Nɨawari 13

1 Yawé, ¿kepaukake pepɨnetsihaye’erieni? ¿Kepaukake pepɨnetsi’anu’enieni? 2 ¿Kepaukake nepɨka’uximatɨarieka meta ne’iyari pɨkanetsi’ukukuineni? ¿Kepaukake mɨnetsi’aye’unie pɨtihayewa neti’aitɨatɨ? 3 Yawé nekakaɨyari, keneneuxeiya keneneuta’eiya, keneneupitɨa neheuniereme kenenayeitɨa. Mɨpaɨ netukari nepɨkaheuyehɨani, 4 mɨpaɨ ‘ana mɨnetsi’aye’unie: «Nepe’iwaxɨ», pɨkatayɨni, pɨkayutemawiekari mɨkanetsi’atihɨanikɨ. 5 Ne ‘anaki’eriya mɨmariwetsie nepɨtiwiya, ne’iyari puyutemawie ‘awikweitsitɨarikakɨ. 6 Nepikwika nɨawari Yawé hetsiemieme. Yawé nehetsiemieme ‘aixɨa pɨtiuka’iyari.