Asuki 20

1 An uêya̱nga̱sa̱ u atakasuvu vi u kotsoi, aku Bulus isa̱i Atoni u gbamatangu le atakasuvu. Pini nala, u tonuko le, “U yan tsu ben.” Aku u lazai ubana a uyamba Masidaniya. 2 An u kyawunsai aÉon a nala yi gba̱, n u gbamatangusu le atakasuvu cika, aku u lazai she a Heline. 3 U dusuki pini hal uwoto u tatsu. AfoÉi a Éa wa̱ri a uwa a kpatsu ubana a uyamba u Suriya, aku u revei aza a Yahuda a yanka yi ta̱ afoÉi a cingi. Adama a nala a Éa u bidigai kaci ka ne wa gono a ure u Masidaniya. 4 Ama a na Éa a soku yi: Supata maku ma Puruhu uza u Biriya, kaÉolo n Aristaraku n Sakunda aza a Tasaloniya, kaÉolo n Gayu uza u Daraba, n Timoti, hal dem n Tikiku n Tarafima aza a Asiya. 5 Ama a na yi a lyai kapala na̱ nwalu a ba a vana tsu a Taruwasa. 6 A̱tsu tani an Abiki a Ilikulya iêya i Nambai Yisti a wurai, tsu uwai a kpatsu a Filibi. Tsu yan ta̱ nwalu ma aêayin a tawun, aku tsu rawai a Taruwasa tsu cina le pini Ée. Nte tsu rongoi pini hal aêayin a shindere. 7 Kain ka Aladi, tsu Éolomgbonoi tsa̱ra̱ tsu lyai ilikulya. Bulus dansai kadyanshi n ama yi hal kayin ka pige, kpaci wa laza ta̱ kain ka wansa baci. 8 A kunukuzuba ka tsa̱ri vi a sapusa ta̱ pini ncikalu ushani. 9 Kalobo ka roku uza u kala Yutiku u dusuki a zuba u ilinuku i kunukuzuba ku ukumba u tatsu. Aku wa gbaÉiga aêayin a Éa Bulus wa̱ri uyan kuÉari ku ugaÉi, hal alavu a bidya yi gbende-gbende. Aku u fa̱ta̱na̱i u rukpa̱i a kunukuzuba utuwa̱ a iyamba. An a canga yi, a cinai u kuwa̱ Ée. 10 Pini nala, Bulus cipa̱i a iyamba u woÉo yi, u danai, “Kotsu i dambula wa, wa̱ ta̱ n uma." 11 An Bulus gonoi a kunukuzuba, aku tsu lyai ilikulya kaÉolo. U lyai kapala n kadyanshi ki hal usana, aku u lazai. 12 Pini nala, a lazai n kalobo ki a kuwa n uma, aku a yain maza̱nga̱ cika. 13 Bulus bidiga ta̱ kaci ka ne u wala a aêene ubana a Asusu. A̱tsu kpam tsu uwai a kpatsu, tsa̱ra̱ tsu ba tsu gawunsa Ée. 14 An tsu gawunsai a Asusu, aku u uwai a kpatsu ki tsu lazai ubana a Mitilini. 15 An kain ka wansai, aku tsu lyai kapala na̱ nwalu tsu rawai evu n a asu u Éa a ka isa̱ Kiyo. An kain ka wansai kpam tsu rawai a uyamba u mere ma mini u Éa a ka isa̱ Samasu. An kain ka doku ka wansai, aku tsu rawai a Milita. 16 Kpaci Bulus bidiga ta̱ kaci ka ne u da wa shamgba a Afisu wa, adama a Éa wa Éa̱ra̱kpa̱ a Asiya. Kpaci wa yan ta̱ maloko u rawa a Urishelima kahu kain ka Abiki a Kain ka Amangarenkupa.â  17 Shegai an tsu rawai a uyamba u Milita, Éa Bulus sukunki nkoshi n kuwa ku Atoni a Éa aêa̱ri a Afisu a tuwa̱ a cina yi. 18 An a rawai, aku u danai, “EÉa̱ i reve ta̱ gba̱ ili iêya n yain aêayin a Éa n gita̱i utuwa̱ a Asiya. 19 N yan ta̱ manyan ma Asheku bawu ara̱Éi, kpam n meshi. N kawunki kpam n ukonduso u cingi u Éa aza a Yahuda a tukuso mu. 20 N kpa̱Éa̱ Éa̱ utonuko ukuna u mayun wa, na̱ n yansa̱ka Éa̱ kuÉari a asu u ama n aêuwa a Ée. 21 KuÉari ku va̱ ku te ka ubana a asu u aza a Yahuda n Awulawa. N tonuko le a reve kalen ka ukpatala a gono a asu u Kashila̱ a a̱sa̱ka̱ tsicingi tsu le kpam a pityanangu n Yesu Asheku. 22 “Gogoâna Kulu Keri ka na ka zuwa mu ubana a Urishelima, kpam n reve ili iêya ya gita̱ na̱ mpa Ée wa. 23 Ko an u wokoi Kulu Keri ka tonusuko mu ta̱ a ilyuci iêya dem n banai, ka danai a ka gida̱ku mu ta̱ a kuwa ku aêali kpam n pana ikyamba. 24 Shegai mpa n gonuko uma u va̱ ili i roku wa, ma fuÉa baci ma kotso manyan ma Yesu Asheku u na̱ka̱ mu; wata, n dansa Kadyanshi ka Shinga ka ukuna u shinga u Kashila̱. 25 “Gogoâna n reve ta̱ aza Éa n kyawunsai na̱ yansa̱ka le kuÉari ku tsugono tsu Kashila̱ a ka doku a ka wene mu wa. 26 Adama a nala a Éa ma tonuko Éa̱ ara, uza Éa baci dem u tuwa̱ u puwa̱in a asuvu a Ée a ka wece mu mpasa n ne wa. 27 N tonuko Éa̱ ta̱ mai ili iêya Kashila̱ ka ciga Éa̱ i reve. 28 I kirana n uma u Ée n ushiga u Éa Kulu Keri ku zuwa Éa̱ i guÉi. Kpam i lyai kapala n ulina̱ka Atoni a Éa Kashila̱ ka tsila̱kai kaci ka ne na̱ mpasa n Maku ma ne. 29 N reve ta̱ n laza baci, awenishiki a ka tuwa̱ ta̱, aza Éa bawu a ka wenishike ukuna u mayun. A ka yan ta̱ yavu nleweni, tsa̱ra̱ a wacinsa ncon n Kashila̱. 30 Hal gba̱m aza roku a asuvu a Ée a ka yan ta̱ kadyanshi ka kaÉan tsa̱ra̱ a roni Atoni ubana ara le. 31 Adama a nala, she i rongo ufoÉusi, i ciÉa ayen a tatsu a Éa pa vi kaara n kayin ma̱ri n a̱Éa̱, n a̱sa̱ka̱ Éa̱ uÉara wa. Hal gba̱m n sa̱i n meshi adama a Ée. 32 “Gogoâna n na̱ka̱ngu Éa̱ ta̱ a kukere ku Kashila̱. A̱sa̱ka̱ kadyanshi ka ukuna u shinga ka ne ka kirana n a̱Éa̱. CiÉai n kadyanshi ka pige ka shinga ka nala ki. Kadyanshi ka nala ki ka ka Éa̱nga̱ Éa̱ ka na̱ka̱ Éa̱ ili iêya Kashila̱ ka ciga ka na̱ka̱ ama a ne agadu. 33 “N yan malyon ma ikebe ko aminya a uza roku wa. 34 I reve ta̱ n yan ta̱ manyan n akere a va̱, tsa̱ra̱ n tsupuka kaci ka va̱ ili iêya ma ciga, n aza Éa aêa̱ri kaÉolo na̱ mpa. 35 Kain dem n woko ta̱ iryoci ara Ée tyoku Éa ya yan manyan cika, tsa̱ra̱ i Éa̱nga̱ aza a unambi. CiÉai n kadyanshi ka Yesu Asheku ka u danai, ‘U la ta̱ una̱ u shinga vu na̱ka̱ n u Éa va wusha.’ “ 36 An Bulus kotsoi kadyanshi, aku u kuÉa̱ngi kaÉolo n ele a yain kavasu. 37 Aku a woÉo yi gba̱ le n unamgbukatsuma̱ a ka̱na̱i kushen cika, kpaci u dana ta̱ a ka doku a ka wene yi wa. Pini nala, a soku yi gba̱ le hal u uwai a kpatsu.