HIBURU 12
PNG1 Anigo wali agali bibahende mini mbiraore wu henedarunime biyadagua iname nde buluma̱ya manane walia ho nga. Irane ogoninaga mbirale bibahende inani ngarubi ko inani para ho ngarubi wahai halu iname gerai lolene ngagoria wiape kagola hibu lalu mali̱ya. 2 Ani pialu howa iname mini mbiraore wulene tenialubi wu maro bialubi Yasuha mini hana ho kamago ibuni handaya ho yalu puabo hami̱ya. Ibugua ira bangani homolene manga halu wa nahe pene. Irane ogoni maha turu holene yu holebiragonaga ibugua taga nahe ira bangani homayagome áyu Ngode Datagaliwabenaga haru howa biraganeni gi tigahayagi pu beda. 3 Anigo ibu tandaga nama piyagobi ko biaga hearume ibu handabe manga hayagobi mitangi bilimu. Yasu ibugua ani biyago mitangi buwa tà tÃnime mo genda halu wahalu pu nabilimu. 4 TÃgua ko ngaru baba wai hongo howa bialu kamigo tà mbiraligo bo home nale kami. 5 Ngode Datagaliwabehanda tà ibunaga waneigini howa elahe halimulo bi mo hongo holene tÃhondo larago embeda ho kamibe. Bi larago ogo, I̱ igini-o Anduane Homogohanda ÃÌ mo tiga biragola bayuwa hale ho habe. Ani bialu ibugua ÃÌ taliragola miniha genda nahabe. 6 Irane Anduane Homogo ibugua gubalini hararu bibahendehondo mo tiga biaga ka. Ibugua bibahende ibu waneigini kagola mana laga, lalu gilibu nga. 7 Ãyu tandaga nalu kamigo abame baragola tandaga nagadagua nalu kami. TÃgua tandaga nalu kamigoni Ngode Datagaliwabehanda tà ibunaga waneigini kami lalu walia haga. Igini ibu abahanda mana nalaga mbira kabe. 8 Ngode Datagaliwabe ibugua ibu waneigini bibahende mana lalu bagadagua tà maru nabe kayagua tà ibu waneigini heneneore ndo aba nahe hono wahene ale kami. 9 Ai ina aba dindini hene karu tigua ina mana laragola iname ti mitangi bu haramali. Ani mitangi harimadagua ina dinininaga Aba daliga kagohondo mitangi timbuniore bialu ibunaga andaneha holene nga ndobe. 10 Ina aba dindini hene karu tigua ina mo tiga bulene manda biyadagua tigi mbira dege baga biaga. Ani binigo Ngode Datagaliwabe ibugua inanenaga koyane ibuni baya burugule kagoha mandagi ha tago ho holoma̱yanaga mo tiga biaga ka. 11 Ibugua ina mana lalu barangi ina turu nahe keba dege dindi ho harima. Ani birimago maha mana lalu ogonidagua mo mini wia hene karu tigua mana tigabi biaganaga mo palia holene yu haga ka. 12 Irane ogoninaga tÃgua gi hi ho kamiru yaraga ho halu ge duli diri durulo kamiru mo hongo halu hadaba. 13 Ani bialu ge kohe kamiru ko ha timbu nahe dabi helo tÃgua hariga tigabini pialu haabo halimu. 14 Tigua mo palia holene yu howa wali agali karu baba ta nabi mandagi halimu. Holene baya burugule mbiralime nayi howa Anduane Homogo nahondolebirago tÃgua holene ogoni yu howa bialu hole lowa halimu. 15 Ani howa Ngode Datagaliwabehanda biamogo bulene nawi howa biamogo bia harago yu wahalu dai buligo mamage ho halimu. Datani ko kaubi mbira anda ho kaligo ogoninaga kaume mo kau bia hagadagua tà kamiru aria mbirali ogonibi holigo de hondo halimu. 16 Ani bialu tà mbiraligo wali kayu yagabi Ngode Datagaliwabenaga ngaru yo handagabi holigo de hondo halimu. Isohanda ogonidagua buwa tomo halu mbira hangu nole lowa ibu igini wahene howa aba pani ha aribia holene wiagome yolo bini. 17 Iso ibu maha ibu abanaga mo turu holene mo yua hayago tÃgua manda bidamigoni. Ani binidagoni irane ibugua biyago mbira balalu dai bule dugu bialu tai bia biyagolabi Ngode Datagaliwabehanda ibu yu wahenegome henge handa walia nahe hene. 18 Isaraele wali agali Hari Sainai weagoha Ãbu heagola Ngode Datagaliwabehanda biyagodagua tÃhondobi nde bilo naibirimi. Isaraele wali agalime Hari Sainaini Ãbu howa ira hungu biyagobi aruma hayagobi hari biagoria mindi timbuni biyagobi puyabu hongohe u e layagobi 19 mbelo biguli be̱be̱ layuagobi mbiralime bi layuagobi uruni bibahende ti manda biai hene. Mbiralime bi o layuago tigua hale halu lalu, Bi mende inahondo nale waha, lene. 20 Ani lenego irane bime bilimu layuago ogo, Wali agalimebi nogo biangomebi mbiragome hari ogo ela hayagua homelo ege to̱le̱me balimu, layagola hale halu tigua gi howa, Bi nale waha, lene. 21 O handayago handalu mogoleoreyagola Mosesehanda lalu, I̱ diri durulalu gi taraore ho ko, lene. 22 TÃgua ibirimigo uruni hondole ibirimi ndo. Tà Hari Saiono Ngode Datagaliwabe holenehe kagonaga tano dahuliyanaga Yarusaleme dahuliyali daosini au lolebe tobahe kagoriabi ibirimi. 23 Ngode Datagaliwabe waneigini wahene mini dahuliya andagani gilibuwi karu turu halu mo mogo bu kagoriabi tÃbi ibu waneigini wahene dege howa Ãbu kami. Ani bialu tà wali agali bibahende daba ki holene Ngode Datagaliwabe kagoriabi wali agali ala bayale halu homayarunaga dinini mo baya burugule heleneru kagoriabi ibirimi. 24 TÃgua habo nalolene bi gahengenaga dombegua Yasu kagoriabi ibunaga darama tindi tandalo ba hene ngagoriabi ibirimi. Darama ogoni Abelenaga darama ale ndo Yasunaga darama hongohe taraore ko domo wahai haga nga. 25 Ani bidago ibugua bi lararu tÃgua hale habe manga nahe bayuwa hale halimu. Mbirali dindini howa bi mana lamiyago hale habe manga hayaru ti yo pialu napene. Ani binigo Ngode Datagaliwabehanda dahuliya andagaha howa bi langirago hale howa iname mo waharimayagua yo pialu polene henge nawialu nawuleore bira. 26 Ala Ngode Datagaliwabenaga bi layangi layadagonime dindi bibahende mo imi ema biai hene. Ai áyubi ibugua lowialu lalu, I̱na halu mende mo imi ema bialu dindi hangu ndo hari daligahabi heba mo imi ema biaore holebero, lene. 27 Ibugua, Halu mende, lenego bibahende wabini ngaru imi ema bilalu mo waholebiragonaga tigatiga walia ho nga. Ani bulebirago irane mbirale bibahende mo imi ema bibe nahe ngaru wiaabo helonaga ani lene. 28 Anigo Ngode Datagaliwabe ibugua Handame Ho Kago mo imi ema nabibehe ngago yama pialu haramagonaga iname ibuhondo ka̱i̱ lalu hami̱ya. Ani buleberamago irane inanaga Ngode Datagaliwabe ibu ira dalu do au lagane kago mitangi bialu ibu turu helo iname ibu mo dunini helalu gi holenemebi mogo lolenemebi ibunaga mini yaraga halu lotu lalu hami̱ya.