Salmos 82

1 Nhanderuete renonde ijapy okuapy ojeupegua kuery. Ha’e ramo tuuete kuery mbyte omboayvu oiny. 2 “Raka’e peve ‘rã tu ha’eve’ỹa rami peikuaa pota joe? Heko vai va’ea katy jepi ri ty peiko. 3 Ha’evea rami ete ‘rãgue peikuaa pota yvyĩgue’i ha’e tyre’ỹ re. Pepena porã ke ojexavai va’e ha’e oipytyvõ pyrã e’ỹ kuery re. 4 Peipytyvõ yvyĩgue’i ha’e iporiaukue’i, peraa jepe heko vai va’e po gui." 5 Ha’e kuery ma mba’eve ndoikuaai, neĩ ndoikuaa potai va’e, pytũ reia rupi ikuai. Ha’e ramo yvy yta omyĩmba. 6 Xee aipoa’e va’ekue: “Peẽ kuery ma tuuete, Yvate ete va’e ra’y kuery pendekuai”, ha’e va’ekue. 7 Ha’e rami teĩ avakue rami rive ‘rã pemano, pendekovea opa ‘rã huvixa kuery mboae rami. 8 Oreruete, epu’ã ke, eikuaa pota yvy regua kuery re. Mba’eta yvy regua ma ndevy guarã meme. Nhanderuete nhombopaga aguã re ojerurea ague Mboraeirã Asafe ombopara va’ekue.