Nɨawari 63

1 Kakaɨyari, ’ekɨ pepɨnekakaɨyari, ne yemekɨ nepɨmetsiwaune. Ne ‘iyari ‘akɨmana peuharimɨkɨ, yemekɨ nemetsiheuyehɨwa, kwie mɨwaki haa meuyehɨwa hepaɨ. 2 ‘Atukita nemetsihaxeiyawe ‘atɨrɨkariya meta kepemɨtimariwe nepuxei. 3 ‘Anaki’eriya ‘aixɨa matsi pɨ’ane keyuri tukari, ‘Ayumieme ne nepɨmetsinɨawani. 4 ‘Aixɨa nepaineni ‘ahepaɨtsita mexi’akuxi ne’uyeika, nepɨmetsihahɨaweni teikɨ nehemetɨ. 5 Ne’iyari ‘aixɨa pɨtika’erieni ‘ixɨararipa waɨkawa mɨratikwaiwa hepaɨ, waɨkawa yemekɨ nenetemawietɨ, nepɨmetsinɨawani. 6 Ne’utatsie ne’ukaitɨ nepɨmetsiha’eriwa, nepɨmetsiku’eriwa tɨkarikɨ. 7 ‘A’anate ’etɨriyayatɨa nepɨkwikani, ’ekɨtsɨ netsiparewiwame pekanihɨkɨtɨni. 8 Ne’iyari yuheyemekɨ ‘ahetsie pɨtiwiya, ‘amamá ‘atserieta mieme pɨnetsikuhana. 9 Kemɨ’ane memɨnetsimieku mepɨka’unarieni, kwieta meukatewatsie mepɨkayune. 10 ‘Ixiparakɨ mepɨkwi’iwa yawixi memayu’eririya mepɨwatikwani. 11 Ti’aitame Kakaɨyari hetsiemieme puyutemawieka, yunaitɨ kemɨ’ane Kakaɨyari memahɨawe mepitanɨawa, peru memɨte’itawa kayuwatɨ mepɨpitɨarieni.