Zabuli 124

1 Kamba Mndewa Imulungu hakalile hamoja na siye, wanhu wa Izilaeli walonge sambi, 2 “Kamba Mndewa Imulungu hakalile hamoja na siye, kipindi kija vituvamiligwe na iwanhu otwihila, 3 wahatumezile tung’hali wagima. Ng’hasiliki yao viikalile kumwetu, 4 twahazoligwe na mazi mengi, lwanda lwa mazi lwahatugubike, 5 ng’humbi ya mazi yahatugubike!" 6 Yatogoligwe Mndewa Imulungu, hatulekile tung’walanyuligwe na mizino yao. 7 Tuhonyeka kamba ndege mumtego wa msakaji, mtego ubeneka na siye tuhonyeka. 8 Kutazigwa kwetu kolawa mditwaga da Mndewa Imulungu, yalumbile ulanga na isi yose.