MANA LOYANE 7
PNG1 Mosesehanda laabo halu lalu, Anduane Homogo inanaga Ngode Datagaliwabe ibugua tà dindi áyu pole kamigoriani haru pialu howa hameigini tara tara dindi ogoriani padaru bo waratagi hai holebira. Tà pialu dindi ogoriani anda poramigola agali tà ale ndo hameigini karia timbuni hongoheru dindi ogoniha padago bo batagi hai holebira. Hameigini hongohe uru Hidiru Gigasaru Amoraru Kenanaru Pereseru Hibiru Yabusuru uruni paligi bida. 2 Anduane Homogo inanaga Ngode Datagaliwabe ibugua hameigini uruni bope halimulo henge ngirangi tÃgua hameigini o biaru homelo bo wahai halimu. TÃgua hameigini uruni dara halu wai palimi̱ya lalu bi mbira nalalimu. 3 Ani bialu hameigini uruni baba wali dabu bu pu Ãbu nabilimu. 4 Wali dabu bu pu Ãbu birimiyagua tigua tà waneiginiru dama mitangi bialu gime wabini ngaruhondo bi pupu wima pialu Anduane Homogo yu wahalu polebiragonaga laro. Nabilimu larogoni tÃnaga waneiginirume bialu hayagua nde Anduane Homogohanda tÃhondo keba timbuni halu abaleore tà mo ko hai holebira. 5 Ani buligo tÃgua wali agali uruni ti heba mandagi nahe howa tinaga bi pupu wiaga damene ngaruni bo haeala bagabu wahai halimu. Tinaga lomabu delaga dabu bu karu bo haeala baga bialu anda gene ege to̱le̱me wabu helene karu bo gindulobaga bialu gene irame wabu helene karu dibu gindulobaga bialu tinaga dama mitangi bialu gime wabini mini Asera laga wabu heledaru dambialu irani delalimu. 6 Tà Anduane Homogo inanaga Ngode Datagaliwabe ibunaga hanguore hene kamigo manda bialu anidagua bilimu. Dindi tara tara ngaruha hameigini bu karu helowa tà hanguore ibuninaga wali agali halimulo dabo heledagoni. 7 Tà wali agali dewaore hameigini maru karu bolanguahe hemiria ndo Anduane Homogo ibugua tà gubalini howa dabayagoni. Tà hameigini emene koore hemiria dabayagoni ndobe. 8 Anigo Anduane Homogo ibunime tÃore gubalini timbuni howa bi abale ina mamaliruhondo bulebero lalu lowiniyago lola helonaga dabene. Ani buwa ibuninaga hongo timbuni kagome tà Iyibi dindiha garabaya biabe ale bialu hemiangi Iyibi kini kagonaga giha howa gingila mialu mo wiyagoni. 9 Ai nde tÃgua mbirale uruni mitangi bialu Anduane Homogo inanaga Ngode Datagaliwabe ibuni hanguore Ngode Datagaliwabe henene howa mini bilinahe kagoni. Horo bibahendengi ibunime bi ledago biai hagaore kago tihondo bulebero lalu bi bamba lowiyaruni henene biaiore holebira. Wali agali dewaore dindi bibahendeha karume ibu gubalini howa ibunaga bi mana hale halu biai hararuhondo ibunaga gubalini holene walia holebira. 10 Anigo ibugua wali agali marume ibu handabe manga haga karuhondo pani nelo abale mulebira. 11 Ani bulebirago tÃgua ibunaga bi mana lowini ngarubi i̱na áyu bi mana langirurunibi bibahende baya hangu mo tene howa bialu halimu, lalu Mosesehanda lene. 12 Mosese ibugua lalu, TÃgua bi mana uruni hale howa ledadagua bialu harimiyagua Anduane Homogo inanaga Ngode Datagaliwabe ibuguabi nde bulebero lalu habo nalolene bi lowiyadagua bialu ibunaga gubalini holene tiha wiaabo helolebira. 13 Ibugua tà gubaliniore halu mo turu haragola tÃnaga waneigini dewaore halu damebi timbuniore holeberemi. TÃnaga mabu ngamirubi mo bayale haragola tà mabuha widirubi waini iba timbuni berelo gerebi linirubi olibe linirubi dewaore holebira. Ibugua tÃnaga nogo sibiru bulumagaru karume igini dewaore wuyu helolebira. Bamba tÃnaga mamaliruhondo habo nalolene bi lowialu dindi ogoni tà ngulebero layagoha pu kamingi ibugua bayale uruni bibahende tà ngiaiore holebira. 14 Anduane Homogo ibugua tÃhondo mbirale uruni ngulubadadagua dindi maru ngaruha wali agali maru karuhondo mbira namulebira. TÃnaga wali bedaru aria mbirabi dalo wali nabirulebirago tÃnaga nogo sibi bulumagaru angibuni karuni aria mbirabi pudu naholebiraore. 15 Anduane Homogo ibunime ti baya hangu handayaho haabo kagola tÃha warago tara tara ngaru naanda ibulebira. Ani bialu warago koore Iyibi dindini hondo hemiria ibilayadagua tÃha nde naibilelolebira laro. Anigo tÃnaga waitigi bu karuha warago koore uruni ibilaga bulebira. 16 TÃgua wali agali Anduane Homogo inanaga Ngode Datagaliwabe ibugua tÃnaga giha minu ya haga biraruni daraha dai nabi bibahendeore bo wahai halimu. Ani buwa tinaga dama mitangi bialu gime wabini ngaruhondo bi pupu nawilimu. Ani wialu harimiyagua tà homoleberemi. 17 TÃgua wali agali uruni timbu dewaore tà kamigobi ndodane handalu uruni bo batagi habe nahedalo mitangi nabilimu. 18 TÃgua urunihondo gi nahe elahe howa Anduane Homogo ibugua Iyibinaga kini heago heba ibunaga wali agali hearuhondo ala biyagoni mitangibu dai bilimu. 19 Iyibi dindini warago ko tara tara tagira ibiyane tÃni deme handarimiruni mitangibu dai bilimu. Anduane Homogo inanaga Ngode Datagaliwabe ibugua agalime nabiagane ale biyarubi mitangi budai bilimu. Anduane Homogohanda tà gi mialu haru dai bule biabe timbuni Iyibi dindini biyarubi mitangi budai bilimu. Ãyu tÃgua wali agali hondowa gi halu kamirunibi ibugua o biyarunidagua dege ti mo ko howaore bolebira. 20 Ani barago handalu maru ibida puwa ha do hayagua Ngode Datagaliwabe ibugua ti ha do kagoha moneme ti hayilo pelaragola urunime hayalu home lolebira. 21 Ani bulebirago tÃgua gi nahalimu. Irane Anduane Homogo ibuni tà baba mandagi haabo kamigoni. Ibunaga hongo holene timbuniore hondowa wali agali bibahendeme ibuhondo gi timbuni hai holene nga. 22 Tà hapara halu kawareore pugu beramigola Anduane Homogo ibunime wali agali uruni hendore hendore waratagi haga bulebira. TÃgua wali agali uruni áyu dege abale bo haeala hole nabuleberemi. Abale pialu bo wahai harimiyagua nde gabua ema bialu piaga tara tara agali homene tingini ngaru nagane bedaru ti bira timbu halu urunime tà bo nolebira. 23 Anduane Homogo ibunime tÃnaga waitigiru baba wai bialu ti bope halimulo hongo karulape ngulebira. Ani bialu tÃnaga waitigiruha gi holene mo wia haragola ti giho kaore dege tÃgua pialu bo wahai halimulo helolebira. 24 Anidagua bialu uruni tinaga kini karu minu yalu ibalu tÃnaga giha minu ya holebira. Anidagua biragola tÃgua kini uruni homelo bo waharamigola mani holebirarume kini uruni abogo ogoria hene lolene nawulebira. TÃgua uruni bialu kamigola nabibe lalu hapai holene mbirali naholebira. TÃgua pialu bibahendeore bo wahai holeberemi. 25 Tinaga dama mitangi bialu gime wabini ngaru bibahendeore irani mo delai halimu. Mbirale dama mitangi bialu gime wabini uruni mo yári bia hene ngolo siliba ngaru minime dimagoli halu mo yabi nabilimu. Uruni mo ya nabilimu larogoni irane Anduane Homogohanda dama mitangi bialu gime wabini ngaru turu nahagaore kagoni. Ai tÃgua mbirale uruni mo yu kamiria tÃni homoligonaga mo ya nabilimu lalu langero. 26 Mbirale dama mitangi bialu gime wabini uruni aria mbira tà andagaha mo yalu anda polene nawiore. Ngode Datagaliwabe ibugua lalu, Mbirale uruni mo ko hai holene nga, laya. Ai tÃgua mo yalu pirimiyagua nde ti heba mo ko holene wulebirago nayalu pilimu laro. Mbirale dama mitangi bialu gime wabini uruni ko ngubiore ngago manda bialu tÃgua uruni erembira mialu halimu, lalu Mosesehanda lene.