1 Korintiya 4

1 U gan ta̱ ama a wene tsu tyoku u agbashi a Kirisiti Kawauwi, aza Éa Kashila̱ ka na̱ka̱i ukuna u maci u Éa wa̱ri usokongi. 2 Kpam ama a na̱ka̱ baci agbashi manyan ma uyan, a tsu ciga le ta̱ a yain ma n una̱ka̱ u katakasuvu. 3 Mpa ara va̱, n dambula ko eÉa̱ ko kuwa ku afada ku yanka mu afada wa. Mpa gba̱m n tsu yanka kaci ka va̱ afada wa. 4 N reve n ukuna u cingi u roku u Éa n yain wa, shegai nala u zuwa n woko uza Éa bawu wa̱ri n unyushi wa. Asheku a Éa a tsu yanka mu afada. 5 Adama a nala kotsu i kiÉa̱ga uza ugana bawu kotsu aêayin a yain wa, vanai ve hal she aêayin a Éa Asheku a gonoi. Wa wenike ta̱ ukuna u Éa wa̱ri usokongi gogoâna a kateshe, wa wenike ta̱ kpam ili iêya ama a ka ciga iêya iêa̱ri usokongi a atakasuvu a le. Aku Kashila̱ ka woko uza Éa wa cikpala ya dem tyoku Éa u gain. 6 Ama a va̱, n zuwa Éa̱ ta̱ i wundyana mu n Apolo tyoku u iryoci a ukuna u Éa ma dansa vi, tsa̱ra̱ i rotsongusu kalen ka udani u Éa u danai, “Tonoi iêya a korongi a Tagara̱da u Kashila̱ koshi.” Pini nala, ya yan n ara̱Éi i gorimuko uza u te i goro uza u te wa. 7 Ya va wundya va̱ri? Va wundya vu la Atoni a Éa a buwai? Ndya va̱ri n iêya, iêya bawu Kashila̱ ka na̱ka̱ vu? Kashila̱ ka baci ka na̱ka̱ vu gba̱ ili iêya va̱ri n iêya, ndya i zuwai va yan ara̱Éi yavu n kaci ka vunu ka vu yain iêya? 8 Ya wundya ta̱ yavu gba̱ ili iêya ya ciga iêa̱ ta̱ n iêya. Ya wundya ta̱ yavu aza a utsa̱ri a Éa iêa̱ri. Hal i lyai tsugono bawu a̱tsu. Aêa̱ri a dana gba̱m ngono n Éa iêa̱ri kotsu tsu lyai tsugono tsi kaÉolo n a̱Éa̱. 9 U yan mu ta̱ yavu Kashila̱ ka zuwa tsu ta̱ asuki tsa̱ra̱ tsu woko ama Éa bawu ama a ka na̱ka̱ tsupige, tsu wokoi yavu aza Éa aêa̱ri a kuwa ku aêali aza Éa a ka ne uwono a kateshe. Tsu wokoi yavu ama Éa a pura̱i a bankai a kakura̱ tsa̱ra̱ a wuna le, tsa̱ra̱ gba̱ ama n atsumate a zuba a wundi tyoku Éa a ka kuwa̱. 10 Ama a likimba a na a ka wundya yavu a̱tsu utengeshi u Éa tsa yan an tsa yanka Kawauwi manyan. Shegai ara Ée kpam ya wundya ta̱ yavu iêa̱ n kakiri an ya tono Kawauwi. Ya wundya yavu atakasuvu a tsunu aêa̱ n ucira wa, a Ée kpam n ucira. Ya wundya ama a ka na̱ka̱sa̱ Éa̱ tsupige shegai a̱tsu a ka na̱ka̱sa̱ tsu wa. 11 Hal n gogoâna gba̱m kambulu n kakuli ka tsa̱ri a upana, tsa̱ kpam n aminya a uêuka a shinga wa. Ama kpam a ka yansa tsu mavura cika. Tsa̱ra̱ n kuwa ku kaci ku tsunu wa. 12 Tsu ma̱tsa̱ ta̱ tsu yain manyan n akere a tsunu. Ama a yanka tsu baci una̱ u cingi, tsu tsu zuwuka le ta̱ una̱ u shinga. Ama a ka yansa tsu baci mavura, tsu tsu kawunku ta̱ ma. 13 Ama a ka dansa baci kagbani a kaci ka tsunu, tsu tsu dansa ta̱ ukuna u shinga a kaci ka le. Gogoâna gba̱m tyoku u kaviri Éa ama a bidya tsu ili iêya a ka wotsongu n tyoku u akama a Éa a ka za̱ a wotsongu. 14 Ili i na yi korongu Éa ma korongu iêya tsa̱ra̱ i pana uwono wa. Ciga Éa ma ciga n rono Éa̱ atsuvu kpaci eÉa̱ mmuku n va̱ n Éa aza Éa ma ciga. 15 Ko iêa̱ baci n awenishiki azu kupa (10,000) aza Éa a ka wenishike Éa̱ a kaci ka Kawauwi, mpa tata u Ée koshi. I woko Ée mmuku n va̱ a asuvu Kawauwi an n tonuko Éa̱ ukuna u ne. 16 Adama a nala, ma folo Éa̱ i toni iryoci i va̱ i yain tyoku Éa mpa ma yansa. 17 Ili iêya gai i zuwai ma sukunku Éa̱ maku ma va̱ Timoti iêya gai la vi. Aya macigi ma va̱ kpam kagbashi ka maci ka Asheku. Wa ciÉuga Éa̱ ta̱ ili iêya n wenishikei a kaci ka Yesu Kawauwi tyoku Éa n wenishikei ko nte wa a asuvu a aêuwa a Atoni. 18 Aza roku a Ée a ka yan ara̱Éi yavu ma tuwa̱ Éa̱ ukyawan wa. 19 Shegai Asheku a wushuku baci n tuwa̱, wa Éa̱ra̱kpa̱ wa ya wene mu ta̱. N tuwa̱ baci ma wene ta̱ ili iêya aza a ara̱Éi a nala yi a ka yansa. Kpam ma reve ta̱ mayun Éa baci aêa̱ri n ucira u Kashila̱ ko kpam kadyanshi ka gbani ka aêa̱ri a uyansa. 20 Kpaci tsugono tsu Kashila̱ tsa̱ adama a kadyanshi wa, shegai adama a ucira. 21 A asuvu a ili i re i na yi, ndya i Éanga̱sai, n tuwa̱ n kajaÉu, ko gai n tuwa̱ yuwu n uciga?