፤ ሄ ቢታ ኣሳቲ ኢዛስ ጊራ ጊሪዳ፤ ኢስቲ ኢዚ ዲዛ ላይ ኡባን ኢዛስ ሃሬቲዳ። 22 ሶሎሞኔስ ሃች ሃች ቁማስ 50 ኮንታሌ ሙሩታ ሌ፥ 100 ኮንታሌ ሌ፥ 23 ኬቲዳ 10 ቦራታ፥ ዬዳ ሚዛ 20 ቦራታኔ 100 ዶርሳታ፥ ኢስታ ቦላካ ጮፎሾታ፥ ጋራታ፥ ጌኔሳታኔ ሎኦ ካፎታ ኮሼስ። 24 ሶሎሞኔይ ኤፊራጺሴ ሻፋፔ ኣርሼይ ዉሊዛ ባጋራ ዲዛ ካዎቴታ ኡባ ቲፊሳ ካታማፔ ዶሚዲ ጋዛ ካታማ ጋካናስ ሃሪዴስ፤ ባ ዩሾን ዲዛ ኡባ ዴሬታራካ ሳሮን ዴኢዴስ። 25 ሶሎሞኔይ ዴኢዳ ላይ ኡባን ዳኔፔ ቢዲ ቤርሳቤሄ ጋካናስ ዩሁዳ ኣሳይኔ ኢስራኤሌ ኣሳይ ኡባይ ባ ዎይኔ ቱራ ኩዋኒኔ ባ ኤ ኩዋን ዎፓን ኡቲዳ። 26 ሶሎሞኔስ ፓራ-ጋሬታ ጎቺዛ 40,000 ፓራቲኔ 12,000 ቶጋ ኣሳቲ ዴቴስ። 27 ሄ ዞኔታ ኣይሲዛይቲ ባና ጋኪዳ ኣጊናን ታራን ታራን ካዎ ሶሎሞኔሲኔ ኢዛ ማዳፌ ማናስ ዪዳ ኣሳስ ኡባስ ኣይኮካ ፓጪሶንታ ሺሼቴስ። 28 ቃሴካ ጋሬ ጎቺዛ ፓራቲኔ ሃንኮ ፓራቲ ባንጋኔ ሃርቆ ኤሂዲ ዎዛሶን ዎቴስ። 29 ጾሳይ ሶሎሞኔስ ኣ ኤራቴ፥ ኬሂ ጊታ ኣኬካኔ ዛዋይ ባይንዳ ኤራቴ ኢሚዴስ። 30 ሶሎሞኔስ ዲዛ ኣ ኤራቴይ ኣርሼይ ሞኪዛ ባጋራ ዲዛይታ ኣ ኤራቴፌኔ ጊብጼታስ ዲዛ ኣ ኤራቴ ኡባፌካ ኣ። 31 ኢዚ ኣሳ ኡባፌ ኣ ኤራንቻ፤ ቃሴ ኢዚ ኤዚራሄ ኣስ ኤታኔፔ፥ ማሆላ ናይታፔ ሄማኔፔ፥ ካልኮሌፔኔ ዳሪዳፔካ ኣ ኤራንቻ፤ ኢዛ ጎባቴ ኢዛ ዩሾን ዲዛ ካዎቴ ኡባን ሲዬቲዴስ። 32 ኢዚ 3,000 ሌሚሶታ ሃሳይዴስ፤ ቃሴካ 1,005 ዬታ ዬጺዴስ። 33 ሶሎሞኔይ ሊባኖሴ ዚጋፔ ቢዲ ኬ ጊምቤ ቦላ ሞኪዛ ሂሶጴ ሚ ጋካናስ ዲዛ ዶዛታ ጊሻስ ዮቲዴስ፤ ሄሳካ ሜሄታ፥ ዶኣታ፥ ካፎታ፥ ሳኣራ ጎሼቲዛ ሜቴታ ጊሻሲኔ ሞሌታ ጊሻስ ታማርሲዴስ። 34 ኢዛ ኣ ኤራቴ ሲዪዳ ሳኣ ካዎታ ኡባፌ ኪቴቲዳይቲ ኢዛ ኣ ኤራቴ ሲያናስ ዪዳ።