IBA GANA 1
PNG1 Mbirali mana ko biaga karume ko bia larago hale halu nabiagabi tigua ko biradagua nabiagabi Ngode Datagaliwabe deni habane nabuleneme mege bialu bedagoria nabiragabi kago ibu turu ho ka. 2 Ani nabi ibugua Anduane Homogohanda bi ledadagua bulenegoha turu holene ngaria handa walia howa mbiraga horombebi daga lalu mitangi biaabo haga ka. 3 Ira iba angeni bu karu anda halu lini dolenengi dalu yuniru gau nalagadagua ibugua mbirale bigi birago bayale haga bulebira. 4 Ai ko biaga kago ibu ogonibi ndo ka. Ibu puyabume abalu hilu yalu piaganego ale ka. 5 Ani bidago Ngode Datagaliwabehanda godi larangi ko biaga karu tí koore biaga kamigoni lalu ibuninaga wali agali karu heba mandagi habe nahedagola ti dabo bagi holebira. 6 Mini tigabiwi karu Anduane Homogohanda ti haru howa mamage haga. Ko biaga karume hariga pialu karu homoleneni tagira pole pora.