Asuki 18

1 Aku Bulus a̱sa̱ka̱i Atina u banai a Korintiya, 2 nte u cinai uza u Yahuda u roku Ée uza Éa a ka isa̱ Akila, uza Éa a matsai a ilyuci i Pontu. Akila n uka u ne Bilikisu a Éa̱ra̱kpa̱ n urawa an a wuta̱i a uyamba u Italiya wa. Kpaci an u wokoi Kaladiyu magono u zuwa ta̱ mele u da gba̱ aza a Yahuda a a̱sa̱ka̱ ilyuci i Roma. 3 Bulus rongo ta̱ n ele n u yanyi manyan n ele, kpaci ele aza a tsilaga tsa uyan atani a Éa tyoku u ne. 4 Ashibi dem Bulus wa̱ ta̱ a kagata ka Kashila̱ uyan kadyanshi n aza a Yahuda n aza a Heline. Wa ciga u zuwa le a wushuku n eyi. 5 An Sila n Timoti a wuta̱i a Masidaniya a tuwa̱i a Korintiya, aku Bulus na̱ka̱i kaci ka ne gba̱ a asu u uyan kuÉari n u tonusuki aza a Yahuda, “Kawauwi ka ya bolo vi, Yesu Éa." 6 Shegai an aza a Yahuda a êyuwan yi a taka yi n inyashi, Bulus ka̱pa̱tsa̱i kabuta̱ ka aminya a ne, u danai, “Mpasa n Ée ma̱ ta̱ a kaci ka Ée, mpa kabirya mu wa. Ili iêya i bidyai n gogoâna ubana a kapala a asu u Awulawa Éa ma bana." 7 Pini nala, u ba u dusuki n Titiyu Yusutu Kawulawa uza u ulyaka Kashila̱ kayala, kpam kuwa ku ne ka̱ ta̱ evu n kagata ka Kashila̱. 8 Kirisibu uzapige u kagata ka Kashila̱ n aza a kuwa a ne gba̱ a pityanangu ta̱ n Asheku. Ama ushani a Korintiya dem a pityanangi, aku a lyuÉugu le. 9 Kain ka te n kayin, Asheku a ka yanka Bulus kadyanshi a kuwene u tonuko yi, “Pana uwonvo wa, yan kuÉari! Kotsu vu paÉa bini wa! 10 Kpaci ma̱ ta̱ n avu, kpam ko uza wa ne vu usa̱n wa. Ma̱ ta̱ n ama ushani pini a ilyuci i na yi." 11 Bulus dusuki pini a ilyuci yi hal kayen ka te n uwoto u teli, u rongo le uwenishike kadyanshi ka Kashila̱. 12 Shegai a aêayin a Éa Galiya wa̱ri gomuna u uyamba u Akataya, aza a Yahuda a Éolomgbonoi kaci a êya̱nga̱sa̱ka̱i Bulus, a banka yi a kapala ka aza a afada. 13 A danai, “Vuma na ama Éa wa ciga a lyaka Kashila̱ kayala a ure u Éa mele ma Éishinkai." 14 Shegai an Bulus wa ciga u gita̱ kadyanshi, aku Galiya kpatalai a asu u aza Éa a êya̱nga̱sa̱ka̱i Bulus, u danai, “Panai eÉa̱ aza a Yahuda, a da baci nusa Éa u nusai, ko kpam u yain unyushi u pige u roku, an ma̱ri ma pana̱ka Éa̱ ta̱. 15 Shegai an u wokoi kananamgbani ki a kaci ka idani, n aêala a Éa n mele ma Ée koshi, she i yain afada yi n kaci ka Ée. Mpa ma yan icun i afada a nala yi wa." 16 Aku u loko le a kunu ku afada ki. 17 Aku kakuma̱ ki ka ka̱na̱i Sasatsani uzapige u kagata ka Kashila̱, a lapa yi a kapala ka kunu ku afada ki. Shegai Galiya kirana n ele wa. 18 An ukuna u nala u wurai, Bulus doku rongoi a Korintiya aêayin kenu. Aku u tonukoi Atoni yi u da eyi wa laza. U uwai a kpatsu kaÉolo n Bilikisu n Akila a ka̱na̱i ure ubana a Suriya. Shegai kahu a êya̱nga̱, Bulus kuruwa ta̱ kaci ka ne a Kankiriya, tyoku u agadu a aza a Yahuda, an u wokoi u yain kazuwamgbani n Kashila̱. 19 An a rawai a Afisu, (pini a ilyuci yi Bulus a̱sa̱ka̱i Bilikisu n Akila,) aku Bulus uwai a kagata ka Kashila̱ tsa̱ra̱ u dansa n aza a Yahuda. 20 Aku a folo yi u doku u rongo n ele, eyi tani u wushuku wa. 21 Shegai an wa a̱sa̱ka̱ le, u danai, “Kashila̱ ka wushuku baci, ma gono ta̱ a asu u Ée." 22 An Bulus a̱sa̱ka̱i Afisu u uwai kpatsu ubana a Kasariya, aku u wurai ubana a Urishelima. U ba u dana̱sai Atoni, pini nala, u lazai ubana a Antakiya. 23 An u Éa̱ra̱kpa̱i pini kenu, aku u êya̱nga̱i u kyawunsai uyamba u Galatiya n uyamba u Firijiya. U tonoi a ilyuci ilyuci n u gbamatangusi Atoni atakasuvu, tsa̱ra̱ a gbonguro a ure u Asheku. 24 Aêa̱ri pini, aku uza u Yahuda u roku uza u kala Apolo tuwa̱i a Afisu. Kpam uza u ilyuci i Alizandariya u Éa, karevi ka kadyanshi. U reve ta̱ tagara̱da u Kashila̱ cika. 25 A wenishike yi ta̱ a asuvu a Ure u Asheku. U bidya ta̱ kadyanshi ka Kashila̱ ki mayun mayun n ucira, kpam wa wenishike ukuna u Yesu u maci vi. Shegai ukuna u ulyuÉugu u Yahaya u Éa u revei koshi. 26 Aku u ka̱na̱i kuÉari a kagata ka Kashila̱ n ucira u ne gba̱. An Bilikisu n Akila a panai kadyanshi ka ne, a rono yi a banka yi a kuwa, a doku a tonusuko yi ukuna u Kashila̱ cika. 27 An Apolo wa ciga u pasamgbana ubana a uyamba u Akataya, Atoni a Éa̱nga̱ yi a koronki Atoni a Éa aêa̱ri a Akataya vi ukanikorongi tsa̱ra̱ a wushi yi n akere a re. An u rawai tani Ée, u woko ta̱ kaÉa̱ngi ka aza Éa a pityanangi a asu u ukuna u shinga u Kashila̱, 28 kpaci u varangu ta̱ aza a Yahuda cika a kapala ka ama, u kasana̱sa̱ka le tagara̱da u Kashila̱ an Yesu Kawauwi ka.