Zabuli 99

1 Mndewa Imulungu kotawala, wanhu wa isi zose wagwaye. Kakala mkigoda cha undewa hagati ya viumbe weli na mabawa, isi itigisike. 2 Mndewa Imulungu mkulu ako Sayuni, na heyo kauchanha ya iwanhu wa isi yose. 3 Wanhu waditogole twaga jake kulu da kudumbiza, heyo ayo yong’ala. 4 Mndewa kana nguvu na koinogela haki, gweye ayo uitawala haki, kugala nhaguso na haki kwa Izilaeli. 5 Mtogoleni Mndewa Imulungu, Imulungu wetu, fugameni hana ikigoda cha magulu gake, heyo ayo yong’ala. 6 Musa na Haluni wa hagati ya iwalava nhosa wake, na Samweli mna iwao odikema twaga jake, viwamkemile Mndewa Imulungu kawedika. 7 Mmhanda ya wingu kakala kolonga na hewo. Wazigoga amuli zake na lagizo diyawagwelele. 8 Gweye Mndewa Imulungu, Imulungu wetu, gweye ayo uwedike Waizilaeli, kumwao kukala Imulungu ugela kumgongo, hamoja kugatagusa gehile gao. 9 Mtogoleni Mndewa Imulungu, Imulungu wetu, fugameni kulozela kulugongo lwake lung’ala, kwavija Mndewa Imulungu, Imulungu wetu kong’ala.