इब्रानियो 1

¹ पहले को जमाने म परमेस्वर न बापदादा से थोडो थोडो कर ख अर भाँति-भाँति से भविस्यवक्ता हुन को व्दारा बात करी,

² इ आखरी दिन म ओ न हम से पोरिया को दुवारा बात करी, जिन ख उन न सब चीज को वारिस रखयो अर ओको दुवारा ओ ना सब दुनिया ख ओ न रची हैं।

³ यु पोरिया परमेस्वर कि महिमा वह उन की महिमा को उजाला अर उन को तत्व को छाप हैं, अर सब चीज अपनी सक्ति को वचन से संभालयो हैं। उ पाप ख धो ख ऊँचो जगह पर महामहिम परमेस्वर ख जेनो तरफ जा ख बठयो;

⁴ अर ओको पद स्वर्गदूत से उंचो ठहरो; काहेकि जे नाम ओ ख उत्तराधिकार म मिल्यो हैं, उ ओको नाम से कही गुना बडो हैं।

⁵ काहेकि परमेस्वर न कभी कोई स्वर्गदूत से यहाँ कहयो, “तु मोरो पोरिया आय, आज मी न तो ख पैदा कियो हैं” अऊर मी ओको लाने बाप बन जाऊँगो, अऊर उ मोरो पोरिया होगा?

⁶ अर जब सबसे पहले पोरिया की दुनिया म फिर लावा हैं ते कवह हैं, “परमेस्वर को पुरो स्वर्गदूत हुन ओ ख दण्डवत करहे।”

⁷ अर स्वर्गदूत को बारे म यू कहवा हैं, “वह अपना दुत हुन ख हवा, अर अपना सेवक ख धधक्ती आगी बनावा हैं।”

⁸ कि अपनो पोरिया को बारे म कहव हैं, “हे परमेस्वर तोरो सिंहासन हमेसा हमेसा तक रय्हे: तोरो राज को राजदण्ड न्याव को राजदण्ड आय।

⁹ तू न धरम से प्यार रखयो अर अधर्म से दुसमनी रखी; एकोलाने हे परमेस्वर, तोरो परमेस्वर न, तोरो संगी हुन से बड ख, हर्सरुपी तेल से तोरो अभिसेक करयो।”

¹⁰ अऊर ओ न याहा भी कहयो “हे प्रभु, आदि म तू न जमीन की नीव डाली, अर स्वर्ग तोरो हात की बनावट आय।

¹¹ वी तो खत्म हो जाये, पर तू बन्यो रय्हे; अर वी सब कपड़ा को समान पुराना हो जाहे,

¹² अर तू उन ख चादर को समान लपेटेगो, अर वी कपड़ा को समान बदल जाहे: पर तू बदलेगो नी, अर तोरो साल कभी खत्म नी होवन को।”

¹³ परमेस्वर न कभी कोई स्वर्ग दूत हुन से असो नी कहयो, “तू मोरो जेवनो तरफ बठ, जब लक कि मी तोरा दुसमन ख तोरा पाय को नीचे की पीढ़ी नी कर दूँ?”

¹⁴ का वी सब सेवा टहल करन वाली आत्मा नी, जो उध्दार पावन वाला को लाने सेवा करन ख भेजी जावह हैं।