1 Bituru 4

1 An u wokoi Kawauwi ka panai ikyamba n ikyamba i ne, eÉa̱ dem she i foÉuso i yain nala. Ili iêya i zuwai tani iêya, i wushuku baci ya pana ikyamba adama a Kawauwi, uyan u unyushi u cingi u Éa la vi ya suma. 2 Nala kpam ya tono upana u kayanyan u cingi u ikyamba i Ée wa. Shegai ya yanka ta̱ gba̱ uma u Ée manyan i yain iêya Kashila̱ ka ciga. 3 Iêa̱ri i Éa̱ra̱kpa̱ ta̱ n i yanyi ili iêya aza Éa bawu a revei Kashila̱ a ka yansa. Tsishankala tsu kaberikete, uciga u ili i cingi, i rongoi a kuso n i gutukpi, ya yansa kpam abiki a gbani hal n isoshi i kaberikete, i lyakai ameli kayala ili iêya Kashila̱ ka kovo. 4 Aje a cau a Ée a yan ta̱ majiyan an bawu ya bansa kpam n ele a asu u uyansa ukuna u gbani vi. Hal gba̱m a ka yansa kadyanshi ka gbani a kaci ka Ée adama a ukuna u nala vi. 5 Shegai u ka̱na̱ ta̱ a wushunku uza Éa wa tuwa̱ u yanka ya dem afada, aza a uma n aza Éa a kuwa̱i gba̱. 6 Adama a nala, Yesu yanka ta̱ aza Éa a kuwa̱i vi kuÉari ku Kadyanshi ka Shinga. Ko an u wokoi a ka yanka le dem afada tyoku u ama Éa a buwai, yanka Éa u yanka le nala tsa̱ra̱ a tsa̱ra̱ aêayin a Éa a ka kpatala a rongo a asuvu a uma tyoku Éa Kulu ku Kashila̱ ku tonoi n ele. 7 Ko ndya wa ya kotso ta̱ na n aêayin kenu. Adama a nala i vakunku asuvu a Ée, i ka̱na̱ kaci ka Ée tsa̱ra̱ i yain kavasu. 8 Gba̱ ili iêya gba̱m i lakai kalen iêya, i lyai kelime n i weniki atoku a Ée uciga u maci. Ili iêya kpam i zuwai iêya, ya cimbusuka̱ ta̱ gba̱ ikuna i cingi i kakuma̱ iêya a ka yansa̱ka Éa̱. 9 U ka̱na̱ ta̱ i wushi ama a aêuwa a Ée, kpam kotsu i yain tsali wa. 10 Kashila̱ ka na̱ka̱ ta̱ ya dem kune icun kauâkau. U gan ta̱ i yanka ili iêya Kashila̱ ka na̱ka̱ Éa̱ manyan mai, tsa̱ra̱ i wenike ukuna u shinga u Kashila̱ a asu u ama. 11 Avu uza Éa Kashila̱ ka na̱ka̱i kune ku kuÉari, vu yain ka yavu Kashila̱ ka ka dansa a asuvu a vunu. Isa̱ Éa a isa̱ vu vu Éa̱nga̱ ama? Æa̱nga̱ le n gba̱ ucira u Éa Kashila̱ ka na̱ka̱ vu. Pini nala, Kashila̱ ka wusha ta̱ tsupige tsu ili gba̱ a asu u Yesu Kawauwi. Tsupige tsu Kashila̱ tsa̱ ta̱ pini hal ubana bawu utyoku, nala kpam dem ucira u ne. Ami. 12 Ama a va̱, kotsu i yain majiyan an a ka konduso Éa̱ n upana u ikyamba yavu iêa̱ri a asuvu a akina wa. Kotsu i wene yavu ukuna u roku u Éa u savu wa. 13 Wa laka Éa̱ ta̱ tsulobo i yain maza̱nga̱ an eÉa̱ dem i uwai a asuvu a upana u ikyamba u Kawauwi. Yansai nala ya tsa̱ra̱ ta̱ maza̱nga̱ cika aêayin a Éa baci a wenikei tsupige tsu ne. 14 A yanka Éa̱ baci kagbani adama a kala ka Kawauwi, i tsa̱ la vi Ée una̱ u shinga, kpaci u wenike ta̱ an tsupige tsu Kulu Keri ku Kashila̱ tsa̱ri n a̱Éa̱. 15 Mai Éa wa̱ri uza u pana ikyamba u wuna baci uma gbani gbani, ko uboku ko kpam ukuna u gbani u roku u Éa uza u yain. Nala dem wa̱ri, uza wa uwusa baci ukuna u ama kaberikete u gan ta̱ u pana ikyamba. 16 Nala wa̱ri wa, a ka yan Éa̱ baci mavura an iêa̱ri Atoni. Kotsu i pana uwono n upana u ikyamba u nala vi wa. Shegai i cikpala Kashila̱ an iêa̱ri n kala ka nala ki. 17 Gogoâna Éa aêayin a Éa Kashila̱ ka gita̱ afada a ne, kpam wa gita̱ ta̱ u yanka kuwa ku ne. Pini nala, a gita̱ baci n a̱tsu an tsa̱ri Atoni, ndya ya woko makorishi ma aza Éa a êyuwain upana Kadyanshi ka Shinga ka ne? 18 Kadyanshi ka Kashila̱ ka da, “Iwauwi i tsu tuwa̱ ta̱ a asu u ama a shinga n upana u ikyamba, shegai ama Éa a êyuwain upana̱ka Kashila̱ kpam a tsu nususa, ama a na a ka la ta̱ ama a shinga upana ikyamba." 19 Ili iêya ukuna u na wa tono u Éa: va pana baci ikyamba tyoku Éa Kashila̱ ka ciga, vu lyai kelime n una̱ka̱ kaci ka vunu a asu Kashila̱ uza Éa yan vu. Vu lyai kpam kelime n uyansa ili i shinga, wa Éa̱nga̱ vu ta̱. Mayun, wa kpa̱Éa̱ vu uÉa̱nga̱ wa.