Yahaya 2

1 Pini nala, a kain ka tatsu, a ka yan abiki a iyolo a ilyuci i Kanan u Galili. Mma u Yesu wa̱ ta̱ dem pini a asu vi. 2 A libana ta̱ dem Yesu n atoni a ne. 3 An mini ma cinwi mi ma kotsoi, aku mma u Yesu u tonuko yi, “Mini ma cinwi mi ma kotso Ée." 4 Yesu wushunku yi, “Mma, ndya i zuwai va damgbara̱sa mu naha? Kotsu aêayin a va̱ a yan wa." 5 Mma u ne u tonukoi agbashi yi, “Yanyi gba̱ ili iêya u tonuko Éa̱ i yain." 6 Caupa, Kashila̱ ka na̱ka̱ ta̱ aza a Yahuda mele tyoku Éa a ka yansa kuza̱. Adama a nala, aza a kuwa yi aêa̱ ta̱ na̱ mmuru n mini n teli n Éa a shei a atali. Maru dem ma gbonguro ta̱ hal ma fuÉa ta̱ ma bidya evu na̱ nlanda n mini n teli. 7 Yesu tonukoi agbashi yi, “ShaÉangi mmuru mi n mini.” Aku a shaÉangi n Éa tipi-tipi. 8 U tonuko le, “Gogoâna kenei i banka uzapige u abiki vi.” Aku a yain tyoku Éa u tonuko le a yain. 9 An uzapige vi u peÉei, aku u wenei ma gono Ée mini ma cinwi. U reve tani asu u Éa mini ma cinwi mi ma wuta̱i wa, shegai agbashi a Éa a tukoi ma vi a reve ta̱. Aku u isa̱i valisavu vi, 10 u tonuko yi, “Mini ma cinwi ma shinga ma a tsu gita̱ a tuko, aêayin a Éa baci ama a sosoi, aku a tuko ma bawu ma cinai ma kagita̱ kayanyan. Shegai avu vu sokongu ta̱ mini ma cinwi ma shinga mi she gogoâna!" 11 A Kanan u Galili Éa Yesu yain ukunosavu u kagita̱ u ne. Nte Éa u wenikei pini tsupige tsu ne, kpam atoni a ne a wushuki n eyi. 12 An nala wurai, aku u lazai ubana a ilyuci i Kafarnahum kaÉolo na̱ mma u ne, n atoku a ne, n atoni a ne. A rongo ta̱ pini aêayin kenu. 13 Yesu banai a Urishelima, kpaci aêayin a Abiki a Upasamgbana a yan Ée evu. 14 An u uwai a Kuwa ku Kashila̱ ki, aku u cinai aza a udengishe anaka, na̱ nlala, na̱ ntambara. U wenei aza Éa a tsu dusukusu a asu u iteburu i le n a savaÉa̱si ikebe icun kauâkau. 15 U zamai aêawun u cai kaban u yain kajaÉu. U lokoi ama yi pini a Kuwa ku Kashila̱ ki, kaÉolo na̱ nlala n le n anaka a le dem. U mutsukpusa̱i iteburu i aza Éa a ka savaÉa̱sa ikebe u wacinsai ikebe yi. 16 U tonukoi aza Éa a ka dengishe ntambara, “Takpai ili i na yi pini na! Kotsu i gonuko kuwa ku Tata u va̱ kuden wa!" 17 An nala gita̱i, aku atoni yi a ciÉai n ili iêya a korongi caupa a asuvu a Tagara̱da u Kashila̱: “Adama a uciga u Éa ma ciga kuwa ku vunu cika, u Éa wa zuwa mu n kuwa̱." 18 Azapige a aza a Yahuda a wecei Yesu, “Ukunosavu u eni u Éa va yan tsa̱ra̱ u wenike tsu tyoku Éa vu tsa̱ra̱i ucira u uyan ili i na yi?" 19 U wushunku le, “Wa̱sa̱i kuwa ku Kashila̱ ku na ki, ma ma ta̱ ka kpam a asuvu a aêayin a tatsu." 20 A wushunku yi, “An a gita̱i kuma ku Kuwa ku Kashila̱ ku na ki, a yan ta̱ ayen amangare n a teli kahu a kotso ka! NiÉa va fuÉa va ma ka a asuvu a aêayin a tatsu?" 21 Shegai an Yesu danai “kuwa ku Kashila̱ ki,” ikyamba i ne iêya wa dansa̱ka. 22 Aêayin a Éa u tuwa̱i u êya̱nga̱i a ukpa̱, Éa atoni yi a ciÉai u tonuko le ta̱ ukuna vi. Aku a wushuki gba̱ ili iêya Yesu dansai n iêya a korongusi a Tagara̱da u Kashila̱. 23 An Yesu wa̱ri a Urishelima adama a Abiki a Upasamgbana yi, ama ushani a wushuku ta̱ n eyi kpaci a wene ta̱ ikunesavu iêya u yansai. 24 Yesu reve ta̱ tyoku Éa atakasuvu a ama aêa̱ri, adama a nala u wushuku u a̱sa̱nka̱ le kaci wa. 25 Adama a Éa u revei atakasuvu a ama gba̱, she kpam uza u tonuko yi ukuna u roku a kaci ka uza wa, kpaci eyi n kaci ka ne u reve ta̱ ili iêya iêa̱ri a asuvu a vuma.