DAGALENE 15
PNG1 Anduane Homogohanda Mosese lamialu, 2 ÃÌ na Isaraele wali agali bu karuhondo bi ogo lamibe. Dindi i̱na tà nguleberogoha pu howabi dindi ogoniha pialu baya hangu ho dungulo howabi 3 tÃgua i̱nihondo mbirale lomabu ngule manda bialu nogo bulumagayaguabi sibiyaguabi memeyaguabi tÃni nogoore henedago loma bialu bo ngilimu. Ani bialu loma uruni irani dai helo bo deloleyaguabi tÃnime lomabu ngule lalu lo winidagua lomabu nguleyaguabi lotu lolene horo timbuni tagira ibiragola nguleyaguabi tÃni hameme lomabu nguleyaguabi tÃni manda bidamidagua ngigi bilimu. TÃgua loma bayale uruni bu ngigi beremigonaga nga bayale birago hondowa i̱na turu ho haruli. 4 Agali mbirame nogo sibi memeyaguabi mbirago i̱hondo loma bialu irani dai helo bo delole yalu ibiyagua nde balawa bayaleore genda magi kilogarama mbirago olibe lininaga weli be mbira agima balawaha odo biamaga howa lomabu delole yalu ibulene nga. 5 Ani bialu waini iba be mbira agimabi nogo sibi memeyaguabi mbirago heba lomabu bo delalu delamaga holene nga. 6 TÃgua nogo sibi wangabe lomabu bo deloleyagua nde balawa genda magi kilogarama kira olibe lininaga weli be mbirani mende gombedene heba odo biamaga howa lomabu delolene nga. 7 Ani bialu waini iba be mbirani mende gombedene heba nogo sibi wangabe biagobi lomabu delolene nga. Anduane Homogo i̱na loma baya ogonibi bu delaragonaga nga bayale birago hondowa turu ho haruli. 8 Agali mbirame nogo bulumaga wangabe mbira irani dai helo lomabu bo deloleyaguabi ibugua lomabu delole lalu lowinigonaga deloleyaguabi Anduane Homogo i̱nila ho gimbu bulenenaga lomabu deloleyaguabi 9 nde ibugua balawa genda magi kilogarama tebira olibe lininaga weli be kira odo biamaga hene biagobi heba loma bialu ngulene nga. 10 Ani bialu waini ibabi be kira hambu yu ibalu nogo bulumaga wangabe biago heba lomabu ngulene nga. I̱ Anduane Homogo kogo i̱na loma bayale urunime tumutumu birago nga halu turu haruli. 11 TÃgua balawabi olibe lininaga welibi gerebi lininaga ibane wainibi i̱hondo lomabu ngeremigo heba nogo bulumaga wangabeyaguabi sibi wangabeyaguabi sibi iginiyaguabi meme iginiyaguabi manda bidamidagua i̱nihondo lomabu ngulene nga. 12 TÃgua nogo bulumaga kira tebirayaguabi loma bialu delarimiyagua nde balawabi olibe lininaga welibi waini ibabi nogo mbira mbira heba delolene karulape ngadagua loma bialu delalimu. 13 Isaraeleali tÃgua loma bayale ngabi Anduane Homogo i̱nime hame laruligobi ngulene hamelo kamiyagua nde balawaha olibe lininaga welibi waini ibabi biamaga howa uruni bibahende lomabu ngilimu. 14 Agali mbira dindi taraha howa tà baba tigi mbira hangu Ãbu heneyaguabi tà baba mandagi haabo heneyaguabi ibugua Anduane Homogo i̱na hame laruligobi lomabu ngule hamelo heagua nde karulapego ani ngulene nga. Anigo ibugua bame bupebe ndo lomabu delaga mana talialu Isaraele wali agalime biaga ngadagua bulene nga. 15 Ani bulene ngago irane lomabu ngulenenaga mana mbiraore hangu Isaraeleme lomabu delolenebi wali agali tara tà baba mandagi Ãbu hene kamirubi bibahendeme loma bulene mana mbiraore dege nga. Mana ogoni mbirago iriari nabuleore ani wiaabo halu tÃnaga waneigini aguanene mani hama polebirarumebi talialu bialu haaboore holebira. Ani larogoni irane i̱ Anduane Homogo i̱na handalu hewaria tà Isaraele wali agalibi dindi tara wali agali bu karubi tà bibahende ogobi dege dege hemiria handaru. 16 Isaraele wali agali tÃguabi wali agali dindi taraha howa ibini karubi tà bibahendeme lomabu delolene mana mbiraore ogonidagua talialu bialu haabo halimu, lalu Anduane Homogohanda lene. 17 Anduane Homogohanda Mosese lamialu lalu, 18 ÃÌ na bi ogo Isaraele wali agalihondo lamibe. Dindi mbira i̱na tÃhondo ngule lalu lo wirugoria haru porogola bi ogo larodagua tà bibahendeme bialu holene nga. 19 Anigo tà dindi ogoriani pu howa tÃnaga maburuha tomo hangalu boga biragola bialu nalu holeberemi. TÃgua tomo uruni nalu howa maru i̱ninaga lomabu ngigi bilimu. 20 Tà mabuha widi pigane gandu laramigo dambuwa balawa ogoninaga mberedi pigane waberemigonaga mbira i̱ninagaore lomabu ngilimu. TÃgua widi dambiaga ngamigoha howa widi gahenge dambialu kamigo aria maru mo yalu ibuwa lomabu ngilimu. 21 TÃguabi tÃnaga waneigini aguanene mani hama polobadarubi mana ogoni wiaa̱i̱ helo widi pigane gandu lenegonaga balawame mberedi pigane wabini ngamigo i̱nihondo lomabu ngilimu. 22 TÃgua mana Mosesehanda langiyagola hale harimigoni mani tÃnaga aguanene hama polobadaru tiguabi bulene nga. Anigo marume mana ko berolo mitangi nabi howa mana pugualu holebira. 24 Isaraele wali agali bibahendeme mana ko berolo mitangi nabi howa mana langiyago puguarimiyagua nde tÃgua nogo bulumaga wangabe mbira irani dai helo loma bialu bo delolene nga. Ani bialu widibi waini ibabi nogo bulumaga biago heba lomabu delolene nga. Ani bialu i̱na ko domo waholiyanaga nogo meme wangabe mbira loma bialu bo delolene nga. Ani deledagola i̱na loma ogoninaga nga birago hondowa turu holebero. 25 Ani bialu loma binigo mo ngiaga kagome wali agali bibahendenaga ko i̱na domo waholiyanaga loma ogoni bu delolebira. Ani bu delaragola Anduane Homogo i̱na tinaga ko wiyadago domo waholebero. Ani buleberogo irane tigua mana ko berolo mitangi nabi howa i̱naga mana puguaya. Ani biyadagonaga ko birimada lalu i̱na tinaga ko domo waholiyanaga i̱hondo lomabu yalu ibiyagoni. 26 I̱na Isaraele wali agali bibahendenaga ko ngago domo wahalu wali agali dindi tarali tà heba Ãbu hene karu tigua nde i̱naga mana pugua dege biyagobi bibahende domo wahai holebero. 27 Wali agali mbiralime mana ko berolo mitangi nabi howa biyagua nde ibugua meme angibuni mali mbira hangu hene kago i̱na ko domo waholiyanaga loma bialu bo delolene nga. 28 Anduane Homogo i̱ninaga deni loma binigo mo ngiaga kago ibugua agali biagonaga ko domo waholiya lomabu delolebira. Loma binigo mo ngiaga kago ibugua anidagua biragola agali ogoni ibu i̱naga deni dodo nahe holebira. Ani biragola ibunaga ko ngago i̱nimeore domo waholebero. 29 TÃgua mana ko berolo mitangi nabi howa birimiyagua nde mana ogoni dege talialu tÃni Isaraele wali agaliyaguabi wali agali dindi tarali tà baba mandagi heneyaguabi bibahende mana mbiraore ogoni dege taluwa bilimu. 30 Anigo wali agalime i̱hondo mine halu mana ko bialu hayagua ogonidagua biragome Anduane Homogo i̱ni yo handaragoni. Anidagua bialu kago ibu Isaraele wali agaliyaguabi dindi tara wali agaliyaguabi ta nabi homelo bo wahalimu. 31 Ani bilimu larogoni irane wali agalime mana puguarago ibuni i̱hondo mine halu hame ledadagua bialu i̱naga bi mana puguaro lalu puguaragoni. Ani biragome ibuni homelo bo waholene nga, lalu Anduane Homogohanda lene. 32 Isaraele wali agali ti dindi ko iba dalu naibaga wiagoha howa Sabada horongi agali mbirame ira bo yu hearia hendene. 33 Ani handa walia howa tigua agali ogoni Mosese Aronolabi Isaraele wali agali bibahende hearu hearia haru pene. 34 Ani biyagola tigua ibuhondo ogoale buleda lo manda nabi howa ibu garabaya helo helene. 35 Ani heleagola Anduane Homogohanda Mosesehondo lamialu lalu, Agali ogoni homelo bo wahalimu. Ibu balai anda bu karu tagirahayagi haru puwa wali agali bibahendeme ege to̱le̱ dugualu bai halu bo homelalimu, lene. 36 Ani layagola wali agali bibahendeme Anduane Homogohanda bilimu lalu lamiyadagua agali biago balai anda bu hearu tagirahayagi haru puwa ege to̱le̱me balu homelene. 37 Anduane Homogohanda Mosese lamialu lalu, Isaraele wali agali bu karuhondo ogodagua lamibe. 38 TÃgua pu tubagi emene emeneme kabu bigi buwa tÃninaga aga bu kamigonaga nguni mariani pongobia haga bilimu. Kabuni mbira mbiranaga pu mindibi hari mindini handalehe ngagome pongo bigi bilimu. TÃnimebi tÃnaga waneigini aguanene mani holobadarumebi anidagua biaabo holene nga. 39 Ani pongo bia howa horo bibahendengi tÃgua mbirale ogoni handalu i̱naga bi mana lowinigo bibahendeore manda bilimu. Ani bialu mana ogonidagua bialu halimu. Anidagua birimiyagua nde tÃgua ogoni de handalu i̱ yu wahalu puwa mana ko tÃni hameledemidagua bialu naholeberemi. 40 Pu ogonime i̱naga bi mana lowini ngago mo mitangi biaabo haragola tÃgua i̱naga mana ogoni taluwa bialu haabo howa tà i̱ninaga wali agali heneneore hene holeberemi. 41 I̱ni Anduane Homogoore howa tÃnaga Ngode Datagaliwabe kogoni. I̱na tà Iyibi dindiha howa haru tagira ibirugo i̱ni tÃnaga Ngode Datagaliwabeore holenaga ani birugoni. Ai i̱ore Anduane Homogo kogoni, lalu Mosesehondo lamini.