Kagali ka Ibirahi 7

1 Malikisada na vi magono ma ilyuci i Salem ma, kpam kaÉara̱kpi ka Kashila̱ ka Zuba ka. Aêayin a Éa Ibirahi lyai kuvon ku ngono n nishi wa gono a kuwa, Malikisada wuta̱ ta̱ u ba u zuwuka yi una̱ u shinga. 2 Aku Ibirahi na̱ka̱ yi i te a asuvu a ili kupa a asuvu a gba̱ iêya dem u tukoi a asu u kuvon vi. Ili i kagita̱ iêya tsa ciga tsu dana a kaci ka Malikisada iêya, kalen ka kala ka ne ka “magono ma ma yansa ili i maci.” Aya dem “magono ma ndishi n shinga,” kpaci kalen ka Salem ka “ndishi n shinga." 3 Ko uza u reve tata ko mma u Malikisada wa. Ko uza wa̱ la kpam u revei asu u Éa a wuta̱i wa, ko aêayin a Éa a matsa yi, ko kpam aêayin a Éa u kuwa̱i wa. Wa̱ ta̱ tyoku u Maku ma Kashila̱ kpam wa woko ta̱ kaÉara̱kpi ubana. 4 Wene ve tyoku Éa Malikisada wa̱ri n tsupige! Ko Ibirahi, makoshi ma cau ma pige ma aza a Isaraêila, u reve ta̱ tyoku Éa Malikisada wa̱ri n tsupige aêayin a Éa u na̱ka̱ yi i te a asuvu a kupa a ili iêya u tsa̱ra̱i a asu u kuvon. 5 Mele ma wenishike ta̱ u ka̱na̱ ta̱ mmuku n tsikaya ma Ibirahi n na̱ka̱ mmuku n tsikaya n Leviâ  n Éa ma̱ri aÉara̱kpi ili i te a asuvu a kupa a ili iêya a tsa̱ra̱i, ko an u wokoi mmuku n tsikaya m Ibirahi n Éa dem. 6 Malikisada wa̱ a asuvu a kaletsu ka aza a Levi wa, shegai u wusha ta̱ i te a asuvu a kupa ara Ibirahi. Kpam u zuwuka ta̱ Ibirahi una̱ u shinga, uza Éa u wushai kazuwamgbani icun kauâkau ka Kashila̱. 7 Ya dem u reve ta̱ an uza Éa baci wa̱ri n ucira u Éa wa zuwuka uza roku una̱ u shinga, u la ta̱ uza Éa wa wusha una̱ u shinga vi tsupige. 8 AÉara̱kpi a tsu wusha ta̱ i te a asuvu a kupa a ili iêya ama a tsa̱ra̱i, ko an u wokoi ele dem aza Éa a ka kuwa̱ alya. Shegai gba̱ n nala, Malikisada la le ta̱ tsupige, kpaci Tagara̱da u Kashila̱ u wenishike ta̱ an wa̱ri n uma. 9 Tsa fuÉa ta̱ gba̱m tsa dana an mmuku n tsikaya n Levi, aza Éa a tsu wusha i te a asuvu a kupa yi, ele dem a na̱ka̱ ta̱ iêya an Ibirahi na̱ka̱i vi. 10 Kotsu a matsa Levi wa, shegai aya pini a ikyamba i makoshi ma cau ma ne Ibirahi aêayin a Éa Malikisada gawunsai n Ibirahi vi. 11 Ko an u wokoi Mele ma Musa ma danai, u ka̱na̱ ta̱ kaÉara̱kpi ka woko matsikaya ma Levi, aÉara̱kpi yi a ka fuÉa a ka zuwa ama a woko ama a maci wa. Adama a nala u ka̱na̱ ta̱ a tsa̱ra̱ kaÉara̱kpi tyoku u Malikisada, shegai uza Éa u wuta̱i a kumaci ku Haruna wa. 12 Icun i kaÉara̱kpi ka roku kau ka wuta̱ baci, u ka̱na̱ ta̱ Mele ma savaÉa dem. 13 A kaci ka Kawauwi ka tsa dansa ukuna u na vi, uza u kaletsu ka roku kau. Ko uza a asuvu a kaletsu ka nala ki kotsu u yan manyan tyoku u kaÉara̱kpi a asuÉara̱kpa wa. 14 Ya dem reve ta̱ an u wuta̱i a asuvu a kaletsu ka Yahuza,â  kpam kotsu Musa wa̱ri u dana an ko kaÉara̱kpi ka te ka wuta̱ a kaletsu ka nala ki wa. 15 Na woko ta̱ a kateshe karara an kaÉara̱kpi ka roku ka tuwa̱i tyoku u Malikisada. 16 A isa̱ vuma u nala vi kaÉara̱kpi adama a akaya a ne ko kpam adama a mele wa, shegai adama a ucira u uma u Éa bawu a ka wacinsa. 17 Tagara̱da u Kashila̱ u yan ta̱ kadyanshi a kaci ka ne, “Avu kaÉara̱kpi ka hal ubana, tyoku Éa Malikisada wa̱ri kaÉara̱kpi." 18 Gogoâna a zuwa Ée mele ma cau a ikengi, kpaci ma̱ n ucira wa, kpam ma wokoi ili i gbani. 19 Mele ma Musa ma zuwa ko ndya wa i woko i maci wa. Shegai gogoâna Kashila̱ ka na̱ka̱ tsu ta̱ ili i shinga iêya tsa zuwuka uma. Nala kpam tsa̱ri a uraÉa evu n Kashila̱. 20 Kashila̱ ka tsinai u da Kawauwi ka woko ta̱ kaÉara̱kpi hal a ubana, shegai u yanka ko kaÉara̱kpi ka te nala wa. 21 A kaci ka Yesu ka koshi u danai, ‘Mpa, Magono ma Zuba, n tsina ta̱, kpam ma savaÉa katakasuvu ka va̱ wa, ko kenu. ‘Avu kaÉara̱kpi ka hal ubana.’ “ 22 Yesu Éa zuwai kazuwamgbani ka shinga ka nala ki ka woko mayun, kpam kazuwamgbani ki ka la ta̱ ka Kashila̱ ka yankai Musa. 23 Caupa, kaÉara̱kpi ka kuwa̱ baci, wa lya kelime n uwoko kaÉara̱kpi wa. Adama a nala a Éa a tsa̱ra̱i aÉara̱kpi ushani. 24 Shegai Yesu woko ta̱ kaÉara̱kpi ubana, tsuÉara̱kpi tsu ne tsa kotso wa. 25 Adama a nala, aya wa̱ri gogoâna hal n maco, uza Éa wa fuÉa wa wauwa aza Éa a ka tuwusa̱ a asu u Kashila̱ a kukere ku ne. Wa̱ ta̱ n uma hal ubana tsa̱ra̱ u folusuko le Kashila̱. 26 Yesu Éa icun i Magono ma AÉara̱kpi ma tsa ciga, kpaci u tsu Éa̱nga̱ tsu ta̱ a ure gba̱. Ili iêya u tsu yan i tsu zuwa ta̱ Kashila̱ ka pana kayanyan. Wa̱ n unyushi wa. Kashila̱ ka pecene yi ta̱ n ama a likimba aza a unyushi u cingi. U na̱ka̱ yi asu u Éa u lakai tsupige gba̱ gba̱ a zuba. 27 Wa̱ tyoku u Ngono ma AÉara̱kpi n Éa n buwai wa, aza Éa kain dem she a yan uÉara̱kpa adama a unyushi u cingi u le n unyushi u cingi u ama Éa a buwai. Shegai kuten ka koshi Yesu na̱ka̱i kaci ka ne tyoku u uÉara̱kpa a zuba u mawandamgbani adama a ama, kpam u lobono ta̱ hal ubana. 28 Mele ma wushuku ta̱ vuma u woko Magono ma AÉara̱kpi ko an u wokoi vuma shaÉangu wa. Kashila̱ ka na̱ka̱ ta̱ Musa Mele a kagita̱. An nala u wurai, aku u tsinai u zuwai Maku ma ne uza Éa wa̱ri ushaÉangi ma woko Magono ma AÉara̱kpi hal ubana.