Nɨawari 43

1 Kakaɨyari, ‘aixɨa ketineuyuri nehetsie. Nehetsie keneutanua ‘ikɨ nuiwari wahɨxie yuri memɨkate’erie, keneneutawikweitsitɨa teɨteri memɨte’itawa watsata meta ‘axamemɨte’u’iyari. 2 ‘Ekɨ pepɨnekakaɨyari meta nehetsie nunuwame pepɨhɨkɨ: ¿Titayari pekanera’eriwa? ¿Titayari netinehiwerieka? ¿Titayari netiuka’eniwani memɨnetsi’aye’unie wahetsiemieme? 3 ‘Ahekɨariya kenanɨ’a meta tita yuri pemɨraine, mɨkɨ ‘ahɨri mɨpatsietsie paitɨ kenetsi’uye’atɨani, mekenetsihewitɨni hakewa paitɨ pemeyeika. 4 Hikɨ nekaninuamɨkɨ ‘ahetsiemieme mawari taiyametsie, Kakaɨyari hetsɨa temawierika mayeneikakɨ, Kakaɨyari, muwa nekakaɨyari ‘aku kanarikɨ nekamenitanɨawamɨkɨ. 5 ¿Titayari yɨkɨ netinekɨhɨaweni? ¿Titayari netine’uximatɨaka? Matsi Kakaɨyari hetsie nepɨtiwiyani, meta nepinɨawani. Mɨkɨ pɨnetsiwikweitsitɨwame meta pɨnekakaɨyari.